طلع متجه للمطبخ وكان معصب من تأخر القهوة وداخل بشّره ، فتح الباب ودخل للمطبخ الرئيسي ورجع بسرعة أول مالمح البنت الي جالسه بالزاوية وتنحنح عشان تسمعه وتنتبه ، كانت مستغربه مين هالشخص وراحت تتأكد وأول مالفت لقت سيف بوجهها
دُرر : بسم الله
سيف : الله يسامحك أحسبك وحده من بنيّات ابوخالد
ابتسمت دُرر ونطقت ، لا كلهم راحو مع سلمان كيف رجلك ؟
ابتسم من ابتسامتها ورفع لها العكّاز بقلة حيله
مسحت على كتفه بعفوية ونطقت ، تهون تهون
سيف : وين القهوة ؟
دُرر : معرف محد سوا قهوة اصلًا
سيف بعصبية : لاحول ولاقوة الا بالله ، صارلي ساعه انتظر واخرتها محد مسوي !
دُرر : اعصابك طيب هد ! تبي قهوة سودا ؟
توسعت عيونه بذهول وضحك بعّلو صوته
سيف : قهوة سودا ؟ الله يهديك عطيني الدلة مامنكم رجاء الظاهر
عقدت حواجبها بأستغراب من كلامه واتجهت تفتح الدروج تدور الدلة الي يتكلم عنها سيف
قاطعتهم سلمى الي شهقت من شافت سيف واقف ورا دُرر وهي تحاول تفتح الدرج الي فوق ، مد يده وفتحه ونطق بعصبية ، هاه شوفي مافيه شيء وين حاطينها ؟
سلمى : ياولد وش تسوي انت !
التفت برعب من صوتها وتطمن انها عمته سلمى مو احد ثاني
دُرر : عمة سيف جالس يدور دلة كذا يقول لونها قولد او شيء كذا مأعرف صراحه
أنصدم سيف من كلمتها ونطق
سيف : وش وش ؟ لونها ويش ؟
دُرر بأستغراب : قولد او شيء كذا معرف انت تقول
سيف : أخ بس الله يخلف
سلمى : سيف ياولدي الدلة بمجلسكم ماهي هنيّا ولعد تجي داخل عندنا حريم
أشر سيف على خشمه ونطق على خشمي أمريني بس
سلمى : يالدره تعالي اشوف !
مشت دُرر وهي تتحلطم عمة أشبك كم مرا اقولك اسمي دُرر مو دره ، وضحك سيف على حلطمتها وزعلها بأسمها وطلع برا
~
ملفي : كن الموضوع طال ؟
البارود : وش السواة الحين ؟ ماهو راضي ياخذها
ملفي : فيصل ساس البلا اقنع تركي وامورك تزين
قاطعهم دخول فهد وعبدالرحمن ووقفوا بذهول وصدمه
(فهد وعبدالرحمن اباء العيال)
فهد بصوت جهوري : السلام ياعرَب !
وبدو يردون السلام والأغلب كان مذهول من رجوعهم ودخولهم كانت صاعقه بالنسبة للكل فكيف لعيالهم؟
الوضع بدا يشتد من مجرد دخولهم واتجه فهد يجلس قبال ابوه وجلسته كلها ثقة واعتزاز ، قاطعهم صوت ضحك فارس وسيف الي كان يتبع فارس بصعوبة بحكم عكّازه دخلوا المجلس وأول مالتفتو على أخرة شافوا عبدالرحمن وفهد جالسين وكأنهم عاصفه بتعصف بالمكان كامل
أشتدت يد سيف عالعكّاز وبدا داخله يحترق الف مره من شاف ابوه ، نطق عبدالرحمن ماتبون تسلمون ؟
فارس كان مذهول وساكت والدلة للآن بيدة هو ماينكر انه يحب ابوه وعمه لكن مستحيل ينسى الي صار !
سيف:جعل كفوفي للقص قبل تلمس كفوفك ، شدّ على عكّازه ومشى برا المجلس
البارود : اذلف يالرّدي ! وبدا يرحب بعيالة وتملك الغضب فارس لكنه ساكت عشان ابوخالد ونطق بعصبية
~
سلمان : والله اني داري بتجيبين كلشيء ماله داعي !
مُرجان: سلمان بليز شوف يعني كل هالاشياء مهمه وجدًا واهمها الكندر والباقي اغراض البنات لاتعصب علي لوحدي ! سلمان : ماتبتي من الكندر ؟ عرفت مقصدة ونزلت رأسها بخجل وأحمّر وجهها وأبتسم سلمان مهما تكلموا عليها محد يقدر يخجّلها غيره هو ولاتدري وش سبب خجلها منه ومن كلامه رغم أن كلامه طبيعي ويتكلم مع الكل كذا
كانت روز تتمشى وهي ماسكه يد خالد وجسار وراهم ويناظرها تختار وساكت وبجانبة غلا الي جالسه تودّ له
غلا : امم شرايك أخذ ذا ولا ذا ؟
جسار وهو مركز مع روز : مدري الي يعجبك ، كانت سامعه حوارهم وقاطعها صوت خالد
خالد : ابي اشتري كورة
روز : بس خالد انت عندك كورة فالبيت
خالد : أبي وحدة جديده طيب
روز : تمام بس تراني معرف
خالد : عادي بس امشي معاي ندورهم
وهزت رأسها بالايجاب وتبعته
مُرجان: أشبهم ماخلصوا ؟
وكان جسار يناظر ساعته وهو معصب من تأخر روز وخالد وقرر انه يمشي ويدورهم وبدا يلف الاقسام كلها لكن ماحصل أي اثر لهم وأول ماكان بيطلع من القسم التفت ورا على صوت ضحك وصراخ
كانت روز بالسلة وخالد يدفها بقوة ويضحكون ومسرعين ووخر عن الطريق بسرعه وقربوا منه بالسلة ومسكها بكل قوته وطاحت روز والسلة فوقها وخالد جنبها
وبدت سلسلة الضحك الهستيري ومو قادرين يوقفون وأبتسم من شاف ضحكتها لكن قرر أنه يشد ويكون عصبي معاها
جسار وهو يشيل السلة : قومي بلاضحك ! بعدين ماتعورتي ؟
روز وهي تسحب عضّده لها عشان تقوم وسحبتة والتفت عليها وكان قريب منها بالحيل ، قامت وهي تشيل الكوره وتمسك بيد خالد من جديد وتمشي
وكان وراهم جسار الي شبة غيران من خالد
جسار : وحنا مالنا رب يعني ؟
التفتت عليه روز وهي فاهمه مقصده وأبتسمت ورجعت تكمل طريقها ، وجسار الي كان كل ماله يتعلق ولاهو عارف وش هالمشاعر الي جالسه تجيه لأنه بطبيتعه ماقد جربها وهالمره جالس يعيش شعور مختلف ولاهو عارفه
~
فارس : لولا الضيوف كان لنا تفاهم ثاني وطلع من المجلس وهو معصب متجه لداخل البيت وماكان عارف وش يبي بالضبط!
دخل داخل وحمد ربه ان مافيه أحد بالصالة وطلع فوق وكان متجه لغرفتها لكن ماحصل احد وسكت شوي من سمع اصوات البنات كلها بغرفة وحده وبدا يطق الباب وتعمد أنه يتكلم عشان ماتفتح له أي وحده
الجوهره بأستغراب : مين ذا ؟
دُرر : معرف يمه
الماس : يمه بنات ذا فارس
الجوهره : غريبه جاي ؟
الماس : معرف بفك له الباب
اتجهت الماس للباب واول مافتحت الباب سحبها فارس
الماس : وشفيك طلعتني؟
فارس : خذيني لغرفتك
كانت تتلمس وجهه تحاول تعرف اذا كان فيه حرارة او تعبان ماتدري انها بحركتها تعبته وزياده
فارس : أخ بس خذيني لغرفتك قبل اتهور
مشت الماس بإتجاه غرفتها بأستغراب وكان يتبعها ودخل لغرفتها وجلس عالسرير
الماس : وشفيك فارس تعبان ؟ غريبة جاي هنا
فارس : ابوي رجع
الماس بصدمه : ابوك ؟ كيف ومتى
فارس : اليوم رجع وشكل بيرجع معه كلشيء
اتجهت الماس تجلس على طرف السرير الي كان متمدد عليه فارس
الماس : وش المشكلة طيب روح اجلس معاه شكلك مشتاق له
~
نزلت دُرر بطفش وهي متجهه تسوي قهوه عشان تروق ولقت سيف بالمطبخ
دُرر بأبتسامه : شكلو مابنتقابل غير بالمطبخ انا وانت هالمره تبي دلة ؟
ابتسم سيف بمجامله ونطق ، مابي الا السلامه والله
دُرر : أجل بسويلك قهوة معايا
سيف : تم ماردك والله ، كان يبي يتناسى حزنه والتفكير ودُرر جت بوقتها وانقذته من زحمة أفكاره
تقدمت تطلع الأكواب وكان شعرها مزعجها وجدًا ، وبكل ماتتحرك يجي عليها وطفشت من الوضع وندهت لسيف
دُرر : سيف
سيف : لبيه وشبغيتي
دُرر وهي تأشر عالربطة الموجوده عالطاوله جيبها لي
تقدم سيف بعكّازه ياخذ الربطة ويتقدم لدُرر لين ماصار وراها وهي تغسل الأكواب وجت بتأخذ الربطة منه لكنه وقفها وبدا يرفع شعرها بنفسه وكانت هالمره غير شعرها كان ستريت وبكل مره تهزمه كيف هالبنت يضبط عليها كل انواع الشعر ! كارثه ادرك سيف أنه وقع ومافيه مفر ابد وتعوذ من ابليس ومد يده يرفع شعرها رغم صعوبته بالوقوف لكن ماحرم نفسه من لمسها ، بدت تسوي القهوه وطلع سيف ولحقته بأكواب القهوه
سيف : ماقد ذقتها تدرين ؟
دُرر : كذااب ! منجدك؟
سيف : اي بالله
دُرر : كيف يعني ماقد طلعتوا بالخبر لكوفي وذقتها ؟
سيف وهو يضحك : تدرين أنا جينا بنفس اليوم الي جيتو فيه ؟
انصدمت دُرر وتوسعت عيونها بذهول من كلامه
دُرر : صادق ؟ مرا مايبان كنت احسبكم ساكنين فيها أساسًا
بدأ سيف يذوقها وسرعان ماكشَر من طعمها المر ماش والله ماعجبتني
نزلتها دُرر منه وبدت تصور
سيف : اسمعي انا رايح فمان الله
دُرر : اصبر بساعدك
سيف : لا مايحتاج
،
شغل سلمان الزقاره وجسار يمشي جنبه
سلمان : وش بلاك جالس هنيّا
جسار : ياولد اخاف ادخل بالمجلس ويستلمنا ابو خالد ليه ماخذين بناته
سلمان : هم الي جو محد عزمهم بعدين معاهم اخوهم امش
جسار : الحقني لاتطول
ورمى سلمان الزقاره ومشى ورا جسار ، قربوا من المجلس وانصعقوا بمرور فهد من قدامهم
فهد : ياهلا ومرحبا تعال سلم انت وياه
كان سلمان واقف ويناظر بأبوه بدون أي حركه وشياطين الدنيا كلها راكبه راسه لولا ابو خالد كان ثار فيهم وبمجلسهم وأحرقه اتجه يدخل بدون مايسلم على فهد والي زاده غضب وجود عمه عبدالرحمن
ملفي بسخرية : سلم على أبوك وعمك ياسليمان
جسار : ابد مايحتاج نشبع الشوق بعدين ولا ياسلمان ؟
سلمان : ايه ايه لنا كلام ثاني معاهم وأحر من السلام
ابتسم عبدالرحمن وهو شايف غضبهم وطلع يدور على سيف
عبدالرحمن مالقى سيف وقرر انه يرجع وينام بقسم الرجال
-
صحو على صوت ملفي معصب ويطق ابواب الغرف
فارس : وشفيه
ملفي : قم انت وياه اليوم ورانا عشاء ! وناس
سيف : لاحول لعبه هي ؟ كل مازانت الجلسه سويتوا عشاء بعدين انا معذور ماني قادر اوقف زين
ملفي : اجل انثبر مامنك فايده
وابتسم سيف بأنتصار وقفل غرفته ورجع ينام
سلمان : طيب خلاص جايينك
ملفي : انت علامك متفصخ ؟
دخل سلمان غرفته يلبس ثوبه وطلع برا
جسار : شغال من الصباح تقول ماوراه شغل غيرنا خرب علي نومتي ياولد
سلمان : امش بس ، وهو طالع سمع صوت الباب ينطق وفتحه ولقى بوجهه البنات كلهم موجودين
سلمان : اعوذ بالله وش تسوون !
مُرجان : بليز نبي ندخل
بعد سلمان عن الباب بصدمة ودخلوا البنات الي كانت اشكالهم غريبة ومُرجان الي واضح انها دايخه ومعاها شنطة سفر
دخلوا الصاله ومُرجان ارتمت عالكنبه قام جسار بصدمه وطلع فارس من المطبخ وكلهم مصدومين
الماس : أحتاج أي غرفة فاضيه بنام او بموت !
قرب فارس منها ونطق : وشفيه
وبهالوقت طلع سيف من غرفته مصدوم منهم
وبدت دُرر تسولف
دُرر : سهرنا امس كلو وبعدين جلسنا للصباح مانمنا غير الساعه 4 وصار البيت ازعاج والعاملات كلهم ينظفون عندنا وبالغرف وسلمى وعزيزه يصحونا والابواب تنفتح والجوهره طردتنا من غرفتها عشان تبدل وعمة سلمى قفلت كل أبواب الغرف عشان ماننام وبقت غرفة التبديل ! وأخذنا اغراض...
صرخ سيف وهو ماسك راسه : بس تكفين بس !
التفتت دُرر عليه وسكتت
سيف : ياساتر لاحول حتى ملفي ماقومني كذا !
وضحكوا عليه العيال والبنات مستغربين منه وخصوصًا دُرر
جسار : ياولد مليون كلمة بالدقيقه
فارس : جايين تنامون هنا يعني ؟
هزت روز رأسها بالايجاب
جسار : ادخلي غرفتي ونامي ، قامت روز بتأخذ مُرجان معاها وأول مالفت ضحكت على مُرجان الي مغطيه عيونها ونايمه
سلمان : وشبلاها ذي وش الي على عيونها !
بدت روز تشد مُرجان الي مو راضيه تقوم
مُرجان: بليز بنام
روز : بننام داخل قومي
مُرجان : شوي طيب
ودخلوا البنات أغلب الغرف ينامون وطلع الكل وسيف الي كان بينفجر من سوالف دُرر ، بقى سلمان بالبيت وطلع من غرفته وشاف مُرجان نايمه بالصاله للان وتقدم يرفعها وضحك من شاف بجامتها وغطا عيونها
ودخلها غرفته وطلع برا البيت
~
البارود : وشوله جاي دامك متكسر
سيف : لا اله الا الله يعني اذا ماجيت هاوشتوا واذا جيت هاوشتو
عبدالرحمن : علامها رجلك ؟
سيف : ابد والله بس كذا حست انها لازم تنكسر وانكسرت ، وشبلاها يعني ؟ طحت وتكسرت
فهد : قل أنك رخو ومانت عارف تمشي وتكسرت
تركي : علامكم يارجال ادخلوا داخل وخلوهم يكملون شغلهم ، جسار رح مع ابوخالد يبي يدور بيت قريب من هنيّا
جسار : تم انا بالسياره خله يجي
تركي : ايه راح ينادي وحده من بناته تروح معاه عشان يختار
جسار : زين علمه اني هناك
-
ركب جسار بالسيارة وأنفتح الباب ودخل ابوخالد وغلا ركبت ورا جسار
غلا : السلام
جسار : وعليكم السلام ، وين تبي ياعمي ؟
ابوخالد : فيه بيت هنا شفته يوم أني جاي رايح أشوفه انباع ولا لا
جسار : تم بالحارة ؟
غلا : ايوه ، ناظرها جسار وماحب حركتها لانها ردت قبل ابوها وسكت من شافها تبتسم له
ونزلوا البيت وبدا ابوخالد يدور فيه اما غلا كانت ناشبه لجسار وتاركه ابوها
غلا : جسار كم عمرك ؟
جسار : وشوله تبين عمري
غلا : مدري بس كذا يعني من الطفش عرفت ؟
جسار : غلا شوفي ابوك يمكن يبي احد يساعده يطلع الدرج
ومشت غلا بغضب ، اما جسار بدا يستغفر ربه هو مايعطيها وجه الا اذا كانت روز موجوده وأول ماتذكر شكل روز الصباح أبتسم وتنهد تنهيده كلها سعاده وحُب وكأنه جالس يتنفس ويعيش عشانها هي بس كل ماطرى له طيفها تبسم مو مستعد يبدلها بأي شخص ثاني ولا مستعد يتركها تروح لغيره يسعى عشان تحبه لكن الطرق الي جالس يأخذها الحين وتودده لغلا قدامها يكرها فيه دخل جسار البيت وتوجه لغرفته ونسى ان روز موجوده وأول مادخل فتح الانوار وشافها ورجع قفلها وشغل فلاش جواله وطلع ملابسه ودخل يتروش طلع وكان الوقت متأخر شوي بالنسبة له وأتجه لها يصحيها
قرب منها لين وصلت لحد طرف السرير وبدا يركز بملامحها ويتأملها بدقة وحركاتها الي تبين انزعاجها
جسار بهمس : روز اصحي ، وماستجابت له ابد وبدا يلمس كتفها عشان يصحيها وفزت مرعوبه
جسار : بسم الله عليك وشبلاك؟
روز وهي تفرك عيونها : كم الساعه ؟
جسار : 12:43
روز : اوف تأخرت
جسار : توه بدري بس رايحين يجهزون معك وقت
روز : كلهم صاحيين ؟
جسار : لا بس توني قومتك عشان يمديدك تتجهزين ، قامت روز من السرير وناسيه جسار بكبره وملابسها
وكان يناظرها وهو ساكت وطلع برا الغرفه
-
بدت روز تصحي البنات الي كل وحده فيهم كانت بغرفه وكلهم مو راضيين يصحون وبدت تشغل الانوار وأخيراً صحو البنات وبدو يجهزون أنفسهم وملابسهم
مُرجان: بنات مين أخذت الحلق حقي !!
دُرر : الماس شوفي روز مو راضيه ترجع الكعب
الماس بتوتر : مُرجان حلقك يمكن ماجبتيه
مُرجان بصدمه : ياكذابه ! والي بيدك وش وش
الماس : اوف عاد مالي دخل مابيضبط مع فستانك يضبط مع فستاني انا
روز : بنات البس الازرق ولا الاسود ؟
دُرر : روز بدون هبال الاسود بعمره ماضبط عليك البسي السماوي
مُرجان: تصدقون لازم ارجع اطلب لانو ملابسي قد لبستها كلها
جلست الماس على الكنبه وهي تأفف : تتوقعون ريهام وغلا وش يلبسون
كشَرت روز من طاري غلا : مو مهم الجوهره فينها ؟ مابتجي هنا
وبدا الباب يطق وراحت الماس تفكه
الماس : يمه وشتبي انت ؟
فارس : حلوة ذي وش أبي البيت بيتنا
دفته الماس ونطقت مشغولين تعال بعدين بليز
فارس : وانطرد من بيتي بعد ، بدخل أتروش واطلع ماني جالس
الماس : اوف منك فارس
فارس : خلاص ولا تعصبين جيبي ملابسي من داخل بتروش بحمامات الرجال
ابتسمت الماس وسرعان ماختفت الابتسامه من وجهها ، معرف ملابسك طيب !
فارس : البلشه والله
الماس : خلاص بتصل عليك بسناب
فارس بمزح : سنابي برايفت وانا متزوج ماعطيه أي احد
الماس وهي تضحك : لا والله ؟
فارس : أمزح فداك جوالي كله أمسكي
أبتسمت بخجل من كلامه وضافته ودخلت داخل لغرفته
الجوهره : أنا رايحه للبنات باي
ريهام : ليه وينهم ؟
الجوهره : بالمبنى الثاني بروح
غلا: بجي معاك
الجوهره : مب لازم أدل الطريق !
وتأففت غلا وفشلت خطتها بأنها تشوف جسار
ريهام : شايفين أنفسهم على وش ؟
غلا : أنا اوريك فيهم بس أخذ جسار بصير الآمره الناهيه بهالبيت ، وأنتي خذي اخوهم الكبير مدري شسمه
ونزلت ريهام راسها بحرج من طرى على بالها سلمان
غلا : وشبلاك أستحيتي لايكون معجبك !
وقفلت ريهام فم غلا بيدينها ، وغلا صارخت بحماس
-
الجوهره : فارس وشتسوي هنا ؟
فارس : أبد والله انتظر لموس تجيب ملابسي
الجوهره بصدمه : لموس ! وش هالميانه
وضحك فارس ، الدعوة مزوح
ودخلت الجوهره وهي تضحك عليه
الجوهره : الماس وشبه ينتظر عند الباب
الماس : بليز الجوهره ماعرف أي واحد يبيه ذا او ذا ؟
الجوهره : وديهم كلهم
وطلعت الماس تركض بأشمغة فارس
فارس : ياساتر جايبه عفشي كله وراك ؟
الماس : فارس ماعرف أفرق بينهم انت قلتلي بالمكالمع الي عاليمين وأنا ماعرف يميني من يساري اصًلا !
وضحك فارس بعّلو صوته عليها ، فارس : الله يخلف بس هاتيهم انا رايح
بدوا البنات يلبسون ملابسهم وجو نص الحضور والعيال الي كل خمس دقايق جايين يأخذون من اغراضهم والطلبات الي ماتنتهي ، تأففت روز بملل وهي تنتظر مُرجان
روز : مُرجان مطولة ؟
فتحت مُرجان الباب وطلعت
روز : اليوووم حلوة وبالسلفر ! ياساتر والجمال
مُرجان: ماعرف شرايك طالعه حلوه ؟
روز : هلااك والله دمار
مُرجان: أحُبِك طيب !
روز : وانا كمان ، نطلع عشان مانتأخر ؟
مُرجان: يلا
وطلعوا وبنص الطريق تأففت روز
مُرجان: اشبك ؟
روز : نسيت شاحني بروح أجيبه واجي روحي
مُرجان: هبله ، بعدين شوفي المجلس كله ناس شكل جو واجد
روز : مابطول ، وراحت للبيت ودخلت تدور على جوالها وشاحنها وتذكرت أنهم بغرفة جسار واول مادخلتها شهقت من طلع جسار بوجهها
جسار : وشجابك أنتي
روز : ابي جوالي وشاحني انت وشجابك
جسار : ادخلي خذيهم ، ودخلت روز وقفل الباب جسار
التفتت روز وشافته بكامل أناقتة ومشخص ويطلع البكت حقه ويناظرها
روز : اشبك ؟
جسار : ماجاز لي فستانك
ضحكت روز بسخريه : وشدخلك بفستاني انت ؟
جسار : بس كذا اقولك رأيي
روز : وخر وبعدين انا مايضبط عليّا الا الازرق ايش اسوي يعني ؟
جسار : اي بالله ضابط عليك ، بس فتحته من فوق
روز : لاتدخن عندي وخر عن الباب
كان ساكت ولا تحرك أستغربت روز منه
روز : جسار ترا مو وقتك مره وخر ومدت يدها بتوخره بس مسكها وشدّها له وتضاربت أنفاسهم وارتخى جسار
روز : جسار ابعد
جسار بثقل صوته : واذا قلت لا ؟
روز : تراك تعيد الكره ومو أول مرا تسويها بعلم بابا !
وبعد جسار عنها ولعن نفسه ، مو قادر يسيطر على نفسه عندها ولاهو قادر يتماسك ، وطلع من الغرفه يصرخ بأسمها ، التفتت بخوف من صرخته
جسار : ماتطلعين بهالشكل فيه رجال امشي انا اوصلك بالسياره !
روز : سيارة ايش ترا قريب خمس دقايق وانا واصله
ماهتم لكلامها وسحبها من يدها وطلع برا البيت وفتح باب السيارة ودخلها ومشى يركب
جلست وهي معصبة من حركته وأول مادخل استلمته هواش وصراخ
روز : أنت على أي اساس شايف أنو لك الحق تتحكم فيني وبملابسي وطلعاتي ؟ تراك مريض وأهبل وربي لو شُفتك مرا ثانيه قدامي بعلم مو بس ابوي جدي كمان ! وشوف ملفي ايش حايسوي فيك سامع ؟
جسار : سامع كملي
وصرخت بغضب من بروده وبدت ترمي أي شي قدامها عليه من فاين وعلب
جسار : خلصتي ؟ وصلنا
روز : أكرهك ، وصفقت باب السيارة بقوه
جسار : وانا أحبك بعد ، وأول ماجاء يحرك سيارته انطق الشباك حقه وفتحه بصدمه
غلا : هاي جسار شلونك ؟ اذا ماعليك أمر ابيك تعطيني رقمك ضروري
جسار : وشوله ؟
غلا : ابوي يبيه ، وعطاها جسار رقمه بأستغراب ومشى
غلا بحماس : جبتتته جبتته
ريهام : احلفي كذابه !
غلا : والله شوفي ، بجرب أتصل تعالي نروح داخل بعدين نشوفه
ودخلوا داخل وكانت اصوات الاغاني متعاليه وجداً وانسجموا مع الموجودين رغم كثرتهم وماهي الا دقايق مر سلمان من المطبخ وجاء بيطلع بس تراجع من شاف باب المطبخ الخارجي مردود عالصالة ولمح وحدة ترقص بس ماكان واضح مين هي كانت معطيته ضهرها رغم كثرة الحضور لكن مالتفت الا لهالبنت وقفل الباب وهو يستغفر ربه وأخذ الي يبيه وطلع برا البيت
~
كانت ريهام تناظر مُرجان الي تتمايل وترقص مع روز وتناظر الكل يطالع فيها وكانت بغاية الجمال والكل يتسائل مين هالبنت كان شكلها أعجوبه وكأنها مزيج بين القمر والشمس والبحر واليابسه والواقع والخيال كانت شيء غير معقول ولا أحد قادر يميزه بين تقلباتها المزاجيه والشخصيه وكيف كل شيء راكب عليها كانت جميله وكأنها النجمة وحيده بين الفلك بأكملة جمالها يدون شكلها كان تعجيزي ورقصها مُهلك كانت تتمايل بخفه وعارفه بقوة رقصها وعارفه بالانظار الي عليها ماتدربت ثلاث سنين عبث ! احترت ريهام من هالوضع وسرعان ماجتها خطه ومسكت جوالها وبدت تصور مُرجان الي رقصها بدا يحلو لأن بدأت نغمات ودقات الأغنية وقت تصوير ريهام لها والكل ابعد من المكان وبقت هي الي ترقص وتتمايل وريهام أستغلت هالفرصة وبدت تصور على راحتها وفزت من جتها الجوهره
الجوهره : ليه تصورين ؟
ريهام : مُرجان قالت
الجوهره : اوه ارسلي لي انا بعد
وأنتهت الأغنية وبدا الكل يهتف لها والتصفيق جاء من كل مكان وتجمعوا عليها البنات ودُرر الي كانت تبوسها وهي فخورة فيها هي عارفه قد أيش تعبت مُرجان وقت التدريب وأنبسطت من شافت الكل منبهر ومذهول من قوة رقصها
مُرجان: أخ تعببت
روز : تجنني موووت
ريهام : مُرجان شكلك حلو الصراحة ورقصك جيد لكن فيه أفضل
شمقت لها مُرجان ورفعت فستانها وبدت تمشي بأتجاه المطبخ تدور موية لأنها تعبت من الرقص ، وكانت الجوهره بجانبها
وأول مادخلت المطبخ ركضت تحضنه
ايهم : ياسلام وش هالحلاوة ؟
ودخلت الجوهره وشافت ايهم ماهتمت ودخلت تجيب مويا
وناظرها ايهم وكمل حديثه مع مُرجان
مُرجان وهي تدور : وشرايك بفستاني ؟
ايهم : حلو بس مو كأن فتحة البطن مالها داعي ؟
مُرجان: معرف بس عاجبني
ايهم كأني اسمع امي تناديك
مُرجان: غريبة ماسمعت بروح أشوفها ، وطلعت تدور أمها
واتجه ايهم للجوهره الي كانت واقفه عند الثلاجة تدور علبة مويا
سحبها ايهم من خصرها له ونطق ، تدرين أنك دمار اليوم ؟
الجوهره : ايهم وخر بيشوفونا !
ايهم : محد مهتم ، وتقدم لها أكثر وبعد شعرها عن كتفها وحط رأسه عليها وكمل يستنشق عطرها الي قادر بكل مره يموته ويحيه آلف مره بمكانه !
الجوهره بهمس : ايهم ابعد امانه
ايهم : خايفه منهم ؟
الجوهره : لو احد شافنا بتصير مشكله وأنت عارف جدي ايش بيسوي فيك
ضحك ايهم وهو يطبع قبلة على خدها ويمشي
الجوهره بصوت عالي : متخلف !
ايهم : أحبك يابعدهم
أبتسمت الجوهره وطلعت برا تصور مع روز والماس
ورتهم الماس صوره بجوالها: بنات شعري حلو بالصوره ؟
روز : أي يجنن
الماس : كويس لان بنزلها سناب
الجوهره : أعطي بعضهم هايد وأولهم ريهام وغلا
الماس : ارسلو لي الصور برسلهم لتولين ولميس
دُرر : ياحيوانة ضايفتهم وأنا ماعرف !!
الماس : ايوا منزمان ، وكان المقطع ينعاد بجوالها ونزلته ستوري بلغلط بدون ماتنتبه ، وانتهى نقاش البنات ودخلوا داخل عند الحريم وبدت السوالف والضحك
تقدمت لمُرجان وهالمره كانت غير كان ودها تفتح صفحه جديدة ومدت يدها ورفعت مُرجان رأسها وانصعقت باللي موجوده
الترف : اهلين وشلونك؟
سلمت عليها مُرجان وجلست ترف بجنبها
ترف : حبيت نفتح صفحة جديده وننسى الي حصل ياقمر
أبتسمت مُرجان وبدت تأخذ وتعطي مع ترف وانتهت العدواة بينهم
-
كانت جالسه مع البنات وفزت من شافت اتصاله عليها وبعدت عنهم ترفع السماعه بأستغراب
الماس : هلا ؟
فارس : وش الي انتي منزلته !
الماس : ايش نزلت ؟
فارس : تستغبين علي انتي ولا وش ؟
الماس : فارس شقاعد تقول انت ! اشبك معصب عليّا
فارس : الماس الله يرضى لي عليك شوفي الي منزلته أنتي
دخلت السناب بسرعه وشافت الستوري حقها وكأن مقطع لها باين شكلها بأكمله وتغني وحذفته بسرعه وتوتر من شافت الي شافو الستوري أغلبهم صحباتها وماتعدو الـ12 شخص ومن ضمنهم فارس الي جن جنونه وهو يناديها بالمكالمة
فارس : الماس حذفتيه ؟
الماس : ايوا حذفته
فارس : نتفاهم بعدين
رفعت حواجبها وضحكت بصدمه ونطقت : نتفاهم بعدين مين انت عشان اتفاهم معاك؟
قفل فارس الجوال بوجهها وعصبت من حركته ومشت داخل وكلها غضب من أخر كلمه نطقها أوكي صح انها تعتبره صديق بس مالو دخل بستورياتها وحركاتها وتصرفاتها ! هي لسا ماعتبرته زوج لها وتأففت ولمحت غلا جايه عندها وصدت بغضب تروح للبنات
وكانت دُرر تسولف مع كل الموجودين منتبهين لسوالفها ولسانها المعسول الكل كان مركز معاها ولسوالفها ومدققين برزانتها
-
وقفوا يسلمون عالموجودين والكل مصدوم من وجودهم وكانت لهم هيبتهم بالمجلس وصيتهم ووجودهم كان لاذع الكل أكثر من ابائهم المتسلطين وكل ماتكلموا الكل سمع لهم
عبدالرحمن : قوموا ياعرب عالعشاء واعذرونا على قل الكلافه
وبدت الردود تجيه من كل مكان وقاموا للعشاء وكان جالس يدور سيف من بينهم
عبدالرحمن : وينك انت من اليوم ادورك وين غديت ؟
سيف : موجود وشبغيت ؟
عبدالرحمن : امش حطو العشاء
سيف : ماني مشتهي شيء
وتنهد عبدالرحمن رغم ان الكل حوله مايردونه وتابعين له والكل يحسب له الف حساب ومحدٍ يتجاهله الا هالسيف الي كاسر ضهره بالمكابر والبعد
عبدالرحمن تغير لكن وش الي يقنع سيف ؟
وبدا سلمان يسولف وكان الكل منتبه لسوالفه ويأخذون ويعطون معه كانت شخصيته وسوالفه تجذب وهيبته من هيبة ابوه وعمامه
همس جسار لفارس ونطق : تتوقع وراثه لاتكلمنا الكل سكت ولا وشسالفه ؟
وابتسم فارس على كلام جسار ونطق ، الظاهر خوف ماهو حب فينا
جسار وهو يضحك : لو قلت ا سكتو وسمعوني
سكت فارس وهو يناظر الوقت
-
كانت دُرر طول الوقت مبسوطة وتضحك عالجوال
مُرجان: اشبك تبتسمين ؟
دُرر بتوتر : مافي شيء بس كذا
مُرجان: الابتسامه شاقه وجهك وتقولين مافي شيء ؟
دُرر : بس وريت صحبتي شكلي وجالسه تمدحني
وسحبت مُرجان الجوال وشافت المحادثه وشهقت
مُرجان بصراخ : دُرر !!!!!!
سحبت دُرر الجوال بسرعه من مُرجان وأول مامسكت الجوال صفقتها مُرجان كف بأقوى ماعندها
التفتت الماس بخوف : اشبكم !
وكانت نظرات مُرجان تحرق دُرر ودُرر ماسكة خدها وتصيح
روز بعصبيه وصراخ : مُرجان ياغبيه ليه ضربتيها !
مُرجان: شوفيها أيش مسويه وأيش مهببه من ورانا والله لو يعرف بابا بينحرها شوفي واعتبي عليها هيّا مو انا !!!
