الجوهره مرتبكه ماتعرف ترد ولا لا ، اخذت جوالها وطلعت برا
الجوهره : نعم؟
ايهم : اطلعي برا
الجوهره : مافهمت ايش تقول انت ؟
ايهم : الجوهره انا عرفت كلشي اطلعي
الجوهره : وش تخبص انت ووين اطلع ؟
ايهم : انا أخو مُرجان
انصدمت الجوهره وسكتت
ايهم : ادري فيك انصدمتي وادري مو مستوعبه شي لكن انا عارف اعجابك وابادلك !
الجوهره : يليل بطل كذب درينا انك عارفني وحافظ كلشي بحياتي بطل سخافه !
ايهم : اجل اطلعي برا واثبت لك
قفلت الجوهره بخوف ودخلت داخل
عض شفته ايهم وحس انه قريب منها قريييب لمراده ومناه وجلس يناظر البيت ولفته صوت سلمان وجسار
ايهم : ياولد من فالقك ؟
جسار : ابومشبب الله يشغله بنفسه يولد
ايهم : من ابومشبب ذا ؟
ضحك سلمان وقال واحد من عيال الديره بيننا عداوه سابقه وضحك جسار وهو عارف انها بنت
ايهم وهو مبتسم مادري وش اقول بس لاتدخلون عند الرجال
بنص الليل بعد مارجع الكل للبيت
البارود وهو يصارخ على مُرجان
البارود : الحين هذي سوات يابنت عزيز أول يوم لك بالديره وتحرقين بنت ابويوسف ؟
مُرجان بعصبيه : انتا مالك حق تخاصمني اصلاً ! محد له كلمه علي والكل شاهد انها الي بدت بالكلام
ملفي : وتراديين بعد ؟ وجاء بيمد يده عليها ومسكت يده وقالت اكسرها لك لو ترفعها علي سامع !
انصدمو الكل من حركتها وكيف راددت وانصدم عبدالعزيز من شخصية مُرجان الي تغيرت فور دخولهم للديره هنا
فيصل : يابنت اعقلي
مُرجان : عمي والله هي الي بدت اقسم بالله اشبكم ماتصدقوني ؟
تركي : مصدقك يابنتي
نزل راسه عبدالعزيز حاس انها مو بنته حاس انها شخص ثاني مايدري هي قست ولا الايام قست عليها وغيرتها بمجلس العيال الي كان مزحوم رغم ان البيت كبير وفيه غرف ومحد دخل ينام فيها الا ايهم
متعب : ياعيال والله ولد المدينه راح للبيت ونام ياحظه سرير ونت يالبييه
وليد : وعيال الديره ينطقون هنا بالخياس
سلمان : وش هالحساسيه روحو داخل طيب
وليد : هذا اذا دخلنا الربحه
سيف : امش انا ادخلك
متعب : والله ؟
سيف : وشبلاك مو مصدقني والله
وتبعوه متعب ووليد ودخلهم من ورا للقسم البعيد رغم انه مسموح يدخلونه لكن ملفي مو راضي يدخلهم
وطلع سيف بالحوش وانصدم من الي قدامه
كانت تشرب ماتشا وجالسه بالجلسه الي برا وكانت طالعه بدون عبايه وانصدم لمن شافها عرفها ! عرف ملامحها زين وشعرها الكيرلي ميزها رغم انها ثاني مره تسوي شعرها الكيرلي ويغير بشكها جداً ، الا انه الوحيد الي تهنى بشوفته مرتين اختبص حاله بدا يتنفس بقوه مايدري الي قدامه صدق ولاكذب ولاوهم ماكان عارف وشيصير لفت عليه وانتبهت له وصارخت وهو صد وطلع برا للعيال
دخل عليهم وهو يتنفس بقوه ومصدوم ووجهه احمر
فارس : وشبلاك ياولد ؟
سيف : شفتها يمين بالله هي
جسار : من؟
سيف : ديما
فارس : ديما من ؟
سلمان ارتبك ومايدري وش يسوي هل هو فعلاً هم موجودين هنا بنفس الديره ؟ والي شافه سلمان صدق ولا وحده ثانيه ويتهيئ له بس سيف جالس يأكد على كلامه !
سلمان : ديما الي بالخبر ؟
سيف : ايه ايه هي والله هي
جسار : سيف تعوذ من ابليس تشبها يمكن ووش يجيبها ببيت جدي ؟
فارس : يعيال وش السالفه
سلمان : وانا شفت اوجان امس بعد
جسار لف عليه بصدمه : هي الي ضربتك ؟
سلمان : ايه
فارس : ياعيال !!!
وجلس سلمان يقول السالفه كلها ، وسيف يأكد ويحلف لهم انها هي
-
دُرر : بنات يمه في واحد دخل علي وانا جالسه برا فجع امي !!
تولين : ايوا اتذكر اول يوم جاني واحد يطق الباب وفجعني برضو
لميس : يوه ذاك اليوم وجلست تضحك
الماس : دُرر ابيك شوي تعالي
روز : اشبك تصيحين خلاص امانه وربي لاولع فيهم لاتصيحين
مُرجان : اتخيلي انو كان بيرفع يده علي وبابا ساكت ولا قال شي ! لهدرجه اتغير
روز : جوجو حبيبتي لاتزعل على عمي ترا اكيد هو اتغير من السجن وشوفي كيف شكله متغير وهذول عمامه بالنهايه ماراح يقدر يقول كلمه لكن جدي واقف معاك وابوي وعمي عزيز مو مستوعب هالفتره ايش الي جالس يصير وانا متأكده من كلامي هذا صدقيني
مُرجان : انا تعبت مرا متخيله انو بشرتي خربت من الشمس الي هنا !
ضحكت روز باسى وهي تناظر مُرجان الي مهما طغى حزنها شكلها وجمالها يكون بالمرتبه الاولى دائماً
-
الماس ودُرر وهم عند الباب يسمعون كلام مُرجان
ضحكت دُرر ونطقت هذي هي المهم شكلها
الماس : وربي حسبت انو منجد زعلوها وجلست تضحك
ومشوا برا
دُرر : الماس
الماس : هلا
دُرر : اتخيلي قبل شوي كنت جالسه هنا وأشرت على الجلسه الي بعيده عنهم شوي بحكم انهم يتمشون بالحوش ، وجاني واحد يشبه ذاك الي كان معانا بالخبر عرفتيه ؟
الماس : مين ؟
دُرر : ذاك ياربي الي عندو شنبات ولحيته تبطبط
الماس : لاياشيخه ؟ عرفت الحين انا
دُرر : الماس اشبك ! الي دايم يضحك ويطقطق علي وعلى روز
الماس : اها قصدك سيف ؟
دُرر : الله عليك ، منجد والله شفته مدري شفت واحد يشبه له
الماس : ياشيخه ذاك بالخبر وشوفي احنا وين وش يجيبه لنا
دُرر : من الخبر للديره سوء المنقلب والله
وضحكت الماس ودخلو داخل ينامون يعلنون ان اليوم انتهى
صحى وليد وكانت اول مره يتهنى بنومه حلوه زي كذا بالديره ودعى على ملفي الي حارمهم وينومهم بالمجلس وطلع يصحي متعب ، قاطعه صوت لميس وهي تقوله لوسمحت التفت عليها وانصدم
لميس : عادي تجيب لنا اغراض ؟
وليد وهو يحاول يصد قد مايقدر : امري وشتبين ؟
لميس: اممم والله الحقيقه في اشياء مرا كثير عطني رقمك وارسلهم لك
وليد : تم انا طالع اذا احتجتي شي ارسلي لي ، كان مستغرب ومرتبك ونسى وش كان يبي اصلاً طار عقله
واتجه يصحي العيال
-
لميس: بنات خلاص قلت لواحد يجيب اغراض
مُرجان وهي تاكل الزيتون : مين ؟
لميس: مدري صراحه بس كذا تعطينو فايب بدوي وعندو ندبه صغيره شوي
مُرجان : اف متى بيصحون الباقي انا مرا جوعانه وابي نخرج نفطر برا
لميس : الله حتنا ابي
مُرجان : والله ؟
لميس : ايوا
مُرجان بحماس : يلا تعالي نتجهز ، وطلعو هي ولميس واتجهزو وكانو يحسبون كلشي نفس مايكونون بالمدينه العبايات والشكل لكن احترام لاهلهم توقعو انو عادي يتحجبون ويبان نص شعرهم بحكم انهم مايتحجبون اصلاً
وفتحت عليهم الجوهره الباب بنص تجهيزاتهم ونطقت بصدمه على وين بتروحون؟
لميس : بنخرج نفطر برا تجين معانا ؟
الجوهره : اييي تكفين
مُرجان : يلا تجهزي سريع سريع احنا برا
الجوهره : تم
تجهزو البنات وكانو بيطلعون لمحهم سيف وعلى طول نكز فارس الي جنبه
فارس : وشسوي ؟
سيف : ياغبي والله العظيم لو يشوفهم جدك يكسر ضلوعهم شف شلون طالعين ولحالهم بعد يحسبون احنا بجده ولا الخبر ؟
فارس : وشدخلني فيهم ؟
سحبه سيف معاه يتجه للبنات حاطه يدها على جبهتها وعاقده حواجبها بسبب الشمس ومتنرفزه من التراب لانها لابسه كعب ولاتقدر تستغني عنه والبنات من حالها
لميس : بنات ضيعت سيارة بابا معرف فينها
الجوهره : شوفي مو ذيك السوداء ؟
لميس : لا لونها رصاصي كذا عرفتي
مُرجان : بنااات مرا تعبت
سيف : وين رايحين ؟
ارتبكت مُرجان وصدت بوجهها عنه
لميس : مين انت ؟
فارس : على وين انتي وياها ؟
الجوهره : فارس ؟
فارس : ايه
الجوهره : طالعين نفطر
سيف : وعلى كيفكم هي ؟ تحسبوننا بالمدينه وعيونه على البنت الي صاده عنه
لاحظته الجوهره ووقفت قدامه ونطقت بهمس : لاتناظر
ناظرها سيف وسكت
فارس : لو طلعتو من هنا جدي بيحش رجولكم
مُرجان : على تراب انت وجدك
سيف بصدمه : اسلم
ضحك فارس بصدمه من كلامها : مانتي هينه والله
لفت عليه مُرجان وعرفته وتأكدت ان كل شكوكها صح وانهم موجودين هنا
لميس : احنا رايحين باي ومشت وكانت متجهه للسياره ، مسك يدها وليد وهو جاي من بعيد ورجعها لورا بقوه
نطق بحده : ماعندنا بنات يطلعون لحالهم
لميس : وخر ايدك يامريض وشدخلك فيني
وليد : اقصري حسك وادخلي داخل
فارس وعيونه عليها : اوجان اجل ؟
مُرجان : ماعرف ايش تتكلم ولا ايش تقول ودخلت داخل ووراها الجوهره
ولميس الي دخلت معصبه من حركات وليد
لميس : يع يع ! عصبني الغبي
مُرجان : وع كرهتهم شايفين انفسهم على ايش ؟
الجوهره : عصبت منجد خل ندخل داخل ونقول لبابا ولا عمي يودينا
مُرجان : تم
راحو البنات وكانو يقنعون ابائهم لكن مافيه فايده ومر الوقت لين صار وقت الغداء
-
البارود : جمعهم كلهم الان !
ملفي : اشوفك تأمر وتنهى ؟
البارود : ملفي لاتزيدها وعلمهم
وطلع ملفي من المجلس ينادي باعلى صوته يامتعب
متعب : هلا ياجدي
ملفي : علمهم كلهم الغداء اليوم هنا
متعب : اما وشلون ؟
ملفي : امش ياولد
متعب : سم
وانتشر الخبر بالبيت
وتجمعو بالفعل زياد وخالد وفيصل وعبدالعزيز وعبدالرحمن وعبدالله ولد سياف
ينتظرون عيالهم
وبالفعل الكل تجمع اما البنات محد جاء منهم الا عزيزه وساميه
ملفي : اشوف انه نبدا الحين الباقي مالهم داعي
تركي بعصبيه : ملفي تراك اقلقتنا اسكت شوي
وضحك سلمان على كلام تركي يحاول يخفي ضحكته
دخلت سلمى ومعاها الجوهره وتولين
سياف : تولين وين اختك ؟
تولين : داخل مع البنات
الجوهره كانت مرتبكه من نظرات ايهم الي اكلها بنظراته فعلاً وتتصد بعيونها عنه اما هو كان عاجبه الوضع ويضحك ، امتلت الطاوله رغم انها كبيره وكان موجود عليها اجمل الاصناف والكل جالس الا ست كراسي فاضيه
اشواق : يالجوهره وين بنات عمك؟
الجوهره : ماما انتي عارفه مُرجان تتاخر دايم
ساميه : يوه ياهلمُرجان
تركي : الا بنتي خلوها
عبدالعزيز : افا يبه صارت بنتك وانا وش موقعي ؟
تركي : عاد مُرجان الغلا
ملفي : بتخربهم بدلعك انت وسياف
سياف : اعوذبالله انت ماتسكت دقيقتين الا وجايب طاريي ؟
ضحك فارس بقوه ولاقدر يكتم ضحكته ، والعيال يضحكون عليه وعلى كلام سياف وتركي الي بكل مره يزبدون لملفي
ابتسم سياف وناظر لتركي والبارود الي يضحكون وملفي الي معصب ويهاوش العيال
مُرجان : اسمعي تكفين انتي ادخلي اول
روز : لاسلامات ؟ انتي ادخلي
الماس : بنات اشبكم يلا ادخلو !
دُرر : يمه قلبي يخوف ، مُرجان تكفين قولي انك انحولتي من الشمس ومو هم الي داخل !
مُرجان : يابنت انا شايفته والله هو او يشبه له
الماس : بنات ! اشبكم ترا مو هم انا بدخل !
دخلت الماس ووراها البنات وكانت كل الانظار عليهم
رفعت راسها الماس وشافتهم وايقنت ان مافيه مهرب ابد
مُرجان كانت متوتره من نظراتهم ومرجعه يدها ورا ظهرها وهالحركه ملازمتها بكل ماتتوتر
روز حالها مو احسن منهم كانت خايفه وتبي تتخبى ورا دُرر والماس
دُرر هي الوحيده الي تصنعت القوه واتجهت تجلس وخلفها البنات
سلمان عيونه صارت حمراء من العصبيه والقهر هو شافها شافهم ! وطلع كلامه صدق والي شافوه مو وهم والعيال من حاله كانو معصبين وجداً هم فتحو بيتهم لهم اكلو معاهم عاملوهم احسن معامله وبالنهايه؟ يروحون بدون كلام ولاحتى خبر وفوقها يطلعون قرايب ولاعرفو الوضع كان متوتر بينهم
