كانت جالسه عند الباب وحاضنه رجولها وتناظره وتناظر الغرفه الي اتضحت انها غرفته ، كان مرتخي قدامها واشبه بالنايم عرفت انه نام ولاحس بالوقت ومر وقت طويل ولاتحرك ! وهي بدت تخاف من الهدوء صارت تسمع نبضاتها قامت بكل خفه وقربت من عنده بتاخذ المفتاح من جيبه واول ماحطت يدها سحبها بقوه له وارتمت عليه
روز : جسار يامريض عطني المفتاح
جسار : علميني كل شي وبترك تطلعين
روز وهي تحاول تبعد عنه ، وش تبي تعرف ! ماعندي لك شي تعرفه
جسار بسخريه : تصدقين اني مو مهتم وبحريقه تحرقكم لكن عارف ان جدي هو الي ارسلكم لنا لاجل تغوونا لكن ماقدرتو ورحتو خطتكم مدروسه وضعيفه
روز بنفس السخريه : يالله بسرعه حبكت الموضوع ببالك كذا متخلف وضربته بيدها وبعدته عنها
وكملت ، تحسبنا جايين عشانكم كلشي كان صدفه وابتدا من سجن عمي عزيز !
جسار بصدمه : عمي عبدالعزيز انسجن؟
روز : وش رايك يعني ؟
جسار بعصبيه : روز اشرحي لي كلشي !
روز باستفزاز : حلو هذي اول مرا تنطق اسمي
جسار وهو يتقدم لها ويمسك خدها بخبث : تصدقين عاد لايق عليك اكثر من ود حسيته مناسب
مسكت يده بقوه ووخرتها عنها ونطقت بحده جسار طلعني خلاص ، بالفعل ماكان وده يتمادى اكثر وحس انهم عرفو بغيابه وطلع المفتاح وطلعها برا الغرفه
جسار : روحي
روز : تستهبل معرف شي بالمكان
جسار : يليل الحقيني اجل ولاتخلين اي بني ادم يشوفك معاي سامعه ! وبتجين برجولك اليوم بالليل
روز : اي يصير خير
-
مُرجان وهي طالعه برا لمحت روز جايه من بعيد واتجهت لها واستغربت لان جسار كان قدامها
مُرجان من بعيد : روز
وركضت لها روز وهي ماصدقت انها تشوفها وحضنتها بكل خوف كانت عايشه بتوتر طول هالساعات
مُرجان : اشبك وين اختفيتي ؟
روز : تكفين احس بنخنق وع وع بمووت قرف وبدت تمسح ايديها ووجها بعشوائيه وعنف وتنطق قرب مني قرب مني !!
مُرجان انصدمت وخافت : بنت شقاعد تقولي وش قرب منك !! روز وهي للان تحس بانفاسه على وجهها وايديه على ايدينها بكت بخوف ورعب طول هالوقت ماسكه نفسها والحين انفجرت وصدرها يهبط وينزل بسرعه وجلست بالارض وجلست معاها مُرجان تهديها وتحضنها
لمحهم تركي من بعيد بحكم موعده مع مُرجان وجاء لروز ياخذها معاه داخل ووراهم مُرجان الي ماكملت طريقها الا وسلمان بوجهها
سلمان : يالباربي على وين ؟
مُرجان بعصبيه : سلمان وخر عني ابي اشوف روز !
سلمان : وروز منهي ذي بعد ؟
توترت مُرجان من عرفت انها جابت العيد وفضحتهم هي للان ماعلمتهم باساميهم الحقيقه بالرغم انهم يسمعونها لكن ماستوعبو وكانت سرحانه تفكر بكل هالاشياء
سلمان : هيه انتي اكلمك انا
مُرجان : يليل خلاص وخر
سلمان وهو متعمد يستفزها : طيب اسمعيني وسحبها ومشى لمكان بعيد كان زي الممر الطويل للمزرعه والقصر وكان كله نخل واشجار ووقفو بنهايته عند مدخل المزرعه
وكمل سلمان كلامه...
-
سيف بعصبيه : جسار لاتجنني تراك من اليوم مختفي ! تدري لو تاخرت ساعتين ملفي بيثور فينا
جسار : خلاص ابعد عني بريح ساعه واجيكم
فارس وهو يرفس جسار بقوه وينطق قم ياكلب والله ماتنام
عصب جسار وهو مايحب احد يضايقه وقت نومه ومسك فارس وبدو يتطارحون بالارض وسيف الي ميت ضحك عليهم ويشجع
دخل البارود بعصبيه وصارخ قومو قامت قيامتكم هذي سوات الحين وش كبركم وتتطارحون ! لابارك الله فيكم من عيال
جسار بضحكه وهو يبعد شعره عن وجهه : جدي تكفى والله فارس يدور حرش
البارود كلكم وقفو بالحوش نص ساعه
فارس : جدي بتصلخنا انت ؟ والله ترانا كبرنا وعقلنا ماعدنا بزارين
البارود : عقلتم ؟ هذا كله وعقلتم اقول امش قدامي ولا يكثر لا اصلبك الحين !
فارس : لاتكفى كل شي الا ذا
وطلعو العيال لنفس مكانهم الي يوقفهم فيه البارود اذا تهاوشو لكن هالمره كانت غير كانت كلها ضحك وبدون راس المصايب الي يورطهم دايم بمشاكله وياكلونها معاه سلمان الماس : روز حبيبتي اهدي اشربي مويه خلاص
ساميه : خلاص ياعيوني نامي وارتاحي ولاتفكرين بشي
روز : ماعرف وش جاني لكن تعبت فجأه وطحت
فيصل : تبين اوديك المستشفى ؟
روز : لا بابا مايحتاج عادي الحين بس ارتاح وخلاص
تركي : اجل قومو برا خلوها ترتاح وبالفعل الكل طلع
-
كان يناظر شباكها ويتمنى انها تطل عليه طله وحده ويزين يومه بشوفتها ، اما الجوهره الي كانت تتمكيج بغرفتها وتصور وقاطعها اتصال منه هو ارتبكت ووقفت كلشي جالسه تسويه وردت
الجوهره : هلا
ايهم : يالبييه ياصوتك من الصبح ماسمعته اشتقت لك
الجوهره : ايهم !
ايهم : عيونه وكله
الجوهره : ايهم امانه لاتكلمني خلاص اخاف احد يعرف
ايهم : خلهم يعرفون ياشيخه طز فيهم كلهم اطلعي لي ابيك
الجوهره : فين اطلع ؟
ايهم : طلي مع الشباك
اتجهت الجوهره للشباك تناظر ايهم وتضحك ونطقت بعلو صوتها ياسخييف واقف هنا تننتظرني !
ايهم : ابي اشوفك
الجوهره : تمام بس اخلص ميكب بنزلك
ايهم بحماس : والله ؟
الجوهره : ايوا ولاماتبي ؟
ايهم : الا والله ابي تكفين عجلي علي
سكرت الجوهره وكلها حماس واندفاع ومشاعر لذذيذة ! وتاكل بقلبها الي بيطير من الفرحه وتجهزت ونزلت له بدون محد ينتبه لها وتقابلو تحت شباك غرفتها
ايهم : اخ ماتوقعت اني بكون خفيف لهدرجه !
الجوهره وهي تضحك بدلع وحماس وتلعب بشعرها : لهدرجه ؟
ايهم : اي والله اني داايخ دايخ من بعدك النيه اعجاب بس مادري وش سويتي فيني يابنت ذياب
الجوهره : تدري ؟ حاولت قد ماقدر اني ابعد عنك واصد لكن ماقدرت انت غير عنهم كلهم اول شخص يدخل حياتي بهالسرعه واتقبله متخيل ؟ مرو علي كثير لكن انت سرقت قلبي وسرقتني كلي مني حاولت اوصلك بالبدايه وماقدرت "وماتمنيتك لانك كنت ابعد من خيالي ماخطر في بالي مره اني ممكن اوصلك!"
ايهم : ماتعرفين وش سويتي فيني والله اني ضعت من اول مره شفتك فيها من اول ماطلعتي من الاسطبل وانا ماعدت انا رحت سألت عنك دورتك بحثت عنك بكل مكان واآه ياخيبتي يوم قلتي ماتهتمين لي اذا سافرت وماكلمتك وتوقعت اني ببعد عنك ومابشوفك ابد "وماخطر في بالي مره اني ممكن اوصلك في سماء وسقف البارود ! " يابخت ابوك وامك دامهم يصبحون على هالعذاب وتقدمت له الجوهره بكل رقه ودلع وباسته من خده ومشت تدخل داخل تاركته بصدمته ويده على خده مُرجان : وشبك انت ماخذني هنا
سلمان وهو يناظر ساعته : اسمعي ماباقي شي غير ساعه وعشر دقايق ، وبعدها جدي بيوزع الورث ومادري وش بيسوي بس انا مو متطمن وحاس انه في شي وراه احتاج مهلة اسبوع اكشف وش يسوون بس ابي أخرهم عرفتي ؟
مُرجان : وانا شدخلني مافهمت
سلمان : يالمايعه ركزي ! ابيك تشغلينهم بمصايبك سوي اي مصيبه ولا اي شي بس لاتخلينهم يتكلمون بالموضوع
مُرجان : اول شي اسمي مو المايعه وتكلم معايا زين ايش الي مصايبي من كثرها عاد !
سلمان : وراسي الي فلقتيه والبنت الي حرقتيها مصيبتين بليله وحده ولو ماسويتي الي ابيه بعلم ابوك بكل شي صار
مُرجان : سلمان ! منجدك انت وشقاعد تقول
سلمان بكل جديه وعصبيه ورجع لوضعه اقول الي تسمعينه سوي الي ابيه ولا بعلمهم وشوفي وقتها وش يسوون فيكم
مُرجان بصدمه : وش اسوي طيب معرف ولاشي
سلمان : اول ماتدخلين من الباب سوي نفسك دايخه
مُرجان : خلاص طيب ، ومشى سلمان تاركها خلفه ونطقت بعلو صوتها مُرجان التفت عليها باستغرب ونطق وش ؟ قالت اسمي مُرجان ، استوعب الي قالته واستوعب كلشي وبهمس خفيف نطق اسمها يتعود على نطقه وبسرعه رفع راسه لها ونطق ، نشوفك على خير يالباربي وعصبت من كلمته ومشت وراه بقهر
-
وصل سلمان وشاف العيال مصلبهم البارود بالشمس وجلس يضحك عليهم وشافو وراه مُرجان دخلت داخل البيت لكن محد علق ولافتح فمه
سلمان : وااك يالهطوف اخرتكم متصلبين هنا هههههه
جسار : سلمان يمين بالله اني لادفنك هنا !
سلمان : سوها يالذيب وبدا يرفع ثوبه ويفك رباط جسار الي اول مانفكت يدينه رفع ثوبه وبدا يهجم على سلمان ونفس السيناريو انعاد لكن هالمره جسار وسلمان الي ياما تضاربو وتصلبو هنا لوحدهم واخيراً جسار قدر يقوم بس ماضربه سلمان وبدا يركض داخل البيت وسلمان وراه ودخلو داخل جاهلين عن الي موجودين لكن الي جالسين بالصاله ملفي وتركي والبارود
دخل جسار يركض عندهم وووراه سلمان
دُرر : الماس مرا طفشانه شرايك نخرج برا الجو اليوم غييوم ويجنن مرا
الماس : يلا تم ، بالفعل نزلو دُرر والماس لكن انصدمو الي باخر الحوش متربطين !
الماس : ايهم !!
دُرر : ومعاه واحد ثاني تعالي نشوف مين هو ووش يسوي هناك اصلاً
وصلو وبدت معالم الاشخاص توضح لهم وتفشلو
دُرر بفشله وصدمه : معليش والله فكرناكم ايهم وواحد ثاني
سيف بعصبيه : واذا ايهم وواحد ثاني بتجون !
دُرر : على وش معصب هد ترا شفناكم من بعيد مربوطين حسبنا فيه شي !
فارس : الا اقول يابنت العم ماودك تفكيننا سلمان وجسار سحبو علينا ، واتجهت الماس بدون شعور ولا استيعاب له وبدت تفك الحبل الي بالقوه وصلت له بسبب فرق الطول ، وكان يتأملها ويشم عطرها الي دخل بضلوعه من كثر القرب وبدا يحرك يدينه يبي يطلعها بسرعه ، الماس بعصبيه : لاتحرك يدك !!
فارس : ابشري
واخيراً قدرت الماس تفك الحبل الي كانت تتحارب معاه مو بس تحاول تفكه
فارس : سنه تفكينه
التفتت الماس على دُرر الي للحين تناقر سيف وتحاول تفكه بعدين طفشت وسحبت يدها
دُرر : اوووف ذا الحبل غبي ماينفك
سيف : ياغبيه فكيه زين ! وش هالدلع
دُرر : اظافري بيتكسرون وتقولي دلع
سيف بسخريه : اها لا دام الوضع فيه اظافرك معذوره
دُرر وهي تحسبه صدق عاذرها : مشكور
وانفجر سيف ضحك على استيعابها البطيئ وانها تحسبه جاد بكلامه واتجه فارس يفكه وينطق كاننا غنم والله مو اوادم جننا هالبارود
سيف : خل المطارح ينفعك اجل تبي تطرح جسار ؟ ذا محد يقدر عليه الا ربه
ملفي : هذا كبرك وتركض تقل حمار !!
جسار : جدي تكفى فكني منه بيلعن جدفي
البارود : ياسلمان وش جاك انخبلت خله
سلمان : جدي يمين بالله ماطلع الا واني مصفقه
تركي وهو ماسك ضحكته : ياولد وش هالكلام عيب
عبدالعزيز بضحكه: وش مسوي ياجسار
جسار : ماقلت له شي ياعمي هو عصب علي بدون سبب
البارود وهو يستوعب : ياولد ! انا مو رابطك برا وش فكك انت ؟
جسار : جدي سلمان فكني وثار فيني
سلمان : ياكذاب هذا كله ومانت مسوي شي !
فلاش باك وقت المضاربه
جسار سدح سلمان ونطق باذنه ، ماودك نزوجك اياها ؟ سلمان فهم قصده وعلى طول تحول الضحك لجد وقلب جسار وصار هو فوقه ونطق وانت ماودك بخويتها الي اختفت من خروجك ومارجعت الا برجعتك الله العالم وش مهبب انت وياها ، انصدم جسار الي ماتوقع ان احد لمحه ولا انتبه لهالشيء واستفز سلمان بكلمه يالطعس وبدا يلحقه سلمان"
نرجع للواقع
سلمان : جدي يقولي يالطعس ترضاها ؟
البارود : اي بالله انه صادز
وضحك جسار بعلو صوته على سلمان الي وجهه تقلب
-
مُرجان وهي تبرد اظافرها بكل تركيز ، وقدامها الجوهره الي تعدل شعرها وروز الي منسدحه بالسرير ومعاها غثيان من الي صارلها
مُرجان وهي ترفع يدها : شرايكم باظافري ؟
الجوهره : بموووت تجنن فين سويتيها ؟
روز : من اليوم تبرد اظافرها قدامك وتقولين فين سويتيها
الجوهره وهي تمسك يد مُرجان : مرا حلوه !
مُرجان بحماس : اسويلك ؟
الجوهره : ايوا تكفين
وبدت مُرجان تسوي اظافر الجوهره ، وقاطعهم دخول دُرر الي تناظر اظافرها وتتحلطم على سيف الي يتشرط عليها ويطقطق ومعصبه منه
دُرر : مُرجان شوفي اظافري مو حلوين ؟
مُرجان : الا حلوين ليه ؟
دُرر : شفتي يا الماس كلهم يقولون حلوين الا ذاك الطعس الاهبل !
الماس : دُرر خلاص بليز صدعت اسكتي شوي
دُرر : اقولك يقول اظافري اظافر قطو وانتي تقولين اسكتي !!
روز : مين ؟
دُرر : الاهبل سياف مدري سيف
الجوهره : اسمه سيف
دُرر : مو مهم كلهم وع
دخلت سلمى ونطقت : الله يرزقني همومكم بس امشو تحت وقت الغداء وابوي ينادي
روز وهي لقت لها حجه : عمه انا تعبانه مقدر !
سلمى : باخذك معاي
روز بتأفف : طيب بقوم البس
