" عند البوابه "
الماس : ياخوي افتح الباب نبي نخرج
الحارس : لا مقدر افتحه بالوقت ذا
الماس : على كيف امك ماتقدر ؟ اقولك نبي نخرج معانا اغراضنا خلاص رايحين مسافرين اعتقنا يامسلم
الحارس : بابا سلمان يعصب علي
مُرجان : قول لأبوك سلمان خرجو وحيروحو يسافرو مابيرجعو
الحارس : بس انا مافهمت ايش تقولي
مُرجان: تكفون بنصرع كيف مايفهم تراني اتكلم انساني والله
روز : يامريضه اسمها طبيعي مو انساني بعدين انتي كلشي الا طبيعي
دُرر : خلاص بنات شوفوه اقتنع وفتح البوابه
الماس وهي تسوق : مابغى والله
مُرجان : طيب بنات فين بنروح ؟
روز : بننااات عندي فندق يجنن مره فخم نروحله ؟
دُرر : بنات كان فيه شركه مكتوبه بأسامينا معاهم تذكروها ؟
روز : ايوه وشبها
دُرر : تبون اطلع موقعها ونروح نشوفها ؟
مُرجان : طيب هي شركه حقت ايش ؟
دُرر : اتوقع انشاءات والله مو عارفه
الماس : ايوا معايا الموقع نروح ؟
روز : ايوه حماس
قاطعهم اتصال ايهم
دُرر : اهليين يالقاطع
ايهم : شلونكم ؟
البنات الحمدلله تمام
ايهم : ابوي طلع
انصدمو البنات وخصيصاً مُرجان وجهها تقلب وتبدل حاله وحست بضيق تنفس ومسكت صدرها الي يرتفع ويهبط بسرعه
لاحظتها روز لكنها اكتفت بالصمت
الماس : متى وكيف عمي طلع وابوي وينه ؟
ايهم : لاتخافين ايهم : لاتخافين الحين بججز لكم وترجعون للكويت ضروري
دُرر : ايهم مو ابوي بيجلس شهرين عشان الحق العام وبعدين ؟ ماخلصت الشهرين ذي كيف طلع الحين
ايهم بتوتر وحس انهم عرفو كذبته لكن كمل : معليك يابنت عمامي راحو يطلعونه والحين راجعين انا بحجز لكم عشان يمديكم توصلون المغرب
روز بحماس : تمام
ايهم : استودعتكم الله انتبهو لانفسكم ، وقفل الجوال وهو يحس بذنب والتفت على جده الي نطق
الجد تركي : عشت يا ايهم الحين تجيبهم نفس ماوديتهم وتصدق كنت متوقعك بتعلمهم الحقيقه
ايهم : ياجدي وش تبي فيهم ؟
الجد تركي : نبي نرجع للديره
ايهم : وش ديرته ؟
تركي : انا جمعت عمام ابوك كلهم وراجعين لديرتنا
ايهم : من متى عنده عمام ابوي ؟
تركي : عمامك واجد وعيالهم تتتعرف عليهم بعدين وجهز عفشك وايه واذا بتزعجني بالسباقات والشغل بنسلمه لعائله ابوشبيب وهم يشتغلون عندنا والشغل بالحفظ والصون عندهم
-
سلمان وهو ماسكه من ياقته : انت وشلون تطلعهم وتخليهم يطلعون بدون ماتتصل علي !!
الحارس : هي تقول انت تعرف
سلمان : وانت غبي تصدق كلشي
جسار : ياولد ابعد عنه ذبحته تراك
سلمان : خله عشان يتعلم هالكلب بنات مايدرون وين الله حاطهم يطلعهم لحالهم
جسار : ازعجتنا تراك تراهم كبار و واعيين بحريقه مو انت الي كنت تبي تطردهم ؟ وشوله معصب اجل
سلمان : اقولك انت ماتفهم بنات بنااات وين بيروحون وهم جايين من اقصى الكويت ؟ مالهم احد بالديره
الحارس وهو يكح : هي تقول بيروحون لبيتهم
جسار : شفت ياغبي هذا هم رجعو لأهلهم وامش معي الحين نلحق العيال عند جدي
نزلو من السياره ورفعو انظارهم للمبنى الكبير والمرتفع
دُرر : بنات ذي هي الشركه متأكدين واضح فخمه
روز : حماس بشتغل هنا
الماس: لايحياتي بتصير شركتي
مُرجان : الحمدلله الذي عافانا من مابتلاهم يازين الطب بس
روز : ايوا روحي اكرفي بالمستشفى وارجعي مهدود حيلك
مُرجان : يازين التعب هذا متى يصير بس
الماس : خلونا ندخل ، وبالفعل توجهت امام الباب ودخلت اول وحده ولحقوها البنات
موظف الاستقبال : اهلين اتفضلو وش بغيتو
دُرر : بس حبيت اسأل هذي الشركه مُلك لمين ؟
الموظف : هذي شركه "LDJ" للانشاءات والمالك حقها غير متعرف عليه لانه خارج البلد لكن الي نسمعه انها مُلك "لتركي بن هذال "والبارود بن هذال"
انصعقو البنات من ذكر اسم جدهم لكن ماتعرفو علو الاسم الثاني
دُرر : انت متأكد تركي بن هذال الي عايش بالكويت ؟
الموظف : شكل بينكم تواصل توقعت محد يعرفه
روز بصوت خافت : جدي
الموظف بارتباك : اهلين نورتونا والله ماعرفناكم تعالو تعالو داخل وناخذ فيكم جوله بالشركه واعذرونا والله ماتعرفنا عليكم
الماس : لا والله مشكور ماتقصر واحنا خارجين
وطلعو البنات
-
ماسك فنجاله ويهز رجوله ومعصب من الي حصل اليوم
بارود : انا جمعتكم كلكم عشان عندي قرار
ذياب : انطق يايبه وش عندك
بارود : ماعندي الا كل خير ان شاء الله وهالقرار يخصنا كلنا
سيف : اخلص
عبدالرحمن : ياولد تكلم مع جدك زين لاقوم امسح فيك البلاط
بارود : مايخالف مايخالف ، انا قررت اننا نرجع للديره
انصدمو سلمان وجسار من كلمه جدهم
سيف : طيب وحنا شدخلنا ؟
بارود : كلنا بنرجع وعمامك بيرجعون
فارس : منهم عمامي ؟
بارود : اخواني
جسار : قصدك عمي ملفي
بارود : لا اخواني كلهم ؟
سلمان : ايه وانت كل سنه يطلعون لك اخوان
بارود ناظر سلمان بحقد : اعقب ياربحه
سلمان : لاتتمادى
بارود : اخواني تركي وسياف
سيف : ومن وين طلعو لك ؟
بارود : قصه قديمه والحين لمو عفشكم رايحين للديره
فارس : مانيب رايح
البارود : غصب عنكم كلكم تمشون قدامي
سلمان : ايه هذي عوايدك تبي ترجعنا هناك لأجل تسوي سواتك قبل وتتحكم فينا لكن هين والله هالمره بعلمك شلون تجبرنا وبروح برضاي وماني بمغصوب رايح لأجل اقهرك واحرق قلبك وقل سلمان ماقالها وانهى كلامه وطلع من المجلس ووراه العيال
جسار : ياشيخ ابوس راسك انا الله يقلعه ذا
سلمان : والله يا انه غثيييث
سيف : اصبرو يعيال وليد يتصل
وليد : يرجال جدي اقلقني وشقاعدين يقولون ذول ؟
سيف : علمي علمك تونا طالعين من المجلس
وليد : يلعن ابو عقلياتهم صاحيين يرجعونا هناك !!
فارس اخذ الجوال : ماحنا ساكتين زي قبل وماعادنا ببزران ولا مراهقين نبكي على كلشي هالمره بروح له بقساي وجبروتي واعلمه الشغل الله يقلقه
وليد : والله هذا كلامنا كلنا اجل نتلاقى بعد اسبوع
فارس : فمان الله ، وقفل الجوال
جسار : حتى هم ؟
سيف: ايه
سلمان : انا رايح ادور وراهم
فارس : ياسلمان اعقل راحو لأهلهم وشدخلك بهم ؟
سيف : بس انا مستغرب شلون مو على اساس اهلهم يجون هناك
جسار : واضح انها لعبه ويمكن يبون يسرقون شي ولاقدرو
فارس : شلون يسرقون والبيت بأسمهم غبي انت ماتفكر ؟
