البيت كله كان بحاله رعب وخوف وحزن والاغلب راح لروز بالمستشفى ومنهم ايهم والبنات وساميه وفيصل
مالحقو يعيشون حزنهم الا وهم بمصيبه جديده
بالمستشفى
-
روز كانت منسدحه بالسرير وعندها عبدالعزيز جالس يحاول يخليها تاكل لكنها رافضه واول مادخلت مُرجان راحت لها تحضنها وتبكي والبنات بكو وراحو يحضنونها وساميه تمسح على راسها وتقرأ عليها
روز بضحكه : ماتوقعت تحبوني هالقد
مُرجان : حرفياً انهرت عليك ماكنت مستوعبه شي لين طلعنا برا
ايهم : الحين تقوم تغلى
دُرر : اف روز حقيره احبك
الماس : وش هالحب
مُرجان بتهديد مزيف لروز ياويلك تعيدينها سامعه
روز : ابشري
-
عند العيال الي راحو ياخذون متعب ووليد والسياره كانت صمت لين شغل سيف اغاني ، وضحكوا العيال باسى على حالهم ونطق جسار
ياشيخ انت بكل وقت تشغل اغاني ؟
سيف : شسوي عاد ماعندي شي ثاني
سلمان : مثل كل مره ولابينذكر هالشي سامعين ؟
وليد : حاضر ياكابتن
وضحكو العيال وبدت السوالف تزين وتحلى وبدو يفرون بالسياره ويسولفون لي هدا جوهم وروقو ، اما البنات رجعو للبيت مع اهاليهم والكل جاء يتطمن على روز وتركي الي ماله وجه يقابلها دخل عليها بالغرفه وهو منزل راسه وحضنته وهي ساكته بدون اي كلمه دخلت ساميه بنص الليل وشافت مُرجان تبكي ورحت لها تحضنها وتهديها
مُرجان : ماما ليه جمعونا ليه قالو كل ذا لنا ايش ذنبنا نسمعه كله تكفين وربي للحين تعبانه ولاني قادره انام كل مانمت حلمت اني اكون موجوده واشوفك تنقتلين قدامي انتي والبنات
ساميه : تعوذي من ابليس يامُرجان مافينا الا العافيه واعرف انك زعلانه من جدك وهو بيراضيك اكيد
مُرجان وعيونها دموع : بيراضيني ؟
ساميه بابتسامه تطمن مُرجان : اي بيراضيك وانا ماعلمتك تكونين ضعيفه !
ابتسمت مُرجان وحضنتها وطلبت انها تنام عندها وابداً مارفضت هالطلب
-
الصباح
الكل كان مشغول ويسوي شغله والي يصحي الثاني والعيال الي منحشرين بسياره وحده ونايمين فيها كلهم ، صحى سلمان وقام يصحي العيال معاه
سلمان : جسار قم
جسار : شوي خمس دقايق بس
سلمان : ياولد صارلك ساعه تقولي خمس دقايق
جسار : خلاص قمت
وبدا يصحي العيال واحد ورا الثاني وكلهم تجمعو بالمجلس لين دخل عليهم البارود ووراه ملفي
البارود : السلام عليكم
ردو عليه العيال السلام ، ونطق ملفي ننتظركم عالفطور بعد ساعه
سلمان بسخريه: تبي تعيد سواتك ؟
البارود بنفس السخريه : حسبت زي كل مره تمشونها ولاتذكرونها وش معنى تحسست الحين؟
جسار : جدي خلاص يرحم والديك
البارود : عارف اني غلطت لكن هاليوم يتعدل كل شي ان شاء الله ونتكلم بالموضوع الاساسي ، واياني واياكم اشوف احد ماجاء وطلع برا المجلس
اما ملفي الي ابلش العيال بطلباته واشغاله كل شوي مرسل واحد
-
سياف دخل عند الحريم يعلمهم بالفطور وبالفعل البيت صارت فيه حركه وطمنهم انه مابيصير زي امس لكن محد بيجي من اشواق وساميه وسلمى الا عزيزه والبنات الصغار
ساميه : بناتي تعبانات
سياف : روز قصدك ؟ لا مافيها الا العافيه
ساميه : بس
قاطعها تركي مافيه بس يجون كلهم بنتكلم بالاملاك بالفعل اتجهت اشواق تصحي البنات كلهم يتجهزون ، بالفعل الكل قام وتجهز وخلص الا مُرجان كعادتها تأخرت
دُرر : يلا يامُرجان خلصي !
تولين : مُرجان تكفين بموت من الجوع
مُرجان : اشبكم تنتظروني ماتشوفو اني محتاره وش البس عبايه !!
لميس : البسي اي وحده كلهم حلوين
مُرجان : طيب خلاص روحو وبلحقكم انا وروز
روز : تستهبلين ايش ذنبي حموت من الجوع !
مُرجان بعصبيه : رووووز ! اشبك انتي هبله انتظري معايا
نزلو البنات الجوهره ولميس وتولين الا الماس ودُرر انتظرو مُرجان ، واخيراً بعد فتره مُرجان جهزت ونزلو تحت مع بعض لكن هالمره غير كانو عارفين الاشخاص الي داخل وعارفين وش راح يعيشون دخلو وكالعاده الانظار كلها كانت عليهم وجلسو كل وحده بمكانها
مُرجان الي اول مادخلت تنهدت تنهيده عمييقه اول ماشافت ان جدها مو موجود
البارود : زين تجمعتو مابغيتو
الجوهره : جدي بنت عبدالعزيز تأخرنا !
عبدالعزيز : كلشي الا حبيبتي لها الدلع والوقت كله
دُرر : وانا بنت مين يعني ولا الدلع كله لها ؟
الماس : عمي الله يعينك عليهم
وناظرها فارس وانتبهت له كان يخزها والواضح انه حاقد رغم انو قبل ماكان بينهم تواصل ابداً
البارود : اليوم جمعتكم عشان نتكلم بالاملاك والي بيصير دامنا رجعنا لديرتنا وبين اهلنا راح نبقى هنا لخمس سنين
غصت مُرجان من سمعت كلمة خمس سنين ونطقت بصدمه : خمسه؟؟
ايهم :صحه صحه وش بك
ملفي : ايه خمسه ليكون مو عاجبك ؟
مُرجان : انتم بتعيشون لاكثر من خمس سنين !
ضحك وليد بعلو صوته الي من بعدها العيال كلهم بدو يضحكون ، انصدمت مُرجان ليش يضحكون وسياف يناظرها ويبتسم لها
البارود بعصبيه وهو يضرب الطاوله : اسكتوا ياملاعين
ورجع الهدوء من جديد لكن قبل مايتكلم دخل تركي واول وحده ناظرته مُرجان ناظرته مُرجان واول ماسلم هي وقفت والكل ناظرها وبدا يمشي تركي باتجاه مكانه وهي مشت خارج الغرفه
كان متوقع ردة فعلها ذي وكان ينحرق داخله وسكت ولاقال اي شي
ملفي : وراها ذي طلعت ؟
فيصل: تعبانه يمكن
البارود : هذي سوات يوم تشوف جدها تطلع ؟ عز الله ماعرفت تربي ياتركي
ملفي : قايلك انا لاتدلعهم شف وين وصلهم دلعك
دُرر بعصبيه : دلع جدي ماله دخل وجدي ولا مرا زعلها لكن من سبايبكم ومن دخلنا ديرتكم ذي وحالنا انقلب
تركي : وش تشوفيني غلط به ؟
الماس : جدي انت عارف وهذي اول مرا تسويها انت ومو بس هي الي زعلانه ومصدومه كلنا انت مو نفس الي عهدناك ! غيروك ؟
روز ودموعها بعيونها : خلاص اسكتو تكفون ماله ذنب !
دُرر وهي تصارخ عليها : روز استوعبي انتي مو شايفه حالنا ؟ مو شايفه لوين وصلونا ؟
عصب خالد على البنات الي بدت اصواتهم تطول قدام العيال وطلع برا لان ماله حق يتكلم عليهم ابد
تركي : وقفو مضاربات بسكم !
سياف : انا بتكلم اسكتو
والكل سكت وناظر سياف الي نطق ، انا باخذ اهلي وماشي ان شاء الله وبالنسبه للاملاك تنازلت عن حقي ببيت ابوي واخذت الي تخصني بس وماشي
ابتسم ملفي لانه قدر يخلص ربع المشكله وقاله موفق
وبدون اي كلام من سياف طلع ولحقوه عبدالله ولميس وتولين
سلمان : جدي متى بتخلص ؟ صارلنا ساعه
البارود : خلوها على الغداء ان شاء الله نتكلم ، بالفعل قام الكل وبقى البعض واول واحد خرج جسار وبعده العيال ومحد انتبه له ولادرو وينه
روز : بنات انا خلصت بخرج اشوف مُرجان
الماس : انتظريني بروح معاك
روز : لا انتي بتتاخرين وطلعت ومسكها
