"جده سيده كل المدن وعروس البحر الاحمر "
8:32
العمه خالديه : يلا يابنت استعجلي وخلصيها بسرعه بيستلمون الطلبيه ولازم نجهز معاها ورد
لميس : خلصتها ياعمه خلي العامل يجيب الورد
العمه خالديه : انتي روحي وديها العامل راح
لميس : تمام رايحه انتبهي على نفسك ، اخذت الطلبيه وخرجت للمشتل الي جنبهم
لميس : ياعم وينك
العم رباح : اهلين يابنتي تعالي هنا
لميس : جهزت الورود ياعمي
العم رباح : اي بس باقي نوع بجيبه واجي
لميس : لاياعمي ارتاح انا بروح للعامل واخليه يجيبلي
العم رباح : الله يسعدك يابنتي
لميس وهي تدور على النوع الي قاله لها عمها
ومن الجهه الثانيه سمعت صوت دباب قوي وشخص نزل منه ومتجه لها من الباب الخلفي
لميس : هنا باب خلفي ادخل من هناك
وليد : مو شغلك
لميس : وش هالوقاحه ؟
وليد : جاي عند خالي واسوي الي ابيه
لميس : الله يعني عمي اذا على كذا
طنشها وليد وكمل طريقه
وليد : ياهلا بخالي
العم رباح : اهليين بالغالي
وليد : فقدناك والله
العم رباح : يابعدي والله تعرف اشغال الدنيا
لميس وهي تناظر بحقد: ياعمي انا خارجه
العم : خذي الورد هذا معاك
لميس : تمام ياعمي
"فالبيت"
سيف : ياغدار طالب فطور
فارس : شسويلك يعني اطبخ لك ؟
سيف : ايه
دُرر باستغراب : وينها اوجان مانزلت
الماس : صدق وشعندها مو من عوايدها تنام كل هالوقت
جسار : شوفوها طيب يمكن تعبانه
قامت روز بخوف تركض لها
جسار : وشفيها ذي
الماس : الحب حقها ماتستغني عنها
ضحك سلمان وهو عارف سبب عدم نزول اوجان
روز : مُرجان فكي الباب
مُرجان : لا مابي
روز : تستهبلين ؟
مُرجان : لا
روز : طيب قولي لي وش مسويه عشان ماتنزلين
مُرجان : مو مسويه شي
روز : اعترفي
فتحت لها مُرجان ووخرت عن الباب وحطت ايديها وراها وشبكتهم
روز : من حركتك هاذي وراك سالفه
مُرجان : بعلمك بس لاتقولين لحد
روز : اخلصي اتكلمي
حكتها مُرجان الي صار وضحكت روز
روز : بالله عليك هاذي سالفتك ؟ انزلي افطري بس
مُرجان: لاتكفين يفشل مرا
روز : خلاص انا بنزل معاك امشي معاي
مُرجان بتردد : خلاص طيب بجي
روز : لاتتأخرين انا عند الباب
لبست مرجان ونزلت مع روز وهي منزله راسها بالارض
سلمان بصوت عالي وهو يضحك متعمد : حي الله اوجان
ناظرته روز وضحكت عرف سلمان انها عرفت السالفه وابتسم
جلست مرجان وهي ساكته
دُرر : وينك غريبه من الصباح نايمه
مرجان : تعبانه
دُرر : بسم الله عليك وش فيك تبين المستشفى ؟
الماس : اوجان فيك شي ؟
روز : لا بس تعبانه شوي كلمتها مافيها شي
دُرر : اذا خلصتي بنروح للمستشفى
مرجان : لا معليك ماله داعي بس صداع ، ومسكت يد روز وشدت عليها خايفه من نظرات سلمان الي تحرقها وهو يضحك ويسولف
روز بهمس : عورتيني خلاص
مُرجان : تكفين خبيني لاتخلينه يناظرني
روز : يابزر خلاص وخري عن يدي
مرجان : مقدر تكفين
روز سحبت يدها بقوه وضربت يد مرجان بالطاوله
مرجان بعصبيه : اااهه عورتيني
التفت الكل عليها باستغراب
روز : لا مافيها شي خلصت صح اوجان ؟
مرجان بهمس : الله يلعنك ماكليت ، ضحكت روز ضحكه تسليكيه وقالت قومي
