سلمان : تستاهل
فارس : مالكم داعي والله ، عالعموم تعبان وابي انام
سيف : نم عند حرَمك
وناظره فارس بسخريه ودخل داخل
"والكل اتجه ينام معلنين ان اليوم انتهى"
-
صحت مُرجان وكلها روقان وبدت تجهز فطورها وتكلم صحباتها ، حست بالملل وطلعت برا الغرفه تدور احد صاحي لكن كان الكل نايم ونزلت تحت وطلعت برا تتمشى ومتجهه للمزرعه ، شافت شخص جالس بعيد وماتوقعت ابداً انو يكون صاحي بهالوقت واتجهت له
مُرجان : اشبك جالس هنا ؟ ، رفع راسه سلمان وناظرها وسكت وكمل يمز زقارته ، مُرجان استغربت عدم رده وجلست جنبه وهي تحتضن كوب قهوَتها وناظرته شوي وكان الصمت طاغي ، بعد فتره نطق سلمان بتنهيده افكر
مُرجان وهي تناظر المزرعه : بأيش ؟
سلمان : بكل شيء يمكن
مُرجان بهدوء : كنت عارف عن الماس وفارس ؟
سلمان : لا
مُرجان : كيف صار كذا احسني مو مستوعبه ولا حاجه ابداً
سلمان ناظرها واستغرب قربها منه كانت دايم تنفر منه ولاتطيقه لكن هذا هي جالسه وتسولف معاه !
سكت وماعلق ابد
مُرجان : أشبك ماترد عليّا ضايقتك بحاجه ؟
سلمان : لا
مُرجان : اجل
سلمان : مستغرب بس
مُرجان : من ايش
سلمان : من وجودك عندي
مُرجان : مافهمت كيف يعني ؟
سلمان : بالعاده ماتناظريني اصلاً
مُرجان : اها بس انو البيت كُلهم نايمين وانا طفشانه مرا وطلعت اتمشى وحصلتك
سلمان : وراك طالعه بدون عبايه ؟
انحرجت مُرجان ولاعرفت ترد ، وناظرها سلمان ووقف
سلمان : طفشانه ؟
رفعت نظرها له وهزت راسها بأي
سلمان : البسي عبايتك والحقيني
مُرجان : وين ؟
سلمان : ابد نتمشى
مُرجان : جد ! تمام
سلمان : اضبطي حالك وعبايتك
ابتسمت مُرجان ودخلت داخل متحمسه وحصلت روز بوجهها
روز : على وين ؟
مُرجان : بخرج مع سلمان
روز بصدمه : سلمان ! وشصاير بالدنيا
سحبتها مُرجان ونطقت ، مدري بس بنخرج انا وهوا تعالي نتجهز عشان تروحين معايا ، مارفضت روز ابد وبعد فتره طلعو روز ومُرجان كانوا لابسين عبايات الوانها غامقه بحكم انو ماعندهم عبايه بالاسود ورافعين الشال على روسهم .
سلمان : تأخرتي ، بعدين وشجاب ذي معاك
مُرجان : معرف روز توها صحت وقلت تجي معانا
سلمان : امشو الله يخلف عليكم
وهم متجهين للسياره قاطعهم صفير جسار ولف سلمان وهو يضرب جيبه ونطق كملت !
وضحكت روز على كلمته واتجه لهم جسار
جسار : على وين ؟
سلمان : طالعين نتمشى
جسار : بخاويكم
سلمان : بسرعه قبل يجي احد ثاني وابتلش فيكم تدبلتو اثنين !
جسار : انا بسوق هات المفتاح ورمى سلمان المفتاح وركب جنب جسار وروز ومُرجان ورا
جسار : وين تبون ؟
روز : امم نبي ناخذ من ستاربكس اشتهيتو مرا
ضحك جسار وناظر لسلمان الي ابتسم
جسار : تراها ديره وش ستاربكس ، نروح لأقرب بوفيه واحلى شاي عدني يحبه قلبك !
روز كشرت بقرف : Eww شاي عدني مرا وحده !
جسار عقد حواجبه : وش زينه الشاي العدني بدون حركات دلع
سلمان : الحين بيشخصن معاك ياويلك ياروز
مُرجان : خلاص طيب مافي أي كوفي كويس !
جسار: الا فيه باخذكم له ، وبالفعل وصلو للكوفي وبدا جسار ياخذ طلباتهم
روز : ابي ماتشا انا ومُرجان
جسار : شجوك ماتشا عالصباح
مُرجان : انا توي شاربه قهوه ابي ماتشا
جسار : اعوذبالله وش هالمعده ! بتتسممين وناظر لروز
روز : لا ابشرك تعلمت
جسار : طيب افطرتي ؟
روز : لا
جسار : وتقولين تعلمت
روز : يليل ترا مو صاير شي ذيك المرا ماكنت ماكله ثلاث ايام ! ذي غير
وضحكت مُرجان لمن تذكرت البدايات وايامهم بالبيت
مُرجان بضحك: حمووت تذكرت لمن طبعت على سلمان وزعل هههههه
وابتسم سلمان وحاول يخفيها ، وجسار الي كان يضحك ويسولف مع روز ومُرجان ، ووصل الطلب واستلموه وحرك جسار يتمشى بالديره
روز : اوف لو جلسنا هناك مو احسن !
مُرجان : منجد كان ماصار كل ذا والماس ماتزوجت فارس
ونزلت راسها روز بحزن من تذكرت اختها وسكتت
ناظرها جسار وحب يلطف الجو
جسار : ايه كان للحين اوجان وود
