مقتطفات
"في قوقعة الاسبر"
بقلمي: وهم
ــــــــــــــــــــــــــــــــــ
ما كاتل أني بشر ما أعرف المن جنت
كل هالوكت شارد؟
لثلاجة أهلي رحت؟
من طلعتهم جثث أني أكثر البارد!!
ـــــــــــــــــــــــــــــــــــ
جنطه وكعت من ايدي ثنينهم انتبهو الي طلع بابه يركض مسح وجهة واشر الأمي ورجع مدري شنو يضم بلجنطه اوراق وأسلحه اهواي اول مره اشوفهن اخذهن لزم الفانوس ونزل يركض امي تبجي وحاطه الشيله على وجهة نزلنه وراه وندفع باب البيت بقوه دخلو زلم ملثمه اطوال يخوفون وحيل ضخمين وياهم چلاب(تكرمون)
كلنه ختلنه وراه امي ونبجي مامفتهمين شنو السالفه لأن ميحجون عراقي ثنين لزمو بابه وخلو يكعد بلكاع وينزل راسه واحد كلش ضخم وكف مقابيله وحط السلاح براسه امي صرخت وراحت على رجله باستها
ام رزان: الله لا تكتله ابو جهالي هذه الله يوفقك عوفه ولا تيتم جهاله
لحد هسه اتذكر الموقف من دفعها وهيه حامل تاليا تصرخ وراحت لأمي تبجي اني بقيت جامده بمكاني من الصدمه والخوفه واخيراً سمعنه واحد بيهم يحجي عراقي صوته حيل خشن يخوف
ـ ضاحك على الدوله وهذه جزاء يلي يضحك على الدوله
بعدها حجه وياهم مافهمت عليَ بس امي موتت روحها من البجي كامت دخلتنه للمبطخ وبعدها صار صوت عالي وسمعنه جمله بابه الأخيره
"أشهد أن لا اله الى ألله وأشهد أن محمد رسول ألله وأشهد أن علي ولي الله"
كلنه صرخنه وامي اغمى عليها طلعو من البيت طلعت شفت بابه بلكاع والدم نازل من راسه كعدت على بايه الدرج خليت راسي على وبقيت اباوع شلون لناس دخلت اخذت ابوي وطلعو ونسوان دخلت وحايرره بأمي وصوت تاليا يلي ملى كل ارجاء البيت....
حياه باهته مابيها روح مابيها شغف بيها بس خوف ورعب من المستقبل المجهول يلي منتضرينه...
******************
دفنوني وياها لا تخلوها وحدها بارده بليل متعودة بحضني تنام وتدفه تجاهلوني ونزلوها للقبر روحي. تفرفحت من لبجي تاليا لازمتني واني اريد احضنها
ولج بنيتي شلووون ينطيج كلبج تعوفين امج كوميلي ياروح امج لا تدفنين حيلي وياج عوفوني احضنها اخر مره بس اخر مره والله مشابعه منها خلي اترس ريتي عطرها
تجاهلو روحي المتفرفحه ونزلوها كدام عيني للقبر ماحسيت غير الاسبر شمر روحه وياها بلقبر وميرضه ينزلها نزلة عمي ولدفان يحجون ويا هوه فاقد يصرخ عليهم وجهة صار لونه أحمر
ـ عوووفني وياها خدودهة ترفه ولگاع خشنة ولكم لدود يااااكلهة مااتتحمل تتحسس من لحيتي شلون اعوفها بلكاع ويا الدود
فقدنة من لبجي كلشي غواش كدامي ولنفس ضاك بيه حسيت بيدها الترفه تمسح بخدودي
*********
رفعت السلاح بوجهة وايدي ترجف
ـ عوف تاليا
باوعلي بستهزاء ورجع ضرب تاليا بكل وحشيه وبدون رحمه صوت صريخها والدم ملى المكان تذكرت موقف بابه وايدي رجفت ضغطت على الزناد وحسيت بحراره الدم على وجهي......
************
ـ: زين وصباح؟
ـ هذه ابو النسوان يخون امي ويا العبده
كلنه ضحكنه وعمي صار وجهة ليمونه
ـ ولكم رااااسي خرب شرفك مهاب شكد حلوة هاي لسوتلي العملية
ـ شبيها
ـ ولكم تخبل ماتزوجني
كلهم ضحكو عليَ فاقد ميعرف شنو يحجي
ـ زين ورزان شبيها مو حلوه
ـ ااخخ رزان چمرة كلبي دومها حاركتني
************
رائف:واذا مطلقه او ارمله الج الحريه تشوفين حياتج وتعشيها صح يكفي الشفناه وعشناه بطفولتنه اني اخوج ضهرج وسندج وصديقج المن جاي ادرس واتعب واسهر حتى اشوف الفرحه يعيونجن وحتى تتباهن بأخوجن وحتى اصيرلكم أب وأم وأوفر الكم كلشي تحتاجو ماريد اخواتي ينذلن للغريب وخوهن يشم الهوه انتِ مو عيب العيب بلمجتمع ااختيارج جان غلط صححي وتركي كلشي وراه ضهرج ولا تضلين بقوقعة الماضي وتضيعين حياتج بلندم
صدكيني اني ياج بكل خطوه تاخذيها انتِ مو بس اختي قطعه من روحي ووصيه امي وابوي
*****
دمتم في أمان الله ♥
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
