بارت الـ16
"في قوقعة الاسبر"
بقلمي: وهم
ــــــــــــــــــــــــــــــــــــــــ
اه شگد صَعب من تعشك انسَان
وتحسه بمحبَتك يجهلك قَاصد..
ــــــــــــــــــــــــــــــــــــــــ
طلعت حتى اسويله كمادات وسمعت صوت وكعه قويه ركضت للغرفه شفت الاسبر واكع على الگاع ايدي رجفت والكاسه وكعد مني تكسرت
ركضت رفعت راسه بحضني وضربته بخفه على خده
ـ الاسبرر كووم تسمعني
فتحلي عيونه ونزل دم من خشمه رفعت راسه ماعرف شنو اسوي صرخت بصوت عالي حتى يجون
ام وحيد: بسم الله شكو ليش تصرخين
شافت حالتي واجتي
ـ شبي الاسبر شبي
ـ مم مادري
جوان اتصلت على مهاب حتى يجي جسمي كله يرجف لازمه خشمه بأيدي ورافعه راسه
ام وحيد: عوفي خلي الدم ينزل
بقه اهواي ينزل دم لحد ماجه مهاب هوه وحمزه نقلو على الجربايه ما اعرف منين اخاف من الاسبر لو من الدم
مهاب: شبي متعاركين ويا؟
ام وحيد: لا يمة محد ويا نايم من البارحه لليوم
حمزه: يعني هوه عنده سكر غير لازم غذاء صحي والدوه ياخذه بنضام
رزان: أصلاً الدوة تاركه ويكول صرت زين
حمزه: هوه بكيفه زين لو مو زين هسه هيج احسن الة لو باقي شوي جان صابته جلطه لا سامح الله
بقيت اباوع الهم ماعرف شنو احجي
اخذتني جوان للحمام
جوان: غسلي خيه غسلي باعي شصار بيج
غسلت وطلعت كعدت بالصاله رجلي ترجف ماكدر اتحرك راسي ضل يوجعني وكلشي ينعاد براسي غمضت عيوني بقوه
ـ دخيلك ياربي دخيلك ياعلي ماريد تتهستر حالتي لأن مو وكتها صوت السلاح وصوت الصريخ دم نانيس يلي مطشر وشكل نانيس براسي
اصابعي تغلغت بشعري ماريد اتذكر ماريد نسحبت من ايدي
جوان: شبيج ولج يااا رزان
ـ ها هاا
جوان: شبيج
ـ ما مابيه
جوان: كومي كعد الاسبر
كمت وياها جانو يسولفون من دخلنه سكتو
حمزه: رزان شلونج شلونها صحتج اعتذر ماسلمت بالبداية
رزان: الحمدلله
حمزه: اعذرونه على التقصير ماجينه الكم بحزنكم ولا بفرحكم هنا بس جنت مسافر والبارحه رجعت من السفر وهاي جيتي الهنا وعمتي أيمان وصتني اوصلج سلامها
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
