بارت الـ43
"في قوقعة الاسبر"
الكاتبه: وهم
ــــــــــــــــــــــــــــــــــــــــــــــــــــــــــــــــــ
ناس تَبيعك بـَ الظن وناس تِشتريك بـَ عيوبك
ـــــــــــــــــــــــــــــــــــــــــــــــــــــــــــــــــ
جوان...
يومين احنه منتضرين على نار الطفله باقيه عند رزان اني مكابلتهن ثنينهن وكاعده ساعه ادعي تصير الي وساعه اكول خاف يجون اهلها ويردوها وباقيه بين نارين
رزان خلتها بروحها عبالك بنتها دارتها بشكل مو طبيعي ميمي ساعه يغار وساعه فرحان بيها
اجوي مهاب والاسبر طلعنه يمهم باوعلي مهاب وضحك
جوان: ها شصار!
الاسبر: هاج
انطاني ورقه زركه رزان ضحكت اني كلشي ممفتهمه خذيتها منه اقره بيها هذا بيان!!
جوان: بيان شنو هذا!
مهاب: محد اجه على الطفله والضابط كال اهواي هيج حالات ومرات ياخذون الاطفال يتمنوهم ومرات يجيبوهم نوديهم للميتم طلبت منهم اني اتمناها وكتلهم ماعندي اطفال ووافقو حجيت ويا حمزه وطلع بيان وباقي بس الهويه يهدء الوضع واسويها
يحجي واني مصدومه
جوان: ههه يعني صارت النه
رزان: يلا خذووها هيه وغراضها هههههه
ام وحيد: تتربه بعزك يمه
ممصدكه واحس اريد اطير هيج اطير بالسما البعيد رجعت اقره بالبيان ممصدكه
رزان: شنو سميتوها
مهاب: روان
ام وحيد: روان ورزان فرق بس حرف
رزان: باكو اسم بنتي المستقبلي
مهاب: ماكو فرق جهالنه جهالكم و جهالكم جهالكم
رزان: الله على التفرقه ههههههه
ضحكنه واجه ميمي يركض
ـ ماام اختي تبجي
رزان: كوميلها
جوان: ها
رزان: كومي رضعيها شنو ها
كمت الها سويت لمميه بسرعه خليتها بحضني رضعتها اباوع الشكلها شكد زغيره
يارب تحققت أمنيتي وصرت أم الف الحمدلله يا اللهي على ما كتبت
وهيه ترضع ضلت تذب حليب من حلكها وتسعل صرخت على رزان اجتي تركض خذتها مني وهفت على وجهه
رزان: يلا مابيها شي مابيها شي غصت
خلتها على صدرها ودكت على ضهرها
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
