بارت الـ39
"في قوقعة الاسبر"
الكاتبه: وهم
ـــــــــــــــــــــــــــــــــــــــــــــــــــــ
" غلطه ودفعت الثمن
چان الثمن عُمري
المايدري عنده عُذر
بس انه چنت ادري .
ـــــــــــــــــــــــــــــــــــــــــــــــــــــ
كلارا...
كاعده بالطرمه اشرب جاي ورنيم يمي تلعب اندفع الباب گلبي نز من الصوت ارتاحيت من شفته سيف ركض شال رنيم وفرها
سيف: وااخيراً حصلت اووول راااتب الي
صفنت يلا استوعبت كلامه قبل فتره قدم على وضيفه والحمدلله انقبل وبده يشتغل بيها جلال قدم ويا بس بعدهم ممصلين بي واليوم اول راتب السيف من بعد شغل العماله وكسران الضهر
لزم رنيم گطعها من البوس ضلت تبجي شمرها بحضني وراح الامي يصيح وفرحان امي بس سمعت هلهلت
لارا: سيف اني دعيت تنقبل وبسبب دعائي نقبلت فـ بالنص اني وياك
سيف: يدللن خواتي شعندي غيرجن
شال ثلاث خمسه وعشيرن ونطانه كل وحده وحده كرص خدود رنيم
سيف: مو كتلكم وجهه هالطفله خير علينا
كلارا: الف الحمدلله
بجاها وراح التليفون عرفنا راح يتصل عليها كل يوم يرجع يحجي وياها وقبل لا ينام يحجي وياها وقبل لا يروح للدوام يحجي وياها واحنه باقين بس نراقب بي عبالك عتاوي وراه
مشينه على كيف اني ولارا خلينه اذانه على الباب
سيف: مابقه شي فتره زغيره ويكمل المهر... مامصدك راح يكمل المهر وتصيرين الي... وشحده مايقبل انملج العگل كلها لا عبالج وحيد وداعتج عندي عشيره تسد عين الشمس بس كواواي*... فدوة للضحكه عسى ربي لا يحرمني منها..
امي صاحتنه وركضنه الها
ام سيف: وين جنتن؟
كلارا: ها هناك
ام سيف: وين هناك شعدجن ويا؟
لارا: ديلا على اساس متعرفين ابنج كاعد يحجي ويا الحبيبه واحنه نتسمع هيج كلش فطيره وكلشي متعرفين
شالت النعال وشمرته عليها
ام سيف: ادب سزز هم يصير براسج خير امدااني
كلارا: هههههه حشاج ختولي عوفيها
ام سيف: وانتِ بيش احسن منها شو دسكتي
لارا: يلا عادي لمهم مترزلت وحدي
ضحكنه ورحنه للمطبخ حضرنه العشا كل مره ننتضر جلال وهاي المره تأخر
ام سيف: لارا خابري خاف بي شي گلبي ما مطمئن
راحت خابرته واجتي
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
