بارت الـ 44
"في قوقعة الاسبر"
الكاتبه: وهم
ــــــــــــــــــــــــــــــــــــــــــــــــــــــــــــ
مَرات اگولَن گضت چَم يوم وتعدِي
و مَرات اريدَن دَرب للمَگبرة يودِي .
ــــــــــــــــــــــــــــــــــــــــــــــــــــــــــــ
آريا....
جاي اقره وتليفوي انصرع صرع بالرسائل شلته اشوفه صديقتي شفتها شنو تريد لكيتها دازلتي رسائل وفديوهات
ـ آريا الحكي نفسج هاي نرجس دازه صورج الحبيبها وهسه حبيبها ديهدد بصورج وراح ينشرهن
اتصلت وجاوبتها
آريا: شنو شكو!!
ـ آريا نرجس راح تفضحج
ـ يمعوده شتفضح كولي يالله فهميني
ـ اكو واحد جان معجب بيج لمُهم نرجس منطيته الحساب وعلى اساس الحساب حسابج ومراسلها على باله نرجس هيه انتِ اطورت العلاقه وطالب صور وهيه دازتله صورتج وعلى اساس راح يلتقي بيج وانتِ متعرفي ولا عبرتي حجه وياج رادج بس اتردين عليَ بقيتي متجاهلته ومتفق وياج عود بالتلفون ويكلج ليش ماوكفتي تحجين وياي ونرجس مطلعتله عذر اكثر من مره رايد يشوفج وهسه كالها راح انشر صورج اذا ماجيتي وياي
هيه تحجي واني كمت ارجف
ـ اني شعليه شلون هيج تسوي بيه شسووي كليلي
ـ مادري والله مادري اني هسه جنت يمها عود اخذ كتابي وجان تليفونها يمي قريب واتصل عليها وهيه جاوبته ضل يغلط عليها ويسب ويهدد هيه ضلت تبجي وحجتلي كلشي
ـ يالله دخيلك شهل مصيبه هاي
ـ تكدرين هسه تجيني
ـ لا ماكدر امي متخليني
ـ اقنعيها فدوة وتعاي خلي نلكه حل اذا نبقه هيج راح ينشرهن ويجوز يسوي عليهن مقاطع موزينه ولج يذبحوج والله
هيه حجت هيج وگلبي حسيته صار بين رجليه سديته منها اكل بضافري لا بيها ولا عليها اجتني مصيبه اكبرر من راسي طلعت من الغرفه
تاليا: ها كملتي
ـ ءء لا دفتري ناقص واريد دفتر صديقتي بي كل الحل ومحتاجته هسه
ـ ياهي منهن خلي اروح اني اجيبه واجي
ـ لالا اني اروح همينه مليت اريد شوي اتمشه
ـ يلا نروح سويه
ـ مادري بكيفج بس شعندج تجيني اجيب الدفتر من الباب وارجع
ـ يلا لا تتأخرين
لبست الصايه والشال وطلعت امشي واتلفت من الخوف هيه قريبه بيتهم بنهايه الفرع مالتنه دكيت الباب فتحته بسرعه دخلت بالحوش
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
