بارت الـ 15
"في قوقعة الاسبر"
بقلمي: وهم
ــــــــــــــــــــــــــــــــــــــــ
ابد ماگاودت غيرك
جفك راهم الجفي مثل طرفين سحابه
ــــــــــــــــــــــــــــــــــــــــ
فر ايده ودار وجهه دقايق وندك الباب ركضنه كلنه وراه الاسبر من فتح الباب ودخل مهاب ملامحه جامده لكل صاح بصوت واحد
ـ هاا بشر؟
صفك ايده ونزل راسه يهزه بأسف
مهاب: أبد والله متوقعت هيج النتيجه بس يلا السادس يستاهل نعيده
خالتي حطت ايدها على گلبها وجوان بقت متبسمره بمكانها
الاسبر: شو اشوف
سحب النتيجه منه شافها وبتسم
الاسبر: صيدلة ولج صيدلة
من الفرحه كمزت وحضنتها وهيه بعدها صافنه
ـ تحقق الحلم ولج تحقق
الاسبر: ولكم هلهلو
وسمعنه هلهولة خالتي
مهاب: دسكتي اني اهلهل احسن منج
حط ايده على حلكه وفعلاً هلهولته اقوه منها جوان كعدت على القنفه تنزل دموعها وتمسحهن نسيت كلشي وفرحتلها لأن صدك تعبت بدراستها تستاهل كل الخير
طلع الاسبر وجوان بعدها تبجي
ـ ياا ولج شبيج تبجين
جوان: دموع فرح واخيراً حققت حلم من احلامي
ـ تستاهلين كل الخير والله
اجه الاسبر جايب ويا جُگليت وطشاه كله على راسها الفرحه عمه بالبيت مهاب والاسبر اهواي فرحانين الها ضحكت من الاسبر جاب جُگليت وطش عليَ
الاسبر: مرتي همينه نجحت مو بس انتِ
جوان: هههههه نجحت ام المصاص
مهاب: مصاص شنو طفلة!؟
جوان: اي تبجي علمود مصاص
ردت احجي وقاطعتني خالتي
ام وحيد: صحيح لا تنكرين
ـ ياااا
لكل ضحكو وكعدت جوان تتشرط شنو تريد من هدايه بمناسبة نجاحها
جوان: ماريد شي بس تبنون الي صيدله وبيت وها سياره اروح وارجع بيها لأن يعني احم تعرفون صلت صيدلانيه العشيره
حجتها ورفعت ياخه الثوب
مهاب: اكلج راسي يوجعني رايد علاج
جوان: سهله اشرب چاي وراح اطيب
مهاب: چا اذا هيج راح اصير چايچي بصف صيدليتج وياهو يجيج كليله اشرب چاي
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
