بارت الـ 36
"في قوقعة الاسبر" 2
الكاتبه: وهم
ــــــــــــــــــــــــــــــــــــــــــــــــــــــــ
يَلهيني النهارَ والتهي
ويَ الناس.
ولچمني الغروَب وتنزف ضنوني.
اشد رَمش برَمش
ماترضىَ عيني تنام.
اراويها الصوَر وتصيحَ ردوَني .
ــــــــــــــــــــــــــــــــــــــــــــــــــــــــ
خلصت ورحت غسلت الملابس طلعت اشرهن ودخلت جوان باوعتلها عيونها مورمه من البجي وبيدها اوراق
رزان: ها ولج شبيج
اجتني حضنتني وبجت
ـ بسم الله شبيج يمعوده
ـ مرا مراح يصير يصير عندي اطفال
ـ اطفال شنو تعاي ادخلي فهميني
دخل مهاب وراها وجهه اصفر كعدنه بالصاله وبدت تحجيلي
جوان: من تزوجنه لليوم الشهيره بس مرتين جايتني رحت حللت كلت بلكي حامل بس ماطلع شي رحت الدكتوره وكتلها على وضعي لأن حيل تأذيت سويت اكثر من تحليل واليوم طلعت النتائج عندي فشل المبيض المبكر وكالت صعب يصير. عندج اطفال شهكت ومسحت دموعها
وبهذا ضعي من المستحيل يصير ولازم لازم انتضر سنوات ولو يصير حمل لو لا
ام وحيد: يجوز غلط بالتحاليل او هاي مو خوش دكتوره ليش هيج تبجين وفاقده الأمل
جوان: هاي الدكتوره صديقه دنيا معروفه وكلش شاطره بشغلها
حضنتها بادلتني الحضن وخلت راسها على كتفي
رزان: كالت يصير عندج بس يحتاج وقت يعني شعدكم بعدكم زغار وبعدكم ببداية لطريق أكيد بالمستقبل الله راح يرزقكم وهمينه اطفالي همه اطفالج يعني عادي اذا تاخذين ميمي والله ماريده مگشعه بي خلصيني منه اني وياج ماكو فرق مثل ما اني امه انتِ امه همينه
باوعتلي عيونها كلها دموع ومقدمه شفتها السفليه شكلها صدك صار يضحك باوعت المهاب ضامه لضحكه
ـ بربك شنو تسوي بالاطفال دربي يلي عندك هسه
مهاب: غير اكلها والله تسوه عندي الف طفل وطفل
مسحت دموعها وطلع الاسبر لازم ضهره ويمشي
مهاب: يمكن الاسبر حبل بمكانج
كلنه ضحكنه بصوت عالي
ام وحيد: هههههه طاح حظك
جوان: هههههه خرب يومك
الاسبر: شبيكم
مهاب: لا سلامتك شبيك؟
الاسبر: لا ماكو شي
اجه كعد يمي
الاسبر: جوان ماكو اليوم
جوان: جنت يم الدكتوره
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
