بارت الـ18
"في قوقعة الاسبر"
بقلمي: وهم
ـــــــــــــــــــــــــــــــــــــــــــــــــــ
تلچمنِي وگول اتهُون السَمار ايلوگ للمتعوب
ـــــــــــــــــــــــــــــــــــــــــــــــــــ
بعد مرور سنتين....
جوان
جنت كاعده على لمستطبه لحديقه مال الجامعه اراجع الماده سمعت صوتها رفعت راسي اباوعلها وهيه تهرول تجاهي
غدير: هلاو هلاوو راجعتي بدوني
ـ هلا بيج هسه بديت
غدير: عوفي وكليلي شلونج
ـ الحمدلله وانتِ شلونج؟
ـ زينه مابقه شي وتبدي المحاضره
ـ اي يلا نراجع
كعدنه نراجع سويه بدة وقت المحاضره ورحنه سويه غدير اول صديقه اتعرف عليها بالجامعه كلش حبابه والطيفه هاي السنه الثانيه اعرفها باقي صديقاتي يلي بالاعداديه كلهن راحن الغير اقسام واكو يلي رسبن مثل سالي وعادن السنه خلصت المحاضره وطلعنه
غدير: اكلج اني تعبت متاكلين شي
ـ اي والله جعت امشي ناكل
رحنه للكفتريا كعدنه ناكل خلصنه وطلعنه واني امشي انكسر الكعب
غدير: شكم مره كتلج لا تلبسين كعب هسه شلون
ـ شمدريني راح يغدر بيه وينكسر بنص الطريق خررب حظي
ـ هسه شلون تمشين حافيه؟
ـ اندري همزين مباقي شي ويخلص الدوام
ـ اي والله جان تفشلنه بالجامعة
بقيت كاعده على الدرج وهيه يمي كل ساعه وتنصب عليَ
ـ ووجع هاي فوك متساعديني تضحكين عليَ
ـ تخيلي لو واكعه بنص الكفتريا هههههه
ـ يمة الله لا يكولها تفف
ـ هههههه فاهيه وعلي متصيرلج جاره
ـ دنجبي انجبي
لشويه وسمعت تليفوني يرن عرفته مهاب رفعت خط
مهاب: يلا وينج اني بره
ـ اكلك مهاب الكعب انكسر
ـ شكد كايلج الكعب لا تلبسي مو يكص رجلج ويأذيج عليش تلبسي؟
ـ غير كشخه
ـ خرب بهيج كشخه خوما تأذيتي
ـ لا بس شلون اطلع حافيه
ـ وين انتِ هسه اجيج
ـ كاعده على الدرج بره الكافتريا
ـ تمام
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
