بارت الـ34
"في قوقعة الاسبر"
الكاتبه: وهم
ــــــــــــــــــــــــــــــــــــــــــــــــــــــــــــ
شنفِضهن نفُض شو كُلهن التمَن ؟
لا عَطوه نِطني ولا رِضن يهدن
شكِثر اسَهام كُلهن فد وكت هَدن
سَهم وداع ، سَهم اوُجاع
وسَهم ذاك العزيز الصار جوه الضلوع اوجاع .
ــــــــــــــــــــــــــــــــــــــــــــــــــــــــــــ
اجه يحيى شفته وحده محد ويا دكيت على وجهي
ـ ماكو الولد ماكوو هذا يحيى وحده لعد منو ماخذه
تاليا: بس اهدي هسه نلكا
اريد اوكف على رجلي ماكدر اجه يحيى يسأل اذا لكينا تاليا جاوبته رجع طلع يدور كعدت على جذع الشجره واردد بداخلي
يا دليل المتحيرين يا غايه أمال الراجين يا غياث المستغيثين
يارب يارب رجعلي ابني سالم سليم
هذا الدعاء مطاح من الساني صارت ساعه وميمي ماكو البيت نخبص خبص حتى عمي طلع يدور سمعت صوت الاسبر رحتله اركض يحجي ويا الولد شافني وجه يمي وجهه اصفر
الاسبر: رزان وين راح معقولة ما كلج شلون تعوفي يطلع
ـ يم يمي جان والله يمي طلع هنا يلعب وطلعت اشوفه ومالكيته ماطولت دقايق عفته والله دقايق عفته
الاسبر: هسه هسه نلكه مايروح بعيد لا تخافين
ـ گلبي يوجعني ينغزني متأكده بي شي
هز راسه وطلع تاليا يمي هيه وآريا لزمو هذا الولد يحجون ويا وينطو مواصفات الرجال يلي اخذ ميمي
يحيى: كلي شلون اخذه
ـ عمو اني اجيت منا وشفت بابكم مفتوح وهوه اجه شاله وراح والطفل ماسوه شي بقه ساكت ماشفت طلع صوت
اسمع للكلام وكلشي بجسمي يرجف انخبصو خبص حتى مهاب اجه كعدت ابجي وادعي اجه عمي حسن
حسن: الطفل مخطوف
كمت على حيلي اريد اسأل بس الساني انشل
مره عمي دكت على وجهه
ـ يمه اسم الله منو الخاطفه
حسن: الاسبر شاف الكامرات هسه داخل للحوش رجال ماخذ الطفل حاط ايده على حلكه كاتم صوته ماخذه وطالع ومحد يعرف منو هذا الرجال لا مهاب كدر يعرفه ولا الاسبر هسه خابرو الشرطه راح تجي
حسيت بدوخه قويه والنفس ضاك بيه آريا جابت مي غسلتلي باقيه ادعي ومنتضره على نار..
︶ ꒷꒦꒷︶ ︶ ︶꒷꒦︶ ︶꒦︶
جوان....
اتصل على مهاب ميرد لا هوه ولا رزان ولا الاسبر تاليا خابرت آريا وحجتلي كلشي
وصلنه البيتهم والشرطه تارسه الفرع شفت مهاب من بعيد مامنتبه النه دخلت للبيت وشفت رزان كاعده بالحوش وجهه اصفر ودموعها على خدها رحتلها حضنتني وبجت
أنت تقرأ
في قوقعة الاسبر
Misterio / Suspensoمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
