بارت الـ 14
" في قوقعة الاسبر "
بقلمي: وهم
ــــــــــــــــــــــــــــــــــــــــ
"أتيتُ وفي وجهي شظايا مراحلي."
ــــــــــــــــــــــــــــــــــــــــ
ضاعت الحروف مني وبقت بس عيوني تتنقل بعيونه حط ايدي على صدره بمكان گلبه
ـ انتِ خليتي هذا يدك انتِ خليتي دكاته بأسمج
سكتنه لثواني افكر بكلامه وبالقرار يلي لازم اخذه هسه
الاسبر: قبل لا تاخذين القرار انتِ خليتي هذا الوحش يصير طفل بين أيدج لا تضيعي وتضيعيني وياج
ـ شنو راح تتوقع ردي بعد كل هذا الكلام
ـ يعني؟؟
ـ ايي
صفن بعيوني ماحجه شي هزيت راسي وعدتها
ايي قابله ابدي وياك حياه جديده
حضني بقوه ضحكت وبادلته الحضن
ـ عااا كسرتني
باسني بوسه طويله من خدي حضن وجهي بكفوفه
ـ أحبچ انا أحبچ
باسني على وجهي بعشوائيه حتى منطاني مجال احجي شي رجع مره ثانيه حضني وهالمره الحضن اقوه بحيث حسيت بدكات گلبه العاليه
ـ راح نبدي من الصفر بس انا وياج راح نعوض بعض عن كلشي عشنا وراح تصر عدنا عائله حلوة ودافيه راح اسوي كلشي جنت محروم منه الكم
بتسمت على الهفته وكلامه
سمعنه صوت الأذان يأذن
ـ نكوم نصلي سويه؟
ـ ما اعرف
ـ عادي اعلمك
اخذ أيدي وكام
ـ يلا
علمته على الوضوء خطوه خطوه وبعدها توضيت اني وهوه منتضرني اكمل خليت المصلايه وخليت مالته بالمقدمه هوه دناها وخلاها بصفي
ـ يمكن ميصير
ـ ليش
ـ اتذكر مامه وبابه من جانو يصلون بابه بالمقدمه ومامه وراه
ـ انا وياج واحد ماكو فرق
هزيت راسي ولبست الجادر وبديت اصلي بصوت عالي وهوه يردد وراي رفعت ايدي حتى ادعي وهوه وياي
ـ اللهم إني أسألك بحق فاطمة و أبيها و بعلها و بنيها والسر المستودع فيها أن تبعد عنا كل سوء وبلاء
اقره ويردد وراي غمضت اعيوني ودعيت بگلبي
يارب اتمنى يكون هذا القرار خير ألي وللاسبر يارب يارحيم ارحم بحالنه اللهم أني اخرج من حولي وقوتي الحولك وقوتك يالله توكلت عليك وانتَ خير المتوكلين
أنت تقرأ
في قوقعة الاسبر
Gizem / Gerilimمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
