بارت الـ24
" في قوقعة الاسبر"
بقلمي: وهم
ـــــــــــــــــــــــــــــــــــــــــــــــ
إلهي، خُذ بيدي ودُلني
فأنا لا أدري إلى أين المسير.
ـــــــــــــــــــــــــــــــــــــــــــــــــــــــــــ
في مكان اخر......
كلارا.....
نضال: كلارررا تعاي عَمري النركيله
طلعت من الغرفه اليوم همينه حفله وكل البنات يتجهزن ويرتبن نفسهن حطيت الفحم على النار وبديت اسوي بيها خلصتها طلعت اباوع النضال كاعده بنص الحوش هيه ومجوعه زلم باسوء ملابس وابشع شكل
كلارا: خلصت النركيله
نضال: اي جيبيها
كلارا: مو خدامه اني
عفتها ودخلت للغرفه كعدت بمكاني واشوفهن يتمكجن ووحده تسوي شعرها والثانيه تعطر جسمها
كل عقلهن يتجهزن حتى يرحن يركصن بنادي ليلي!
عدهن كلشي عادي وماكو خوف من حرام او حلال المهم يعيشن حياتهن ويحصلن فلوس تنهدت بقهر
فكرت اذا اشرد من هذيج العائله راح اعيش حياتي صح تالي صرت بمكان ابشع من يلي قبله
فكرت اشوفلي مسكن زغير اعيش بي وشغل يساعدني وبعدها اكمل دراستي بعيده عن اهلي وبعيده عن العالم اعيش النفسي وبس وبعدها ادور على اختي وتؤم روحي وشوف هسه شنو صار
اجيت بمكان اقذر من القذاره مكان بي بس العاريات وناس ماعدها ظمير ناس تبيع نفسها علمود كم فلس
زينة: الشوكت تبقين كاعده هنا؟
كلارا: مكاعده ببيت الخلفج
زينة: ولا بيت الخلفوج كلنه جنه مثل حالتج بس بعدين تعودنه مجرد تركصين تحصلين راتب وفلوس كومة تشترين احلى ملابس واحلى مكياج وارقه العطور وتطلعين الـ افخر الاماكن بس شغل عقلج صح واستخدمي جمالج وستفادي منه متردين تطلعين ويانه نضال مراح تعوفج بحالج راح تبيعج بكل بساطه وراح تبقين تحت رحمه الرجال يدك عليج وياخذ اليريده ويذبج
كلارا: انصحي روحج وطلعي من القذاره يلي انتِ بيها وبعدها تعاي انصحيني
عفتها ودرت وجهي كل وحده هنا الها قصه تختلف عن الثانيه اغلبهن مجبورات على هذا الشغل بسبب اهلهن همه يجيبوهن هنا ويجون الفجر ياخذوهن من الملهة!!
والبعض طالعه بأرادتها تحت مقولة"هاي حُريه"
الحريه الرئي وحريه الكلام حريه الاختيار مو انسه ديني ومبادئي وابيع نفسي علمود بس كم فلس!!
عن يا حريه هاي قذاره لا نرتاح بدنيانه ولا بأخرتنه
ربع ساعه الغرفه فرغت ولا وحده بقت باوعت الساعه بلـ12 بليل ويرجعن الصبح بلـ5 ومرات يبقن للعصر يرجعن ينامن ويرجعن بليل يرحن للملهة كلش عادي عدهن وشي طبيعي
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
