في قوقعة الاسبر

بارت الأول

بارت الأول

"في قوقعه الاسبر"

الكاتبه: وهم
ـــــــــــــــــــــــــــــــــ
جيّتك بليلة شتىٰ ..
ظلمَة ومطرهَا رشگ
وشبُعده صار الدرُب ،
خوف ورعيّد وثلج ..
وجفوف أديه زرگ
ببابك طحِت ، ها كَمت ..
ضميت إديه ردِت عَ الباب بالرُوح أدكَ
بَس كَالوا إلمَن تدكَ ؟
كلمّن مشه لحالِته
واحِد سكن بالغَرب
وواحِد سكن بالشركَ ..
ــــــــــــــــــــــــــــــــــ

كاعده اغير ملابس قداح واندك الباب

رائف تعال افتح الباب
اجه يركض من الغرفه وعثر بـ الزوليه لفارشيها

ـ الله وثول انتبه

رائف: هسه ليش تخلوها بلگاع كل ساعه اعثر بيها

اجتي تاليا من المطبخ تصيح

تاليا: عوفي النگره وشوفو منو بلباب

راح رائف واني كملت القداح بستها يمه ريحتج ريحه العاافيه

رجع رائف

رائف: هذا يريد واحد جبير الأغبر لعد اني جاهل

طلعت تاليا من المطبخ راحت للباب ورائف دخل للغرفه يكمل العبه

شلت قداح ودخلت تاليا وجهة صاير أصفر ودمع بعيونها خليت قداح على فراشها لأن نامت ورحت التاليا

رزان: شكو منو أجه؟

تاليا: صاحب البيت يريد أيجار

رزان: أيجار شنو!!!

دكت على رجلها وبجت

تاليا: تعزينه تصخمنه ولج رزان راح بيت أبونه راح كلشي رااااح من ايدي كله منيي حبيت لشخص الغلط ولج ضحك علينه ورااااح اخذ مني كلشي وراااح نانيس اخذ كلشي

تحجي ودك على وجهة وتبجي

رزان: اهدي الله يخليج فهميني شلون هيج سوه

تاليا: تذكرين من كتلج نبيع بيتنه هذاك ونجي البغداد أمان اكثر وهذه لبيت كتلج شترينا طلع ضاحك عليَ وهذه البيت مأجره النه ودافع بس كم شهر وهسه ابو البيت يريد فلوسه واحنه ماعدنه اكل ناكله كوولي شسووي هسه شسوووي تعزيت وتصخمت كلشي اخذ مني حتى شرفي الله لا ينطي العافيه ولا يوفقه

جان عمري 14 سنه ماعرف شنو الشرف بس يلي عرفته نانيس اليوم طلع ضاحك علينه ضلت تاليا تبجي ودك عل وجهة وبعدها كامت لبست عبايتها وطلعت من البيت

لكيت رائف خاتل وراه الباب ودموعه على خده فتحتله ايدي واجه الحضني

رائف اخوي وعمره 10 سنوات وتاليا أختي أكبر مني وعمرها 19 سنه

رائف: شنو صار ويا تاليا ليش هيج تبجي؟

ـ ماكو شي حبيبي

رائف: لو الأمريكان عايفين بابه عايش جان كملت دراستي وبقينه هناكه ببيته ومجان حنجي هنا ونعوف اصدقائنه