بارت الـ30
"في قوقعة الاسبر"
الكاتبه: وهم
ــــــــــــــــــــــــــــــــــــــــــــــــــــــــ
نشف ريج الحزن.
و الوادم تغني.!
و آنه من بعيد أحب
الما رضه يحبني.!
شبدر مني ؟
ــــــــــــــــــــــــــــــــــــــــــــــــــــــــ
تاليا...
دخيلج يا ام البنين تحميها وين مجانت دخيلج مولاتي صرخت من شفت آريا بالگاع وراه السياره ركضت الها
ـ آررررياا
شلت راسها بحضني اجه عقيل على صوتي ضرب على خدها فاقده شالها واني شلت الجنطه وكفت تكسي وصعدنه بيها السايق انطاني مي ذبيت عليها ماحركت ساكن وصلنه للمستشفى شالها عقيل ونزل بسرعه خذوها الطوارء احس رجلي ماكدر امشي عليها كعدت اباوع الهم الدكتور حجه
ـ تسمم بسيط صاير عدها
عقيل: تسمم منين
ـ بعد تصحى وسألوها شنو ماكله شويه وتصحى ماكو داعي للخوف
علك الها المغذي وطلع رحت يمها بعدها نايمه طلع عقيل جابلي مي ورجع
عقيل:هسه شويه وتصحى لا تخافين
ـ بشنو تسممت كلنه اكلنه من نفس الاكل
عقيل: يجوز اشترت من بره وتخربطت
التفت من سمعت صوت يحيى
يحيى: شكو شصار منو تسمم
عقيل: آريا
باوع الآريا وباوعلي تنهد واردف
ـ شلون تسممت
عقيل: مادري بعدها مصاحيه
شويه وبدت تكعد وكفت يم راسها فتحت عيونها باوعتلي
آريا: بطني
كعدت يمها
ـ هسه تصير زينه
اجه الدكتور
ـ كعدت الحلوه
لزمت بيدي وتباوعله
اجه يمها يفحص بيها
الدكتور: تكدرون اطلعوها وتجيبون هاي الأدويه تاخذهم بنظام وكل اكل من بره تبتعد عنه لأن هالمره تسمم بسيط يجوز المره الثانيه خطر لا سامح الله ماعندها غير العافيه
عافنه وطلع
عقيل: شنو اكلتي وهيج صار بيج؟
آريا: من رحت للمدرسه ويا صديقاتي اكلت سماك دائماً اكله ويا البنات وبطني ضلت توجعني طول الدوام ومن رجعت حسيت بدوخه قويه وجع زاد رحت لزمت بالسيارة ووكعت مادري شنو صار بعدين
يحيى: الف الحمدلله مصار شي
عقيل: غير تنتبهين وشنو هذا السماك تاكلي من الصبح شكم مرا اسمع اختج تمنعج منه ليش متسمعين منها يعني هيج احسن الج؟ واكعه وراه السياره لا سامح الله لو واحد من جلاب الشوارع الماعدهم غيره يشوفوج يعوفوج بحالج؟
استري على روحج وعلى اختج ماعيزها مصايب
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
