في قوقعة الاسبر

بارت التاسع

        حبايب تصويتكم كلش مهم للقصه

"في قوقعة الاسبر"

                        بقلمي: وهم
ـــــــــــــــــــــــــــــــــ
چَنت انطرَد وارجع مو بيدِيا
جنت مَابية خير وهسة بية
چانوا حَالهم حَال الهوَا الهَاب
وصَاروا حَالهم حَال البقية
مَا قصرت وياهم ولا يوم
سَويت العليهم والعَلية
وما تدرُون صَرت بموقف اسوَد
ما صَاير گبل بـ أمة مُحمد
والله تفاجئت مَن سدوَا الباب
ما لحَگت اگلهم لِيش وانسد
بَس ظليت وَاكف تشهد النّاس
واذا ما تِشهد النّاس الله يشهَد
يلا الحمد لله ع السَلامة
اني بخير مَادام الله ويَاي
هو يحُول الدمعة ابتسَامة
وهو اليَاخذ بثار المَساكين
مثل مَا ياخذ بثار اليتَامى
والمَا يعثر بيوم مِن الايام
وين يرُوح بيوم القِيامة
ـــــــــــــــــــــــــــــــــ

احس بلوكة وكعت على راسي من سمعت كلامهن

طلعت ردت اصعد وصاحتني جوان

جوان:امي دكول لا تصعد خليها هنا

حجيت واني ضاغطه على سناني

رزان:مااكدر إذا ابقه اكثر اذبحهم والله

ضغطت على ايدي

جوان:تعاي يمي

خذتني  وراها امشي بدون وعي مافهم شنو يحجون احس عقلي بعد وكف مايكدر يستوعب بعد صدمات

خليت ايدي على راسي واتحلف الهمسه والله العظيم الخليها تعض اصابعها ندم

رفعت راسي لكيت جوان تحجي وياي هزيتلها راسي واني كلشي مفاهمه  روحي كوه شايلتها شفت عمي حَمد نفتحت عگدة حاجبي وبتمست بفرح رحتله وهوه فتحلي ايده حضني وباسني من راسي سأل عن احوالي واني اجاوبه دخل وراه جدو تقدمت وسلمت عليَ اجاوبهم بفرح وحماس عمو حَمد باسني من خدي

حَمد:هاي البوسه من رائف كال أمانه توصلها

رزان:هههههه فدوة اروحلة وينه ليش ما اجه وياكم

حَمد:جاي يمتحن خطيه وملتهي بين لدراسه ولشغل

دخلو جوه ولكل انجمع رفعت عيني للاسبر يباوعلي وبس يتنهد غلست ماباوعتله صبوا الغده ونجمع زلم ونسوان على ميز الأكل صارو الزلم من جهة والبنات من جهة كعدت بلنهايه بصف جدو تقربت يمة وهمست

ـ تاليا شلونها وآريا

الجد:زينات الحمد الله انتِ شلونج هنا وهذولي شلونهم وياج

باوعتلهم ورجعت عيني الجدو

رزان:اذا اكلك مو زينين وياي شراح تسوي

الجد:اچسرهم واخذج منهم وانعل والديه ليفك حلكه وياج

رزان:فديتك بَطلي

ضحك واني ضحكت

رزان:صدك جدو الاسبر عزمكم

الجد:اي ماردنه نجي بس تاليا كالت خطيه تبقه وحيده بهذه اليوم ورجع خابرنه عمج عاد كنالهم جاين ردنه نروح وياج للمحكمه بس حالتي شوي تدهورت