بارت الـ25
"في قوقعة الاسبر"
بقلمي:وهم
ـــــــــــــــــــــــــــــــــــــــــــــــــــ
وأضُمنك تعَب چَادود
وبعازة فرحتِي أتمايزك
يَـ أسمر يا أبيض
من نوَايا الرّوح
وأصفىٰ من الزلال
ومَلمس المَرمر ..
ـــــــــــــــــــــــــــــــــــــــــــــــــــ
كلارا.....
كلارا: ماطلع ويااهن لا توصليلي والله اندمج
نضال: متفرقين عنهن بشي حالج حالهن مثل ماهنه جاي يشتغلن ويطلعن مصرفهن انتِ غصباً عليج تشتغلين مثل شغلهن
كلارا: فلوسي يلي بالجنطه كافيه تعيشني بمكان احلى من هذا وتعيشني السنه ليكدام فـ لا تتمنين عليَ وكاعده يمج بفلوسي
نضال: هي هي ياافلوس هاي هذني يومين ما يعيشنج اذا ماطلعتي وياهن برضاتج ابيعج واخلص منج
كلارا: اعلى ما بخيلج اركبي متخوفين جلبي
عافتني وطلعت البنات كلهن نايمات لو تنفجر عبوة مراح يكعدن
اليوم لازم اطلع منا بعد مامنها مجال انتضرتها العصر تطلع والبنات نايمات هاي فرصتي رحت الغرفتها قافلتها شلون ادخل الها!
اتذكر بيها شباك على الحديقه الخلفيه فتريت وراه البيت فتحت الشباك انفتح تنهدت براحه دخلت منه وبديت ادور ماخليت مكان مادورته حتى بالملابس دورت جان اكو مفتاح بالبنطلون طلعته وبديت اباوع شنو الخانه المقفوله او مجر شفت خانه زغيره مقفوله فتحتها بالمفتاح انفتح فتحت عيوني بدهشه
شنو الذهب شنو الفلوس شنو الاوراق والله اول مره اشوف هيج كميه فلوس
كل هذني فلوس حرام!!
اوراق ماعرف شنو بس أكيد مهمات دورت بيهن لكيت الجنطه مالتي مي بارد ونزل على گلبي فتحتها بيها الهويه والتليفون بس الفلوس ماكو رجعت كلشي المكانه بعدين صفنت
وفلوسي لازم اخذهن بس هذني فلوس حرام!
ديلا شراح تفرق همه اهلي وهيه نفس الطبع ونفس الحرام خذيتلي مبلغ زين تقريباً بكد يلي خذيته من اهلي محبس جدو وين!
دورت اهواي مالكيته الله لا يوفقج يا عمتي ويا نضال حسبي الله عليجن والله الة احرك گلبج يا قذره اني اعلمج اكو قلاده كلش فخمه واكبر وحده بالذهب خذيتها خليتها بالجنطه رجعت كلشي المكانه وكمت سمعت صوت سيارتها تدخل للحوش
باوعت بالغرفه كلشي راجع المكانه طلعت من الشباك بسرعه وأيدي تأذت سديت الشباك وركضت الجنطه بيدي وين اخليهن الحديقه هاي محد يجيها حتى الزرع يلي بيها ذابل حطيتهن ببطن زرعه اتمنى محد يشوفهن او يدري بيهن نكتت ايدي ورحت للغرفه شفتها بغرفتها واكفه تحجي بالتليفون وفاتحه كنتورها رحت غسلت وطلعت سمعت الباب يندك
أنت تقرأ
في قوقعة الاسبر
Mistero / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
