بارت الـ 19
"في قوقعة الاسبر"
بقلمي: وهم
ــــــــــــــــــــــــــــــــــــــــــــــــــــ
شكُثر صِارت عَزيزة الگعِدة ويّاك
مثِل شَهگة هوىٰ عنِد اليغرگوُن .
ــــــــــــــــــــــــــــــــــــــــــــــــــــ
ماعرف الدكتورات شنو يسون الها يركضن ركض والاجهزه بكل مكان بالغرفه كلهن وكفن من الجهاز يلي طلع صوت مثل الصفير
جابن جهاز ماعرف شسون بي مثل يلي يطلع بالمسلسلات مال الكهرباء حطنه على صدرها نرفعت ونركعت على السديه كررن الحاله اربع مرات باوعت الدكتوره هزت راسها بأسف طلعت وكالت
ـ للأسف خسرنه المريضه
الكل تحت الصدمه مو بس گلب رزان وكف بهاي الثانيه كلنه گلوبنه وكفت من سمعنه بالخبر....
ـ دكتوره رجع نبض المريضه دخلت تركض واحنه وراها بس عيونه تتحرك من الصدمه صارت هوسه بكل مكان
مهاب: الاسبرررر
باوعت للاسبر واگع بالگاع والدم ينزل من خشمه اجوي ممرضين شالو ونقلو بغرفه بعد مابيه حيل اوكف كعدت ارجف وادعي الله يكومهم بالسلامة خليتت راسي بين اديه
ـ يا رحمن يارحيم ارحم بحال اختي ياكريم يا الله ارحم بحال رزان يارب نزلت دموعي والغصه بصدري
تعبت واني ادعي ترحم حالها تعبت يااارب بجيت بقهر ساعه اني گلبي متفرفح مهاب راح هوه والاسبر ومارجعو وهاي الدكتوره دخلت وبعد ماطلعت كل ساعه ممرضه طالعه اجه مهاب كمت مسحت دموعي
ـ ها خويه شلون صار الاسبر
مسح وجه واردف بتعب
ـ صابته جلطه
ـ شنووو!!!
ـ صعد السكر و الضغط صابته جلطه خفيفه گلبه تعبان لازم يبقه تحت المراقبه هاي الساعتين
بقيت مفهيه من الصدمه
ـ دخيلك ياعلي ليكول العنة وصابت هذولي الاثنين ثنينهم گلوبهم ضعفت وبنفس الساعه
طلعت الدكتوره ذبت الكمامه
ـ كدرنه نسيطر على وضعها حالياً ولازم تبقه تحت العناية المركزة المدة 24 ساعه
مهاب: دكتوره يعني راح تعيش؟
ـ مامعلوم وبصراحه وضعها حرج يعني لازم تكون مستعد الكلشي ممكن يصير عندي كم موضوع ويا زوجها لازم يعرف بيهن
مهاب: زوجها لازمه عنايه هسه صابته جلطه
هزت راسها واردفت
ـ لا حول الله ياربي ماعندهم غير العافيه
عافتنه وراحت انفتح الباب اباوعلها وگلبي ينعصر من القهر كعدت كبال الغرفه التليفون ماسكت ولا لحظه شفته عمي حَمد جاوبته
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
