بارت الـ21
"في قوقعة الاسبر"
بقلمي: وهم
ــــــــــــــــــــــــــــــــــــــــــــــــــــ
عَدلة و عليج اليوم دَم صَبت العين
گليلي حالي شلون يوم التروحين .
ــــــــــــــــــــــــــــــــــــــــــــــــــــ
كلنه شفناها من حركت اصبعها وذبت هاي يلي تصير مثل القراصه من اصبعها الفرحه بهاي الثواني يلي صارت بالمكان مستحيل تجي مثلها فرحه ثانيه
الاسبر: تحررركت والله تحرركت كعد سحب ايدها رزان تسمعيني مو افتحي عيونج
ماكو حركه شال مهاب التليفون خابر حمزه
الاسبر مسح على راسها انتبهت الأيده ترجف بتسمت من بين دموعي اكو أمل تصحى من هاي الغيبوبه اكو أمل رزان ترجع النه وينتهي كل هذا التعب اندك الباب راح مهاب فتحه دخل حمزه وبيده الابكود ويا دكتوره سلمت علينه
طلعنه كلنه بقو بس همه بالغرفه امي تدعي واني افتر بالصاله ومهاب يدخن تقريباً نص ساعه وطلعو باوع النه حمزه وابتسم
حمزه: مابقه شي ورزان راح ترجع
مهاب: صدك تحجي يعني صارت زينه
حمزه: يلي اكتشفته الدكتوره حالياً رزان جاي تسمع الكلامنه وتتفاعل ويانه بس بعد يحتاجلها وقت كلش قليل
بقو يحجي ويا مهاب وطلعو كلامهم جان كلش زين رجعنه دخلنه يم رزان كعدت بصفها
جوان: واخيراً راح تصحى
الاسبر: بس كم يوم كم يوم وترجع النه
بيومها بقينه طول اليوم فرحانين وكاعدين يمها نسولف وياها ومصدكين انُ هيه جاي تسمعنه اندك الباب راح مهاب فتحه جان رائف بين فتره وفتره يجي يشوف رزان ويروح كناله تحركت وكيف
رائف: الله عليك صدك تحركت لو تضحكون عليَ
مهاب: والله تحركت متشوف الاسبر وجهه ورد
ضحك الاسبر وفرك وجهه
رائف: يعني شكالو شوكت تصحى
الاسبر: مانعرف بس اكو أمل بهاي الأيام
رائف: يالله الله يبشركم بخير
خطيه حتى ماعرف شنو يحجي تالي كام باس رزان من راسها سلم علينه وطلع شكد حنين اباوع على الهفته ولمعه عيونه على اخته وخوفه عليها لو جان عندي اخ هم يحزن على حزني؟ ويتعب بمرضي؟
تنهدت ونزلت راسي
ام وحيد: خابرتي اختها خطيه طمني گلبها
جوان: اي ذكرتيني هسه اخابرها
طلعت ادور على التليفون ماكو بغرفتي يمكن عفته بالمطبخ اني دخلت ومهاب طلع نضربنه ببعض
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
