بارت الـ32
"في قوقعة الاسبر"
الكاتبه: وهم
ـــــــــــــــــــــــــــــــــــــــــــــــــــــــ
نكبر وننسَى وگبرنه ومانسينه
ثاري حتى اهل المثل ضِحگو عَلينا
ـــــــــــــــــــــــــــــــــــــــــــــــــــــــ
جوان..
دخلنه للغرفه وكل ذره بجسمي ترجف خوف وقلق وخجل وكفت بنص الغرفه دخل وراي التفت آلة نزع الستره
مهاب: الملابس بالكنتور اذا تردين تغيرين
ـ تمام
رحت للكنتور طلعت الجنطه مطمئنه لأن اني حضرتها فتحتها ادور على البجامه الجبتها ماكو دورت مره ثانيه بالكنتور ماكو بس ثوب النوم
مهاب: شنو ادورين حياتي؟
ـ ها لا بس الملابس ماكو؟
ـ مو هاي بيدج
ـ لا مو هذني
اجه دور وياي باوع الثوب يلي بيدي
ـ بس لا تلبسين هذا؟
ـ ماعندي غيره
ـ استري علينا حتى استحي اشوفج بي
ـ مهاااااب
ـ هاي شبيج تسبحين لو اني اروح قبلج؟
ـ لا روح انتَ
اخذ ملابسه وراح كعدت ذبيت الرموش يالله الراحه مسحت المكياج فتحت الماشات وذبيت الطرحه ايدي تعبت اسحب بالماشات وميخلصن طلع من الحمام واجه ساعدني فتحلي التسريحه
ـ امداهن شمسويات بشعرج
ـ گطعنه والله
ـ متوازيه لو عايفته هيج مفتوح يخبل والله
ـ يلا هوه يوم بالعمر
كمت رفعت البدله
ـ هاي شلون راح تنزعيها؟
ـ افتحها الي اذا تكدر
وكف وراي وفتحها اجتي توكع بقيت لازمتها
ـ طالع اني شويه وارجع
تنهدت براحه من طلع بس عفتها طاحت بالكاع خذيت ملابسي ورحت بسرعه للحمام سبحت خلصت وطلعت لكيته بالغرفه شايل البدله من الكاع ويدور بالقنوات ويدندن باوعلي ودار وجهه عبالك شايف شي عادي واني جنت ميته خجل من يلي لابسته
ـ نعيماً
ـ ينعم عليك
وخرت المنشفه من شعري
ليش مانبهر بشكلي وملابسي ولا تفاجأ!
معقولة ميحبني؟
حتى كلمه حلوة ماسمعني نزيت من مد ايده اخذ المشط مني ومشط شعري
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
