بارت الـ11
"في قوقعة الاسبر"
بقلمي: وهم
ــــــــــــــــــــــــــــــــــــــــــــــــــ
ما جَاي انام وگلبي تعبَان
وزعلان احَس من كلشي زعلان
تطفه الشمُوع ودمعِي سهرَان
وميت احس والليل دفَان .
ــــــــــــــــــــــــــــــــــــــــــــــــــ
رزان: عمو ماكدر اكمل ويا الاسبر ولحل الوحيد الأنفصال
ثنينه فزينه على صوت الباب نرگع بقوه
الاسبر: رجاءً مشاكل بيناته ولا احد يدخل طبعاً اذا تكدر
صباح: انه ماتدخل بمشاكلكم رزان متريدك وماكدر اجبرها تبقه وياك
ـ انتَ مو والي أمرها
ـ وهيه مو عبد عندك شوكت متريد تجيبها وشوكت متريد ترجعها
ـ الله يخليك عوفنه لوحدنه
باوعلي وباوع للاسبر هز راسه
طلع وسد الباب
ايدي ضلت توجعني من كثر القلق افرك بيها وبيها الكانولا طلع دم
حسيت بحركته قريبه يمي راد يلزم أيدي سحبتها
ـ لشوكت راح نبقه هيج شوكت راح نفهم بعض شوكت نعيش حياه طبيبعه بدون هاي المشاكل
رفعتله راسي وحجيت
ـ من راح تبطل همجيه
رفع حواجبه وفتح عينه أشر على نفسه
ـ انا همجي!!
ـ يلي سويته شنو معنى غير الجهل والهمج
ـ ويلي سويتي شنو معنى غير الخ..
راد يكمل وسكت
ـ غير الخيانه مو صح تمام خاينه شتسوي بيه بعد!؟ رجعني لعمامي ليش رجعتني يمك؟
غمض عيونه بنفاذ صبر اجه سحبني من ايدي وكعدني على القنفه وهوه كعد بلگاع مقابيلي سحب ايدي
الاسبر: تخيلي وياي تحاربين نفسج بس لحتى ترضين الشخص يلي تحبي رزان اهواي غيرت من نفسي علمودج اهواي سويت اشياء حتى اكبر بعينج تنازلت عن اهواي اشياء وانا الممنون ليحب يتنازل عن كلشي بس بالمقابل يحصل الحُب من يلي جاي يظحي الخاطره ماشفت منج اهتمام ماشفت الحُب بكل مره تصديني تشوفين عدوج ولا تشوفيني وفوك كل هذا تروحين تخططين رزان تخططين ضدي وويامن ويا ابن عمي!!
شنو عبالج ماعرف بيلي تسوي لقائج ويا بنص اليل وكلامج ويا كتلج قبل وارجع اكولها النفس يلي تتنفسي انا اعرف بي ومع كل هذا باقيه مستمره بخططج سكتت وكلت ميخالف جاهله تكبر وتتعلم ميخالف جاهله جاهله بس لشوكت تبقين بهل عقليه لشوكت فهميني
رزان: ولشوكت تفهم اني مستحيل احبك ومستحيل اشوفك بنضري شخص زين انتَ وعائلتك حطمتو كل حياتنه اعترف خططتت ضدك بس برئيك ليش؟
شنو الدفعني هيج اسوي غير كرهي الك عن يا تغير جاي تحجي وعن يا تضحيه؟ ضحيت بأهلك؟
لو ضحيت بصحتك وبروحك؟
لو ضحيت بنفسك ومستقبلك؟
بشنو ضحيت حتى اشوفك شخص غير الاسبر المكار المخادع يلي بنضري حالياً
أنت تقرأ
في قوقعة الاسبر
Mystery / Thrillerمدري شصَاب گلبي ومادري شصَابه فقد شوگة وحنينه ولذة عتَابة بجيت بلا حِزن بجية عيون المَاي وضحكت بلا فرح ضحكة اللعابة
