Unicode [အပိုင်း-၈]
ကန်တော်ကြီးကပြန်လာတော့ ညနေစောင်းနေပြီဖြစ်သည်။အိမ်သို့ပြန်ရောက်သော် အဖွားကပြန်မရောက်သေး အိမ်တံခါးဖွင့်ဝင်လာပြီးအခန်းထဲသို့သာ တည့်တည့်မတ်မတ်နှစ်ယောက်သားဝင်လာခဲ့သည်။အခန်းထဲသို့ရောက်သော်မှိတ်ထားသောမီးများကိုမဖွင့်ပဲ ဝေါလန့်ပ် (Wall lamp)ကိုသာဖွင့်ထားသဖြင့် လိမ္မော်ရောင်အခန်းလေးလိုဖြစ်နေသည်။သော်တာမဏိဝေမှာတော့ ရေချိုးခန်းထဲဝင်ကာ အကျီလဲ၍ပြန်ထွက်လာသည်။ထို့နောက် သက်နှင်းဝဒီလည်း ရေချိုးခန်းထဲဝင်ကာ
ညအိပ်အကျီ ပန်းရောင်လေးဖြင့်ပြန်၍ထွက်လာသည်။ထွက်လာတော့ သော်တာမဏိဝေသည် အိပ်ယာပေါ်တွင် လက်ပ့်တော့ပ်(Laptop)ကိုပေါင်ပေါ်တင်ထား၍ ကီးဘုတ် (keyboard)ပေါ်၌ လက်ချောင်းလေးတွေမှာရွေ့လျားနေသည်။
"ဟဲ့ ဘာလုပ်နေတာလည်း.."
သက်နှင်းဘက် လက်ပ်တော့ပ်လေးအားလှည့်ပြ၍..
"ဒီမှာကြည့် ငါဒါလေးလိုချင်နေတာ"
သူပြသည်မှာ ကျူးလစ်ပန်းအစစ်ဖြစ်သည်။
"ဘာလုပ်ဖို့တုန်းဟ"
"ဟမ်..မသိဘူး လှလို့"
"ဒါတွေလည်းကြိုက်တာပဲလား အမကြီးက"
"ဟာ..လှလို့ပါဆိုနေ ဒါပေမယ့် တစ်ပွင့်ကို တစ်သောင်းတောင်ဟ"
"ပို့ခပါတာထင်တယ် တကယ်ဆို ငါ့အထင် ခြောက်ထောင်လောက်ပါပဲ"
"ရှားတာဆိုတော့ဖြစ်နိုင်ပါတယ် ပို့ခမပါဘူးတဲ့"
"နင်ဘာလုပ်ဖို့လိုချင်တာလည်း"
"ကျူးလစ်ရဲ့အဓိပ္ပါယ်ကလေးနက်သောချစ်ခြင်းတဲ့"
"အဲ့ချစ်ခြင်းကဘာသုံးစားလို့ရမှာ"
"နင်ကရနေတာကိုဟ ငါကလေ အိမ်ထောင်မကျရဲဘူး"
သော်တာအဲ့လိုပြောတော့ သက်နှင်းထရယ်သည်။
"နင်ရယ်..ဘာဖြစ်လို့တုန်းဟ"
"ငါ့မိဘတွေလိုမဖြစ်ချင်လို့ဟ"
