Unicode [အပိုင်း-၂၆]
"ဟဲ့ သော်တာ ညစာစားပွဲနင်လာမှာလား"
"ငါမအားလောက်ဘူးဟ မလာနိုင်လောက်တော့ဘူး ဒီနှစ်တော့သူငယ်ချင်းရယ်ခွင့်လွှတ်ပါ"
"အမလေးရပါတယ် ဒါဆိုငါသွားပြီနော် ဝဒီငါသွားပြီနော်"
"အေး တာ့တာ"
နှုတ်ဆက်ကာ ကားပေါ်တက်သွားသည်၊သော်တာနှင့်သက်နှင်းကတော့ အိမ်တံခါးဝ၌ရပ်ကာ နှုတ်ဆက်ပြီး အိမ်ထဲပြန်ဝင်လာလိုက်သည်။သက်နှင်းလက်ထဲမှဖုန်းအသံမြည်လာတော့ သက်နှင်းက ခဏဆိုပြီးအပြင်ဘက်ထွက်သွားသည်။အခါတိုင်းဆိုလျှင် ထိုသို့လုပ်လေ့လုပ်ထမရှိ သက်နှင်းနှင့်သူ့အကြား ဘာလျှို့ဝှက်ချက်မှမရှိ အခုတစ်လောသက်နှင်းမှာ လျှို့ဝှက်တာတွေများလာသည်၊အထူးသဖြင့် ဖုန်းနှင့်ပတ်သတ်လျှင်။
"ဘယ်သူဆက်တာလည်း"
"အင်း အော်ဟို အိမ်ဘေးကအမကြီးပါ"
"ဟုတ်လား လာလာ အိမ်ထဲဝင်တော့အေးတယ်"
______
သူတို့နှစ်ယောက်စလုံးမျှော်လင့်နေကြတဲ့ ခရစ်စမတ်ညလေးရောက်ရှိလိုလာသည်၊သော်တာကတော့ အပျော်အနေဖြင့်သစ်ပင်လေးတစ်ပင်ဝယ်ကာ အလှမီးလုံးတွေချိတ်လျက်၊သက်နှင်းကတော့ စားဖို့ဟင်းလျာအနည်းငယ်ပြင်ဆင်နေသည်။
"မွှေးနေတာပဲ..ဘာတွေချက်နေတာလည်း"
"ငါလားမချက်ပါဘူး ကင်နေတာ နင့်အကြိုက်ဝက်ဂုတ်သားတွေလေ"
"ဟုတ်လား ယေး.."
ခါးကျနအလွယ်တကူလေးပင်ကောက်မ လိုက်ချိန်
"ဟဲ့ဟဲ့ ငါ့ပြန်ချဦး"
သော်တာရဲ့လက်ကိုရိုက်ပုတ်ချသည်။
"အရှေ့မှာစောင့်နေငါလာမယ်.."
သော်တာအရှေ့ကိုရောက်သွားတော့ သူကအကင်ပန်းကန်၂ချပ်နှင့်အတူအရှေ့ရောက်လာသည်။သက်နှင်းကပန်းကန်တွေကိုချပြီးဖုန်းလာတာကြောင့် ဖုန်းကိုအပြေးကိုင်ကာ အိမ်ရှေ့သို့ထွက်သွားသည်၊ခဏကြာတော့မှပြန်ဝင်လာသည်၊သူဝင်လာတော့ လက်မှာအထုပ်ကြီးနှင့်လက်ဆောင်ပုံစံမျိုးဖြစ်သည်။
