Why Don't WE?✔

Part-34

ဖြည်းညင်းစွာစီးဆင်းနေတဲ့ရေစက်လေးတွေနှင့် ပူနွေးတဲ့မျက်ရည်တွေသည်လည်း အတူမျှောပါလျက်ပင်။
ဘယ်လောက်ပဲစိတ်ကိုတင်းထားပါစေအုံး သိပ်ချစ်ရသောအမျိုးသားရဲ့နှုတ်​ကနေ ဒီလိုရင့်သီးလှတဲ့စကားလုံးတွေကို သူဘယ်လိုအင်အားနှင့်တောင့်နိုင်ခံရမည်နည်း။

Kim Taehyungကိုသူမေတ္တာမထားနိုင်ပေမယ့် ဒီလိုမျိုးအထိတော့ဖြစ်စေချင်တဲ့ဆန္ဒသူ့မှာလုံးဝမရှိခဲ့ဘူး။
အချစ်ပြိုင်ဖက်ကပြိုင်ဖက်ပဲ။ တစ်ဖက်သားကိုသေစေနိုင်လောက်တာမျိုးတော့ သူ့မှာဒီလောက်ထိအောက်တန်းကျတဲ့စိတ်ဓာတ်မရှိဘူး။

အဲဒီကောင်...။တရားခံကဘယ်သူလဲ။
သူ့ကိုတစ်ချိန်လုံးလိုက်နှောက်ယှက်နေတဲ့ကောင်ကဘယ်သူများဖြစ်နေမလဲ။
ဘာအတွက်နဲ့များသူ့ကိုဒုက္ခပေးနေရတာလဲ။
စုံစမ်းရမယ်..။မရရတဲ့နည်းနဲ့ ဒီကောင့်ကိုဖော်ထုတ်ရမယ်။

အတွေးပေါင်းများစွာဖြင့် တစ်ညလုံးအိပ်မပျော်နိုင်ခဲ့။မိုးလင်းခါနီးမှသာမှေးခနဲအိပ်ပျော်သွားတာကြောင့် သူနိုးလာတဲ့အချိန်မှာ မနက်8နာရီပင်ရှိလေပြီ။
JungKookအမြန်ပင်ကုန်းထလိုက်ပြီး ပတ်ဝန်းကျင်ကိုအကဲခတ်လိုက်တော့ အတွေ့ချင်ရဆုံးမျက်နှာလေးကိုမတွေ့ရတာမို့ လူကချောက်နက်ကြီးထဲပြုတ်ကျသွားသလိုခံစားလိုက်ရသည်။

ခုတင်ပေါ်ငူငူငိုင်ငိုင်ကြီးထိုင်ချလိုက်ပြီး မျက်ရည်တွေကအဆက်မပြတ်ကျလာပြန်သည်။
ဒီလူနဲ့မှလည်းသူဟာအရာရာတွင်ပျော့ညံ့တဲ့လူတစ်ယောက်ဖြစ်နေသည်။
တစ်ခြားလူတွေသူ့ကိုဘယ်လောက်ပြောပြော ဘယ်လိုပဲဆက်ဆံနေပါစေ သူဂရုစိုက်ဘူး။
အချိန်လည်းမပေးနိုင်ဘူး။
ဒါပေမယ့် Kim Seok Jin...။ထိုသူကတော့ ချွင်းချက်တစ်ခုသာ။

Kim Seok Jinဟာသူ့ဘဝရဲ့အရာအားလုံးကိုချုပ်ကိုင်ပြောင်းလဲပစ်နိုင်စွမ်းရှိတဲ့လူတစ်ယောက်ဖြစ်နေခဲ့သည်။
အရင်ဘဝမှာရော..အခုဘဝမှာပါ သူဟာKim Seok Jinမှ Kim Seok Jinသာဖြစ်နေသည်။
အဲဒီအမျိုးသားကိုသာလက်လွတ်ရလျှင်ဖြင့် တကယ်ပဲသူသေသွားနိုင်သည်။မဟုတ်ဘူး သေကိုသေမှာ။

အရင်ကတော့ သူကသာသူ့ဘဝရဲ့ကိုးကွယ်ရာ..။သူကသာရှင်ဘုရင်။
အခုတော့ Kim Seok Jinရဲ့ခြေတော်အောက်မှာခစားနေရတဲ့လူက သူဖြစ်နေခဲ့လေပြီ။