ဝတ်ထားတဲ့အဖြူရောင်အင်္ကျီလေးမှာသွေးစတွေသည်အနှံ့အပြားပေကျံနေပြီး အိမ်ထဲသို့တွေတွေကြီးဝင်လာတဲ့Seok Jinကြောင့် မာမီကအလန့်တကြားဖြင့်သူ့အနားရောက်လာသည်။
"သား!! ဆော့လေး..ဘာဖြစ်လာတာလဲ..
ဟင်..မင်း..ဒါသွေးတွေမဟုတ်လား.."
"..."
"သား..မာမီ့ကိုပြောစမ်း..
မင်းဘာတွေဖြစ်ခဲ့တာလဲ.. ထယ်ယောင်းဂီးနဲ့သွားတွေ့လာတာမဟုတ်ဘူးလား"
"..."
"ဂင်မ်ဆော့ဂျင်!! မာမီမေးနေတယ်လေ!!"
စိတ်နဲ့လူနဲ့မကပ်သလို မျက်ဝန်းတွေသည်ခံစားချက်တွေကင်းမဲ့နေပြီး သူမမေးတဲ့မေးခွန်းတွေကိုမဖြေတာကြောင့်စိုးရိမ်စိတ်တွေကတစစမြင့်တက်လာသည်။
သူမသားကိုယခုလိုပုံစံမျိုးနဲ့တစ်ခါမှမြင်ဖူးခဲ့တာမဟုတ်။
အမြဲတမ်းသွက်သွက်လက်လက်နေတတ်တဲ့ကလေးက ဒီလိုမျိုးရုတ်တရက်ကြီးဆိတ်ငြိမ်သွားတော့ သူမရင်ထဲပူလောင်လာရသည်။
"ပြီး..သွား..ပြီ..
အရာအားလုံးက..ပြီး..ဆုံး..သွား..ပြီ"
စကားတစ်ခွန်းချင်းစီတိုင်းကို လေးလေးပင်ပင်ပြောနေတဲ့သူ့ကိုမာမီက ထူးဆန်းစွာကြည့်နေသလို
ဧည့်ခန်းထဲ TVထိုင်ကြည့်နေတဲ့ဒယ်ဒီက TVမှတက်လာတဲ့သတင်းကြောင့် များစွာအံ့သြသွား၏။
"ဂင်မ်ထယ်ယောင်းဆုံးပြီ.."
"ဘယ်လို!!"
အလွန်အမင်းငိုထားရတာကြောင့် ကျိန်းစပ်နီရဲနေတဲ့မျက်ဝန်းတွေဖြင့် TVရှိရာဘက် Seok Jinနာနာကျင်ကျင်လှည့်ကြည့်လိုက်သည်။
တောင်ကိုရီးယားရဲ့ ထိပ်တန်းစီးပွားလုပ်ငန်းရှင်တစ်ယောက်ဖြစ်ပြီး အနုပညာရှင်တွေထက်တောင်နာမည်ကြီးသူမို့ ချက်ချင်းသတင်းထဲပါလာတာတော့သိပ်အံ့သြစရာမရှိ။
ဒါပေမယ့် ဒီသတင်းကိုသူ့နားနဲ့ကြားရပြန်တော့ လူကတုန်ယင်လာသည်။
မာမီကတော့ ထင်တာထက်ပို၍အံ့သြသွားပုံရကာ ဘာစကားမှမပြောနိုင်ပဲစွံ့အနေသည်။
ဒယ်ဒီကတော့ ပုံမှန်ထက်တည်တင်းနေတဲ့မျက်နှာဖြင့်သူရှိရာဘက်သို့လှည့်ကြည့်လာကာ..
"ဒီကိစ္စကိုငါ့ကိုပွင့်ပွင့်လင်းလင်းပြောစမ်းဆော့ဂျင်..
ထယ်ယောင်းသေဆုံးတဲ့အမှုမှာမင်းပါ ပါဝင်ပက်သက်နေတယ်မဟုတ်လား!"
YOU ARE READING
Why Don't WE?✔
Fantasía#Part-1 က Wattpad errorကြောင့် ကျန်တဲ့အပိုင်းတွေကြားထဲရောက်နေတာမို့ Part-1 ကိုအရင်ရှာဖတ်ကြပါနော်။
