"ကျွန်တော့်ရဲ့ကျန်းမာရေးအခြေအနေကြောင့် Kim Groupရဲ့CEOကရာထူးကနေအနားယူတော့မှာဖြစ်တဲ့အတွက် လစ်လပ်နေမယ့်CEOရာထူးကိုအစားထိုးတာဝန်ယူသွားမယ့်သူကတော့ ကျွန်တော့်ရဲ့တစ်ဦးတည်းသောသားဖြစ်သူပါ..
လူကြီးမင်းတို့အနေနဲ့ ကျွန်တော့်ရဲ့သားကို အဖက်ဖက်ကနေ ကူညီပံ့ပိုးပေးကြလိမ့်မယ်လို့ ကျွန်တော့်အနေနဲ့မျှော်လင့်မိပါတယ်"
အစည်းအဝေးခန်းထဲ၌ meetingထိုင်နေကြသော ရှယ်ယာရှင်များရဲ့ သိပ်အလိုမကျတဲ့မျက်နှာတွေကြောင့် ဒယ်ဒီက ပညာသားပါပါနဲ့တစ်ဖက်လှည့်ပြောလိုက်ခြင်းဖြစ်သည်။
စားပွဲရှည်ကြီးရဲ့ ညာဘက်ထိပ်ထောင့်မှာခြေချိတ်ထိုင်နေတဲ့ Seok Jinက ဤအနေအထားအား ဂရုမစိုက်သည့်ဟန်ဖြင့် ထရပ်လိုက်ကာ...
"Kim Seok Jinပါ..
ကျွန်တော်ကတော့ အပြောထက် လက်တွေ့နဲ့သက်သေပြရတာကို ပိုသဘောကျတဲ့သူမို့ ထွေထွေထူးထူးသိပ်မပြောတော့ဘူး..အဆင်ပြေတယ်ဟုတ်?"
"..."
ထိုအခါ ရှယ်ယာရှင်များရဲ့မျက်နှာထားတွေကအနည်းငယ်တည်တင်းသွားကြတာမို့ Seok Jin စိတ်ပျက်စွာကြည့်လိုက်သည်။
သူ့မျက်လုံးထဲမှာတော့ အကုန်လုံးဟာရေပေါ်ဆီတွေသာသာပင်။
ပါးစောင်ကိုလျှာနဲ့ထိုးရင်း မဲ့ပြုံး,ပြုံးလိုက်ကာ စားပွဲပေါ်၌လက်နှစ်ဖက်ကိုထောက်ချလိုက်သည်။
"အဟွန်း..ကျွန်တော့်လက်ထက်မှာတော့ ခင်ဗျားတို့ပိုပင်ပန်းရလိမ့်မယ်ထင်တယ်..
ကျွန်တော့်ရဲ့ခံယူချက်ကတော့ မျက်လုံးတစ်လုံးအတွက်မျက်လုံးတစ်လုံးပဲ...
ဒီကုမ္ပဏီမှာ လစာယူပြီး ယူတဲ့လစာနဲ့တန်အောင်တော့အလုပ်လုပ်ပေးရလိမ့်မယ်
ခင်ဗျားတို့ဘာပဲလုပ်လုပ် ကျွန်တော်က အကုန်စောင့်ကြည့်နေမှာဆိုတာကိုတော့ ခေါင်းထဲထည့်ထားလိုက်"
Meetingထိုင်နေကြတဲ့ လူအများသည်သိမ့်ခနဲဖြစ်သွားကြကာ အခန်းထဲ၌ အပ်ကျသံတောင်ကြားနိုင်လောက်သည့် အေးစက်တဲ့လေထုကကြီးစိုးလာ၏။
ဖခင်ဖြစ်သူရဲ့သွေးအပြည့်ပါသူမို့ နည်းနည်းလေးတောင်မှတုန်လှုပ်သွားခြင်းမရှိပဲ ပြောဆိုကိုင်တွယ်သွားပုံက ထက်မြက်မှုအရှိန်အဝါအပြည့်။
သေချာတာတစ်ခုကတော့ ဒီကောင်လေးသည် CEO Kimထက်ပင် ပို၍သွေးအေးပြီး ရက်စက်တတ်သူဖြစ်ကြောင်းကို ဤအခန်းထဲကလူအားလုံးရိပ်စားမိလိုက်ပြီဖြစ်သည်။
YOU ARE READING
Why Don't WE?✔
Fantasía#Part-1 က Wattpad errorကြောင့် ကျန်တဲ့အပိုင်းတွေကြားထဲရောက်နေတာမို့ Part-1 ကိုအရင်ရှာဖတ်ကြပါနော်။
