أنتي ضـي القَمـر لو صَـار بينـا مَسَـافَـات

البارت 32

اللهم صل وسلم على نبينا محمد 🤍.
لايـك فضـلاً وليسَ أمراً
              ______________________
ديـم "

حاسه بفقدان الريم تعودت تصحى وتروح عندها يتسلو مع بعض على الأقل هي الوحيده الي ترتاح معها وهي الي تفهمها وتواسيها زعلت حيل على الي صار فيها ماتعتبرها بنت عم وصديقه لا تعتبرها اخت وروحها
دخلت نوف عليها وهي تسلم وتسألها عن الريم : ماتعرفين الريم وين ؟
مثلت ديم أنها حزينه وبدت أتدمع : مدري وينهي ولله قلبي راح يتقطع عليها
نوف تحس ماصدقت : اها
ديم : ايي والأفضل أنها أختفت
عَقدت حواجبها نوف : ليش ؟
ديم : ولا كان صدق الحين زعلت منك !! وتخالفتن وأخذت فكره غلط ، أصلاً ليه غلط !! هذا الي ودك ياه أنتي أخذتيه ارتاحي وأشبعي فيه
صرخت عليها نوف : انتي وش بلااك احترمي نفسك مفهوم
قامت لها ديم وهي تعلي صوتها أكثر منها : انتي الي احترمي نفسك ولا تنسي حالك بعتي الصداقه عشان واحد ، هو لو يحبك او يفكر فيك كان جاك
على دخله ام ماجد قامت تصرخ عليها : وش الكلام الي تقوليه انتي !!! جد ماربيتك صح !!
حاولت تحكي ديم : يا يمهـ ..
ام ماجد : أسكتي بس ولا كلمه تفهمين ولا لا !! يلا برا ماودي اشوف وجهك النحس من يوم جيتي وأنتي نحس علينا حسبي الله بس
أنجرحت كثير من أمها وراحت وهي تبكي شافت ابوها بالطريق وعرف أنها أخذت كلام يكسر الخاطر كالعاده حضنت أبوها وهي ساكته وهو ساكت بس بعد دقايق قالت : يبى تكفى بطلبك طلب
رد عليها ابو ماجد بحنيه : قولي ينضر عيني
رفعت راسها له ديم : ودي اكمل دراستي بالمدينه ..
____________
ريــم ، بَــدر  "

سوت الشاي وجت بدأ يطلع فطاير ريحتهن تشهي حيل وبدو يفطرو دام الصمت الدقايق بس تكلم البدر : ايه
ناظرته بعلامه وش رد عليها : وش راح تسوين دامك لحالك هني ، لو رجعتي ماراح تعيشين ولو ضليتي ودك تشوفي نفسك وش حابه ؟
مافهمت كثير عليه بس ردت الريم : ما ادري ، ماني عارفه أحس ضايعه
البدر ترك كاسه الشاي على الطاوله وتكلم بجديه وعيونه مليانه حب وصَدق : أنا قلت لك قبل كذا معجب فيك وكنت صادق بذيك اللحظه وانا صادق بكل كلمه قلتها وارجع اقولها لك أنا معجب فيك حيل صدق بديت أحبك
ردت عليه بمنطقيه الريم : بس انت ماتعرفني أو تعرف شي عني ؟ شلون حبيتني
البدر : الحب مايعرف كيف وشلون الحب يجي فجأه كذا حصل معاي
___

              ______________________
البدر : حبيتك من أول نظره ، من أول ماجيت على الديره حبيتك حتى ههه حبيت الديره وانا معروف عني ما أطيق البر وعلومه
تأثرت بكلامه بس حَست أنها ضايعه وتذكرت أنه السبب بكل الي صار لو أنه ماجا بذاك الوقت ما كان صار شي بس يوم صار كل هذا قلب حياتها صح شافتهم على الحقيقه بس معميه عنها : ما ادري ، ماودي افكر الحين بشي ودي اشوف حياتي اولاً وأشوف بعدين
سكت البدر وهو مو عارف وش يرد ماوده يغصبها على شي ..
__________
نروح لنَجمـه "

كانت خلال هاليومين كانت تفكر باللي قاله طلال
" اووف ماتوقعته كذا ولله أنك خبيث يحيوان !! بس خايفه صدق يعلم وش اسوي يا رب " شافته يرسل لها مسكت تلفونها تشوف وش مرسل " ها وش قلتي ؟ انتي الي تحددي مصيرك بكلمتين آيه او لا "
ردت عليه " انطم عاد ماتوقعتك كذا "
رد عليها " أنتي الي وصلتي لنفسك كل هالمواصيل "
انقهرت من رده " ماني معطيتك "
رد عليها ببرود " اوك تحملي على الي يجيك "
ردت عليه بخوف " وش راح تسوي ؟ "
شاف الرساله وطنشها وهذا الي زاد توترها شوي ورجعت ترسل " رد ليه اتشوف وتطنش ؟ "
ماحصلت رد بس قررت ...