أنتي ضـي القَمـر لو صَـار بينـا مَسَـافَـات

البارت 9

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
عند الـريـم الي جالسه بوسط أهلها وهي تشوفهم
يسولفو وجت سَمره وحطت الشاي وجنبه بسكوت
بسمسم وكانت الأجواء رايقه بما أن فصل الشتا دخل
كانو قاعدين بالحوش والقعده البسيطه مع أن ابوهم
شيخ والكل يحترمهم بس مهما كان البسط والكرم
عنوانهم
كانت اتحاشى النظر لأخوها بسبب فعلته الي سواه
حَس بأن صدق أنه غلط قام نادى الـريـم بس هي ماردت
عليه وقام أخذ يدها وراحو بعيد شوي عنهم وقال
مسفر وهو ندمان : معليش يالريم أنا آسف عـ الي
سويته
الـريـم مطنشه مو تكبر ولا غرور بس هذا طبيعتها مع
أنها تقول بداخلها مسامحتك بس مانَطقته وقال :
يالريم ردي
تنهدت وهي تقول : معليك بس أضن قبل ما تعتذر لي
روح أعتذر من سَمره الي واضح صدق أنها تحبها
مسكت أيده وهي تقول بجديه : ولله سَمره ماتستاهل
الي صار لها وهي بعد مجبوره بس بعدين تقبلت أمر
الواقع وحبتك
كَشر مسفر من تذكر الي صار له يوم أهله خطبو له بنت
ماكان وده ياها لأنه كان يحب وحده بس بما أنها بنت
عمه لازم يأخذها وهذا هي العادات عندهم البنت
ماتتزوج الا ولد عمها وهذا الي صار مع سَمره ومسفر
بس كان مسفر مو متقبل الموضوع ماحد كان يدري
بالحَسره الي بقلبه ويوم قال لأبوه رفض لأن البنت من
قبيله ثانيه ناظر عيون أخته وكان عيونه فيها حَزن :
ولله يالريم مدري شقول بس شعوري أقوى من كل شي
ماني متقبل الموضوع ولا قادر أتقبلها كونها زوجتي
بعدها قال : خلاص سكري الموضوع وراح عنها وهي
حزنت على حاله بس سَمره من حقها تعيش مثل باقي
الحريم المتزوجات زوجها يقدرها ويهتم فيها مو يذلها
ويهينها
قامت أخذت نفسها وتتطلع برا البيت ودها تروح لناقتها
الهنوف لأن تحس براحه معها تقعد تفضفض وتبكي كل
ما يصير معها شي
____________________
عند جَراح الي تلقى مكالمه من البَـدر بأنهم راح يمشو العَصر عـ الديره أخذ يجهز نفسه ويأخذ شماغه ويلفه عـ راسه وختمها بعطر المسك اخذ مفاتيحه وطلع للسياره
_ ناخذ لمحه عن جَراح _
جَراح : عنده 25 سنه صديق طفوله البَـدر وخويه وكَاتم أسراره طويل وكان وسسيم شعره طويل شوي وحواجبه كثيفه عيونه ناعسه رموشه كثيفه له شوارب بس محددهن وطالعع خقه لون عيونه عسلي فاتح
بس ماعنده أهل يتيم -
وصل للبَـدر الي حط أغراضه ورا وطلع وهو يتحلطم وكان جَراح يعرف السالفه

___________

'
ركب معه وهو يتحلطم وكان جَراح يعرف السالفه كان
فاطس ضحك : يولد شفيك حسستني أنك هاج من
زوجتك الي مقرفه حياتك
أطلق ضحكه ساخره : مايضحك
جَراح وهو يبتسم : يرجال ولله وها - مسك عـ شواربه -
ومن هذي صدقني راح تعشق ابو البر وأهله بعد
رفع حاجبه بأستنكار : والاخ مصدق أسكت بس
وراح شغل اغاني وهو يدندن معها

- بعد ساعه وهم بالطريق -
وصلو للديره وكان الليل ضب ( بمعنى حَل الليل )
وماهي واضحه شلون شكل الديره الي كان الوضع
بالنسبه لـ البَـدر مملل أخذو أغراضهم ودخلوا البيت الي
كان فله بس صغيره وكانت فخمه جداً
تكلم البَـدر وهو طالع عـ الدرج : يلا تصبح عـ خير بنام
جَراح : ماودك تسهر
عيا البَـدر وراح نام وجَراح بعد نام
________________________

الصـباح ..

قام عـ صوت أزعاج برا
تنهد بأنزعاج واضح قام من النوم وهو يطلع للشرفه وهو
يناظر وحَس كنه حلم بس تذكر وهو يفرك عيونه بأنها
الديره مو المدينه اخذ يناظر كان كل شي واضح له
ناس تمشي وتروح وناس تسرح بالغنم والأبل تأفف
بأنزعاج وهو يتكي عـ الشرفه ووده ينهار مفقوع من
الي قاعد يصير بس رفع راسه ولمح بنت تمشي عجن
وجهه يوم يشوفها ماسكه ناقتها وتمشي ومزينه ناقتها
بـ شريطه حلوه لونها أحمر أبتسم بسخريه عليها ورجع
للداخل عشان ياخذ شور سريع بعد ربع ساعه طلع
ونشف شعره وأخذ له بلوزه حلوه ما أهتم أنه يكشخ
لبس ساعته وأخذ كاميرته وشنطته ونزل كان جَراح
مجهز الفطور بما أنه كان عايش لوحده تعلم يطبخ
ومافيها عيبه بعدها نزل يفطر : صباح الخير
جَراح بضحك وبصوت رومانسي : صبااح الوورد يورد
أنتا  ' كمل بهبل ' كيف النومه يروحي
ضحك على هبل خويه وقال وهو يرتشف الشاي : الوضع
هنا غريب ياخي وش الازعاج هذا
تكلم جَراح : ابد يخوك هذا طبع الديره وهذي عادتهم
تمغط بملل وهو يقول جَراح : قم بس بدون كَسل عشان
بنروح نشوف شغلك الجديد يالحبيب
وهو يتكلم بصرامه الي ضحك عليه البَـدر ..