أنتي ضـي القَمـر لو صَـار بينـا مَسَـافَـات

البارت 31

اللهم صل وسلم على نبينا محمد 🤍.
لايـك فضـلاً وليسَ أمراً
              ______________________
" بالغرفه "

كان معصب ولا قدر يهدي نفسه لقاها داخله عليه ومعها عصير ليمون سوته بأيدها ماحَس بنفسه الا وهو رايح لها وحضنها فجأه الي انخرعت ماعرف وش تسوي وأول مره يحضنها كذا !! من سبع سنوات وهو يعاملها بجفا مو زي أي زوج وزوجه الي بينهم حب وغلا وموده ورأفه أبتسمت بداخلها حاولت تحضنه بس ماقدرت حَسته بعد فجأه : معليش بالغلط
بالغلط !! طيب انا زوجتك وش الي بالغلط !! لأيش كل هالرسميه
كان بيمشي من شده أحراجه بس سمع كلامها الي أول مره تتجرأ وتسأله عن تعامله معها كذا : أنت ليش كذا تعاملني !! كنك مو زوجي ولا انا زوجتك
مسفر بهدوء : ولا راح أعتبرك زوجتي بأي يوم
كَسر خاطرها لألف مره بس ردت عليه بنفس هدوءه : طيب ليش ، أيش غلطتي معاك !!
مسفر لف عليها وهو يبتسم : أبد مافي سبب بس كذا
أصرت سَمره تعرف : قولي يا مسفر و لله أني تعبت من تصرفك وتعاملك كني ولا شي !
مسفر وهو يستفزها : توك تتدرين أن مالك قيمه ؟!
شاف صدمتها من كلامه الي كان جارح جداً بس بعدها تلاشت معالم الصدمه والدهشه من كلمته نزلت راسها ومشت تروح تشوف بناتها
حَس أنه سوا شي غلط بس ما أهتم راح للدولاب حقه الي مانعها تقرب له أصلاً وفتح صندوق فيه صوره لبنت صار يتلمس الصوره وهو مشتاق لها حيل
______________
ثاني يوم ...

صَحت بدري وهي تناظر الساعه كانت 9 الصبح قامت من السرير وهي تشوف المكان الجديد الي هي فيه أبتسمت من المنظر لأن كانت الاطلاله جميله فتحت الشباك وهي تشوف الحديقه روووعه فعلياً لمحت بدر جاي سكرت الشباك بسرعه وراحت تغسل وجهها وترتب نفسها
سمعت صوت رنه الجرس لبست بسرعه مع نقابها وراحت سريع تشوف مين : أنا البدر افتحي
فتحت له وهو يلقي عليها السلام ورفع اكياس معها : ههه جبت فطور يلا جهزي الشاي
ردت عليه بجفى : وانت ودك تفطر معاي !
ابتسم بدر : ايه فيه مانع ؟
ماردت عليه وهي تروح تسوي شاي
أخذ يقلب بالجوال على بال ما تجي
__
صحى من النوم وهو يشوف مكانها خالي حَس بضيق شوي بس نسى كل شي وقام يغسل وجهه وطلع يفطر مع أهله
شاف أبوه قاعد راح يبوس راسه وأمه : صبحكم الله بالخير
رد عليه أبوه : من وين يجينا الخير وأختك هربت الله وأعلم مع مين وكيف !!
تضايق أبوه حيل من تصرف بنته عكس ام مسفر شافها ولدها أنها رايقه ولا هي متأثره حيل بأختفاء بنتها : اقول يمه
رفعت انظارها لها : هلا يمه
مسفر وهو يغمس قطعه خبز بالزعتر : وش فيك هاديه منتي زعلانه على أختفاء ريم
رفع حاجبه أبو مسفر وهو يناظر أم مسفر توترت بس حاولت تخفي : وش ودك مني اسوي !! اقعد ابكي قدامك وأصرخ !
مسفر : مدري عنك يمه
ام مسفر : اقول يولد وش تقصد بكلامك !!
سكت مسفر وهو يشوف جيه سَمره من بعد الي صار البارح ماردت عليه ولا جته حَس بتجاهلها له بس سكت مو حاب يزود أكثر
____________
عند زياد الي كان متأثر بسبب أختفاء الريم حاول يدور على خيط واحد الي يدله على مكان الريم بس ابد مالقى حالته تغيرت كثير صار الحقد بقلبه للكل والأكثر لنوف توعد لها بأسوء العذاب !! راح يخليها تكره من بعد ماكانت تحبه !
زياد : ااااخ بس لو ما طلع ذا بوجهي كان ملكت عليها وتزوجنا براحه وعشنا بسلام بس ولله أني ما أتركك
تذكر البدر !! صدق ! وينه ؟ ماحس له وجود بالديره فز بسرعه معقوله هربت معه !! مستحيل مستحيل !!