بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
نرجع للعاشق طلال ..
الي كان يتكلم مع حبيبته : تتدرين بأن قريب بجي
المدينه
حبيبته : جدد ولله تنورر يروحي وأخيراً
ضحك طلال : أن شآء الله قولي يارب
حبيبته : اممم
طلال بصدق : وأن شاء الله بس تزين أوضاعي بجي
أخطبك
توترت البنت وهي تقول بتلعثم : اء صد..ق !
طلال مبسوووط : اييي وش فيك ما انبستطي ؟
وهي تحاول ترقع الموضوع : شددعوه يروحي ولله
طرت من الفرح ، ايي أقول عيوني بسكر باي
أستغرب منها يوم سكرت بوجهه وهو ماتكلم لسه بس
حس أنه مبسوط لأن راح يحاول ويبذل جهده بأنه راح
يجي المدينه ويخطبها ويكمل جامعه
__________
« ديم »
الي كانت واقفه بعيد شوي عنهم وتناظر المزيون بعيونها
الرماديه الساحره من تحت برقعها الي بس يظهر عيونها
وماسكه جوالها عشان تصوره بدون ماحد ينتبه أخذت
لقطه وهي تضحك بس ماحست الا بحد وراها يلمس
كتفها ومن الخرعه قامت صرخت لدرجه أنتبه لها الرجال : يمهههههههههه
حطت يدها عـ فمها : وجع أسكتي !
ضحكت الـريـم : أنا الـريـم يبنت ، شفيك ' غمزت لها '
تلبكت ديم وهي تعدل نقابها : ابد مافي شي
دزتها من كتفها وديم قامت تضحك من الخجل وتغير
الموضوع : اشوفك هنا وش تسوي
الـريـم بطفش : ابد ودي اروح للهنوف اشتقت لها
ومشت قدامها والديم تلحقها وقاعدين يسولفو
-
كانت أنظار البَـدر عليهم مستغرب أن فيه بنت موجوده
هنا
ناظر لجَراح وهو سحب عليه راح يكمل شغله وقعد
البَـدر يناظر عليهن مايدري ليه
-
نروح لـ نَجمه الي جالسه بملل وهي تطقطق بجوالها
دقايق ورنت على لَمَا ثواني وردت : الوو
بصوت ناعم ردت نَجمه : لبيه
لَمَا بضحكه : يووه فديت الرايق
نَجمه بملل : وأنتي صادقه طفشانه ، وين أنتي
لَمَا : ابد قاعده أحضر الماده الي علي ناسيه أن الدكتوره
طلبت مني ألخص لها مادتها
تأففتت بضجر نَطقت نَجمه : لاحوول يعني ماودك
تتطلعي معاي
لَمَا : امم عطيني نص ساعه اخلص شوي واجيك مقدر
اتركك يروحي
ضحكت بحماس نَجمه : تم بقول للشغاله تجهز القعده
بايوو
لَمَا بأبتسامه : بايوو
_______________
'
حَسن الي كان مقهور من الي صار عباله راح يخلي بنته
تتزوجه ويشرط عليه بجزء من الأسهم مقهور مقهور
لدرجه ما تتخيلها !!
أخذ ملف حق الشركه وهو مقهور : طول عمري بالشركه
ولا أستفدت منها حتى مالي أسهم فيها وهو مبسوط
فيها ومرتاح باله هو وعياله
مسك راسه بقهر ورفع عيونه وهو يحاول يخطط لشي ..
--
« ببيت الشيـخ سـالم »
عند مسفر الي كان جاي أبوه ويشتكي له عن البَـدر :
ولله أنه ابن ** جاي الديره وبقوه عين بعد وش وده
أكيد مخطط لشي هو وجده ولا ماكان جاي هني أصلا
الشيخ سالم : اسكت يولد وش تهذر أنت جاي لديرته
وحن وش علينا منه !
مسفر بقهر : بس يا يبى من قوه القهر الي فيه جا وتكلم
معاي ومن دون سبه ضربني ترضاها وانا ولدك !
الشيخ سالم أنقهر من فعل البَـدر : أنت تقول الصدق
يولد !
مسفر بكذب : اييه وانا صادق يبو مسفر
عصب الشيخ سالم بقوه : ولله ما أخلي الليل يمسي
عليه بالخير وانا الشيخ سالم - ناظر ولده وهو يقول -
قم رح ناديه للزفت خله يجي عندي أنتظرك واذ مارضي
بالغصب هاتوه
قام مسفر والبسمه ماليه وجهه : أبشر
وراح باس خشم أبوه وطلع ..
أنت تقرأ
أنتي ضـي القَمـر لو صَـار بينـا مَسَـافَـات
Ficción Generalروايتي الثانيه أتمنى أن تنال إعجابكم قراءه مُمتعه 🤍 #البَـدر_الـريـم
