أنتي ضـي القَمـر لو صَـار بينـا مَسَـافَـات

البارت 25

بسـم الله الرحمن الرحيمالله
اللهم صل وسلم على نبينا محمد 🤍
°°°°°°°°°°°°°°°°°°°°°°°°°°°°°°
°
قاعد يمشي بالمول وهو يناظر جواله يحسه كل شوي بمكان تأفف ولف وجهه يمشي جهه اليمين بس حس بأحد يركض له ويمسك أديه انخرع من الحرمه الي مسكته : بسم الله علامك
وهو يبعد عنها وهي تقرب لها وهو يبعد كانو يضحكون كان خايف تتبلى عليه ولا شي عشان كذي يبعد بس هي مسكته بشده : طلااال وقف
خف عقله من الصوت حس مألوف رفع حاجب : نعم
قالت بخوف واضح عليها : أنا هي نجمه حبيبتك
أنصدم ماتوقع أنها هي وشلون تقابله وهي عيت اول بس ماخلته يكمل كلامه الا وهي تصدمه بطلبها : تكفى ساعدني
عقد حاجبه : نعم اش فيه ؟
مسكت يده بخوف وهي بعيونها تأشر لورا : مو صح شايف رجال ورا لابس بلوزه برتقاليه ولابس طاقيه
رفع عينه يشوف اللي وراها وكان صح بس شك للحين ما صدق أنها نجمه رفع جواله يرن تحت انظارها وهي تأفف : انت للحين مو مصدق
وطلع صدق جوالها رن وابتسم بداخله بس تذكر طلبها وعقد حاجبيه بعصبيه : علامه ؟ وش مسويلك
نجمه بخوف : ولله ماعرف يا طلال يلاحقني له كمن ساعه خايفه
كان بيروح بس توقف يوم شافه جاي لجهتم وهي من الخوف ترتجف قرب وألقى السلام وقال : خير واقف معها
رد طلال باستغراب تام : نعم ؟ المفروض أنا الي أسألك خير تلاحقها
ضحك المجهول وهو يناظر نجمه : الحين هذا حبيبك الجديد ووواو
وصفق تحت استغراب طلال وكانت نجمه تشد على يده بخوف وحس بخوفها طلال : هه صح حبيبها بس نسيت شغله وحده
رد عليه المجهول باستغراب : وش هي ؟
مسك يدها وشبك أيدها بأيده : هذي تكون زوجتي
أنصدم شوي بس يحاول يتلاشى الصدمه : وانت راضي بماضيها ؟
شد على أيدها طلال : ايه راضي وزي ما أنت قلت ماضي ومافي حد معصوم عن الغلط
تركهم المجهول وهو يسب نجمه والي ارسلته لها ماقالت له انها متزوجه
أما طلال كأن مويه أنكبت عليه مصدوم من الشخص الي شافه والكلام الي قاله ماتوقع بس لف عليها وترك أيدها  وهي تقول : قسم اني اسفه وربي اني ما اقابل أحد حتى لي سنه ما سويت شي غيرك انت
مسح على وجهه وهو يقول : اها اها ، اسمعي بس
تكلمت بسرعه نجمه : قول اسمعك بس امانه لا تعلم اهلي
ضحك طلال : ههه ماعلم أحد طيب ودي مقابل !!
انصدمت منه ما توقعت أنه شخص نذل ويطلب بعد اشياء كثيره جتت ببالها ..
__________
المغـ7ـرب …

كانت واقفه مع جراح وهي خايفه بتوتر قالت : جراح ماراح يصير شي صح
أبتسم عشان يطمنها : البدر اذا قال كلمه يسويها لو على قطع رقبته الحين هو راح يهربها والسيارة جاهزه ولما يوصلو المدينه راح يتزوجها معليك انتي وراح حتى اطمنك عليها لو ودك
تتطمنت ديم وبدت دموعها تنزل : شكرا
ناظر عيونها الرماديه : البكى ما انخلق لعيونك
استحت من كلامه وحست بشعور قوي يجيها وهي تبتسم وتروح
ضحك على خجلها وقام يشوف البدر ويجهز السياره والي يحتاجونه
___
تجهز البدر وهو متحمس شافه جراح : شف يالبدر لا تفرح كثير ولله صدقني راح تصير مشاكل
تنهد البدر وحس الحماس اختفى : بس ياخي وش اسوي ؟ مقدر اخليها كذا
وقرب وهو يمسك جراح من كتوفه :  هي تحبني تعرف وش يعني ؟ يعني اعترفت عن مشاعرها وودك ياني اخليها تروح من بين أيدي
قلب عيونه بملل وهو يحاول يرجعه للصواب : يالبدر تكفى رد علي بقولك راح تصير مشاكل وانت وهي بغنى عنها
لف عنها وهو يلبس شماغه : ولله وانا البدر ولد محمد ما اخليها كذا تعاني بسبب ولد عمها
جراح : ولد عمها ولا ماودك ياها تروح عنك
أبتسم بخفه ومشى عنه تارك جراح يتحلطم
_________________

تبكي بحرقه من سمعت أنه راح يخطب خويتها تحبه وتعشقه من طفولتها وهو ولا حس فيها يعتبرها أخت له مسحت دموعها وهي تروح تشوفه
دورته بالبيت مالقته طلعت للحوش وهي تشوفه واقف كان متضايق من أبوه قربت له وهي تفك شالها وتخليه مرتخي نادته ببحه فيها بكيه : زياد
تنهد زياد وهو يبتسم يحب يفضفض لها ويسمعها تنصحه لفت وشافها شعرها شوي امبين استغرب ونزل عينه وهو يكح ابتسمت له وهي تقرب : لا تنزل راسك مو صح أنا زي اختك
عَقد حاجبيه وهو للحين منزل عيونه : وش ؟
سمع شهقتها وهي تقول : مو صح أنا زي اختك ليه منزل عيونك ؟!
أضطر يرفع عينه زياد : صح محنا اخوان بس أنتي مثل أختي ديم
صرخت عليه بقوه : تستهبل علييي وششش مثل ديم وش اخوان
قربت وهي تصرخ وتضربه على صدره : مانيب اختك ماني اختك ماااانييييييي
مسك أيدها يهديها : وش فيك انتي
قربت له وهي تمسك وجهه : أنا أبتليت بحبك من حن صغار ليه منت حاس فيني
أنصدم زياد منها ومقدر يتحرك من الصدمه