أنتي ضـي القَمـر لو صَـار بينـا مَسَـافَـات

البارت 24

بسـم الله الرحمن الرحيمالله
اللهم صل وسلم على نبينا محمد 🤍
°°°°°°°°°°°°°°°°°°°°°°°°°°°°°°
°

حل الصبـاح وكان طلال وصل له كم ساعه
شاف شقته ومبسوط فيها اول ما تخش البيت جنب الباب حمام ' وانتوا بكرامه ' وممر يوديك للصاله ومطبخ امريكي
وجلسه رايقه كنب بلون الأسود ومخدات بلون رمادي وشَرفه فيها قعده كراسي للقعده الصبح ومعك فنجال قهوه " اخ رواقه 😂 "
اخذ نفس وهو يجلس ويبتسم عـ الحياه الجديده الي راح يعيشها وما حَس الا برنه جوال كانت حبيبته ترن عليه فتح الخط وهو يبتسم بكل حُب صادق : الوو يروحي
ردت عليه : ياهلا بقلبي ، الحمدلله على السلامه
طلال : الله يسلمك ، اخبارك
حبيبته بدلع طبيعي : بخير بس
استغرب شوي وقال : بس ؟
بوزت شفايفها : طفشانه وطالعه لحالي بالسوق
ضحك عباله شي طلال : ابد بس عشان كذا " تحمس وقال " اجيك أنا
انصدمت شوي بس تلبكت وقالت : ها
انفجر اضحك : ههههههههههههههههههه صدق اقول معليك ولله مانيب مسوي شي بجي لك نتسوق والسوق مليان ناس  " وقال برومنسيه " ومنها اشوف الزين
أستحت جد من كلامه واول مره تتطلع تقابله هي تعرف شكله لان يرسل صوره بس هو ماقد شافها ردت بتوتر : امم احس لا يروحي مدري خايفه
سأل طلال : طيب معليك انسي بس انتي وين بزبط
قالت له وهو اصلا لو جا ماراح يعرفها : أنا بسوق **
وكملوا سوالف
نتركهم شوي ونروح لمكان ثاني
_______

النوم جافيها ماذاقت طعم النوم ولا عينها هدت من الدموع الي مثل الشلال تعبت كثير وتحس نفسها دايخه كثيرررر قامت تروح تصلي تيممت لان مافي ولا ذره مي عندها وراحت تصلي وتقرأ قرآن لين حست بحد عند الباب قامت بسرعه وهي تدق الباب : فيه احد هني ؟!
ماسمعت صوت بدت تبكي : تكفون فيه حد هني ردي
وطق الباب سمعت همس خفيف : اي بس اسكتي شوي
عرفت الصوت وقربت لها اكثر للباب عشان تسمع كلامها الي هي ديم : اسمعي يالريم ترا سمعت عمي يقول إنك راح تتزوجي زياد والليله زواجك حتى بدون حفله ولا شي
شهقت من الصدمه ماتوقعت الجانب السيء من ابوها الي طول عمرها تشوفه شخص كويس : واسمعي لازم تهربي
بكت أكثر من الي قاعد يصير : وش اهرب يا ديم وين اروح يعني
ديم بهمس وخوف حد يشوفها : ودك تهربي لان زياد ناويلك عـ منوى الولد انجن يا الريم انجن  بس معليك ترا البدر هو الي قالي اني اقولك كذا بالاول ماصدقت بس حلف لي عـ قران قدام عيوني والشاهد جراح
حاولت تهدي نفسها وردت عليها : مقدر يـ ديم شلون اهرب وانا ما سويت شي غلط وفوق كذا راح اطيح من عين اهلي أكثر
ديم ببكى : ولله زياد انجن يا الريم حتى أنه مو زياد الأولي نظرته وأسلوبه تغير
مسكت وجهها وهي ترجف : طيب بس ماراح اهرب لين اصلي صلاه استخاره لو فيها خير بروح لو فيها شر ماراح اروح وصلي كلامي للبدر
ابتسمت ديم وهي تتدعي : يارب ييسر الأمر ولله حرام
وراحت عنها بسرعه بخوف من حد يكشفها
أما الريم بكت بكت لين داخت وهي ترجف وتشهق من الي صار لها وراحت تصلي صلاه استخاره
____
تجهز بسرعه وراح يشوف حبيبه قلبه صح مايعرف وجهها بس تذكر وهو يبتسم أنها مفعله الموقع بالسناب ضحك ضحكه لطيفه وهو يلبس ثوب بني وشماغ ويمسك سبحته يلفها لف وهو يدندن ويقول بصوت رومانسي : ‏أنتَ الشعور اللي يطمّن فؤادي
‏وأنتَ الحياه اللي أبيها علىٰ طول"
ااخخخخ يارب خلني اشوفها واقدر اكلمها وجه لوجه
وطلع من البيت وهو يسمي
_____________

نايمه بعمق وماحست الا بيد تلمس كتوفها وتشم شعرها ابتسمت عـ التصرف هذا بس بنفس الوقت كشرت ما بينت حسته يتزايد باللمس لين جا لخصرها لفت عليه وهي تقول : اشفي
رد عليها مبتسم : معليش صحيتك
موده بتكشيرتها الدائمه : وش شايفني يعني اووف
وقامت عنه وهي ترفع شعرها لفوق وهو يقرب لها بسرعه ويعطيها بوسه عـ خدها : صحه النومه يروحي
لفت عليه : اشبلاك صاير لطيف اليوم
ضحك وهو نظرته حزينه : ابد يروحي جهزي نفسك بنروح مشوار
استغربت موده : ليه وين رايحين من عـ الصبح
ماجد : اشش جهزي نفسك

تحت بنفس البيت "

جالس وهو ينق عـ أبوه : يبى الليله راح أملك عليها
تأفف ابو ماجد : يولد اش بلاك هد شوي انتو منجدكم
مصدقين
زياد بعصبيه : ولله يبى اني شفتها تضحك معه وبينهم
علاقه بعد
تكلم بعصبيه : يولد قصر حِسك وتكلم زين عن بنت
عمك انا اكثر واحد اعرف الريم وهذا مو طبعها ولا
دربها يولد !! هذا كلامك وانت تحبها وين الثقه ؟!
مسك راسه بعصبيه من أبوه وقام : أنا الليله مملك عليها
مثل ما قال عمي ودك تجي حياك ماودك براحتك يبى
وقام وهو زعلان من أبوه بس مو مثل زعل ابو ماجد عـ
وضع الريم هو مو مصدقه ابدا يعرف الريم زين ماهي
دروبها هي أكثر وحده خجوله وما تتكلم مع عيال حتى
ولده الي الكل يعرف أنه يحبها بس ما تجرأت وتكلمت
معه شلون تتكلم مع غريب !!!