أنتي ضـي القَمـر لو صَـار بينـا مَسَـافَـات

البارت 10

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
ركب معه وهو يتحلطم وكان جَراح يعرف السالفه كان
فاطس ضحك : يولد شفيك حسستني أنك هاج من
زوجتك الي مقرفه حياتك
أطلق ضحكه ساخره : مايضحك
جَراح وهو يبتسم : يرجال ولله وها - مسك عـ شواربه -
ومن هذي صدقني راح تعشق ابو البر وأهله بعد
رفع حاجبه بأستنكار : والاخ مصدق أسكت بس
وراح شغل اغاني وهو يدندن معها

- بعد ساعه وهم بالطريق -
وصلو للديره وكان الليل ضب ( بمعنى حَل الليل )
وماهي واضحه شلون شكل الديره الي كان الوضع
بالنسبه لـ البَـدر مملل أخذو أغراضهم ودخلوا البيت الي
كان فله بس صغيره وكانت فخمه جداً
تكلم البَـدر وهو طالع عـ الدرج : يلا تصبح عـ خير بنام
جَراح : ماودك تسهر
عيا البَـدر وراح نام وجَراح بعد نام
________________________

الصـباح ..

قام عـ صوت أزعاج برا
تنهد بأنزعاج واضح قام من النوم وهو يطلع للشرفه وهو
يناظر وحَس كنه حلم بس تذكر وهو يفرك عيونه بأنها
الديره مو المدينه اخذ يناظر كان كل شي واضح له
ناس تمشي وتروح وناس تسرح بالغنم والأبل تأفف
بأنزعاج وهو يتكي عـ الشرفه ووده ينهار مفقوع من
الي قاعد يصير بس رفع راسه ولمح بنت تمشي عجن
وجهه يوم يشوفها ماسكه ناقتها وتمشي ومزينه ناقتها
بـ شريطه حلوه لونها أحمر أبتسم بسخريه عليها ورجع
للداخل عشان ياخذ شور سريع بعد ربع ساعه طلع
ونشف شعره وأخذ له بلوزه حلوه ما أهتم أنه يكشخ
لبس ساعته وأخذ كاميرته وشنطته ونزل كان جَراح
مجهز الفطور بما أنه كان عايش لوحده تعلم يطبخ
ومافيها عيبه بعدها نزل يفطر : صباح الخير
جَراح بضحك وبصوت رومانسي : صبااح الوورد يورد
أنتا  ' كمل بهبل ' كيف النومه يروحي
ضحك على هبل خويه وقال وهو يرتشف الشاي : الوضع
هنا غريب ياخي وش الازعاج هذا
تكلم جَراح : ابد يخوك هذا طبع الديره وهذي عادتهم
تمغط بملل وهو يقول جَراح : قم بس بدون كَسل عشان
بنروح نشوف شغلك الجديد يالحبيب
وهو يتكلم بصرامه الي ضحك عليه البَـدر ..

___________

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
مر أسبوع وكان البَـدر يتعلم وكان كل شوي يطق صوره
جنن جَراح وهو يعلمه وكيف يخلي الناقه تسمع كلامه
وايش تاكل ومن هالكلام
كان يشوفهم مسفر وهو حاس بحقد عليهم بما أنه عرف
من هم اخذ يكلم اخوه ماجد وهو يأشر بعيونه عليهم :
شف بس قاعد يتعلم
ماجد الي كان مو مهتم ابد ويطقطق بجواله : وأنت
شعليك منهم خلك بنفسك
مسفر وهو يتكلم بحده : تكلم معي بأحترام
كشر بوجهه وراح عنه تارك مسفر يغلي من الحَقد عليهم
وهو يتكلم بالشات : شلونك يروحي
ردت عليه : بخير الحمدلله ، أشتقت لكك
رد عليها ماجد والأبتسامه شاقه وجهه : فدديت الي
يشتاق والمشتاق لك
ردت بضحكه وصار يتكلم معها ويأخذ علومها ..

_____________

عند البَـدر وهو ملاحظ نظرات مسفر عليهم وكيف كانت
نظرته لهم تكلم : علامه هذا يناظرنا كذا
رد جَراح بعد ماعرف أنه مسفر : معليك أتركك منه وركز
عـ شغلك
سمع نصيحه خويه وطنشه وأخذ يصور الحلال ويصور
جَراح بصور تحفه جداً
-
عند مسفر الي كان شوي ويطق وده ينكش عليه - بمعنى
يحارشه - راح عندهم ويوم وصل صار يقول : الله لا
يمسيكم بالخير
الكل أستغرب من كلمته ورفع حاجبه البَـدر بكل بجاحه
جا لين عندهم ويتكلم كذا !! لا جد وده يتهاوش رد
عليه البَـدر : ولا الي قال
حَس بغليان تسري بجسمه وهو يتقدم من البَـدر : أنت
مين ؟ - وهو يناظر جَراح - لايكون شغالك
وضحك وهو يدري من هو قرب له البَـدر وهو يدفه
شوي : خير ؟
كن ربه استجاب له ووده يتهاوش مع حد قرب ولكم
البَـدر بكس قوي حس بوجع وأن خده أنشل رفع راسه
وهو يستفز مسفر ويضحك : هذا الي عندك
بحركه سريعه من البَـدر ضرب مسفر بكس عـ بطنه
وبرجله لفها عـ رجل مسفر وطاح وهو مسك مقدمه
ثوب مسفر ويتكلم : من أنت يالنذل !! من أنت عشان
تتجرأ وتضربني !!
رد عليه مسفر وهو بقبضه البَـدر حس بأختناق شوي : أنا
مسفر ولد الشيخ سالم يعديم التربيه
ما أهتم البَـدر من هو وتكلم من بين أسنانه : أن شفتك
هني قسم بالله أني لأنهي حياتك - وصرخ - تتفههمم
حس أن هيبته راحت يوم الكل تجمع يشوفهم حاول
يفك نفسه من البَـدر لين قدر يفكه وقام من محله وهو
يناظره بحقد : اووريك يحفيد عبـدللّٰه ولله أن ماخليتك
تعض أصابعك ندم ما أكون ولد ابوي
وتركه ومشى وهو يناظر جَراح : وش التخلف ذا !! جاي
بكل بجاحهه يسب والحين يهدد فعلاً بلا عقل ..