أنتي ضـي القَمـر لو صَـار بينـا مَسَـافَـات

البارت 37

اللهم صل وسلم على نبينا محمد 🤍.
لايـك فضـلاً وليسَ أمراً
              ______________________
وصلها للبيت وهي مبسوطه من طلعتها غيرت جو كثير خشت غرفتها وهي تاخذ الأكياس ومبسوطه فتحت ولقت بجامه لونها وردي رايق ضحكت عليه بس كان ذوقه يجنن
اخذت الكيس الثاني ولقت اشياء حلوه مشتريها لها ، لمحت كيس لونها أحمر مورد أخذته ومستغربه توها تشوفها اخذت بسرعه وهي قعدت على السرير وتفتح بسرعه وفرحه لقت علبه بلون أحمر فتحته لقت سلسال قلب فتحت القلب لقت حرف B ♥ R ابتسمت وضحكت بفرحه " الله يجننن ولله ذوقه حلو " دققت بالأحرف " ليه حط حرفه وحرفي فتحت عيونها على كبرها
" معقوله هذا عباره عن اعترافه ؟ " راحت لبسته طالع جوناااااااآن عليها وهي تفكر فيه
____
الصـباح  ..
-
نايم بوضعيه غير مريحه فتح عيونه وحس جسمه متكسر لف عيونه شافها نايمه قريبه من عندها لمس وجهها بلمسه دافيه شال خصله من شعرها وهو يتذكر يوم جا البارح عندها ويوم مسكت أيده وكيف كان يبكي عندها ، كان متعود يجي لها ويفضفض لها من أيام طفولتهم ولين كبر اخذ نفسه وقام وتركها
دخل لغرفته وهو قاعد يخطط كيف وشلون يلقاها !! شك مو بس شك تأكد أنها هربت مع البدر !!!
___
      ______________________
ناظرو بعض باستغراب مايعرفونه ولا شي ولا قد شافوه هنا حس طلال راح يرفضوه وبقلبه يدعي يارب يوافقوا : أنا جيت ودقيت الباب لأني صادق وجاد
حمود بشك : من دلك علينا ، يعني عدم المؤاخذه مابينا معرفه
ابو حمود : ايه ولله صادق ، " بتساؤل " من ولده أنت
طلال توتر شوي خاف يقول ويلقى الرفض وخايف يكذب وينكشف الكذب بس : ولله ابد سمعتكم طيبه ولي الشرف أني اناسبكم ، أنا طلال سالم الـ *****
أنصدم أبو حمود : ولد سالم الـ ***
طلال بغباء : ايه عسى ماشر ؟
ابو حمود : ها لا ولا شي ، ولله لنا الشرف تناسبني أن شاء الله خير
طلال : أن شاء الله خير أنتظر ردكم ،
وهو يقوم : الحين عن أذنكم
حمود : توه بدري
وهو يصافح ابو حمود وحمود : المره الجايه أن شاء الله سلام
تركهم وترك ابوحمود بوسط ذهول وش الي عرفه فيهم بس أبتسم يوم تذكر خويه الي هو عمه أخذ نفس ويبعد الذكرى الي مرت قدامه بلمحه البصر ..
_______
نروح لمكان زمان ما جيناه  ..
-
المجهول والي هي زينب تكون من قرايب البدر بس من بعيد كثير : الوو
المجهول : ها وش ودك بعد ؟
زينب بخبث : شلونك وشلون قلبك
المجهول بابتسامه جانبيه : ماتوقعت انها متزوجه
زينب بضحكه طويله : وانت مصدق ؟ صدق غبي
المجهول والي أسمه ناصر : ولي يرحم والديك تقلعي ولله ما يجي من وراك غير المصايب تخيلي بس لو أنه دق على الشرطه ؟ ولله صدق رحت فيها
زينب بثقه : معليك دام وراك زينب مافي مصايب
ناصر بعقله " أنتي ابو المصايب "
وهي تولع سجارتها وتشفط منه بقوه وتنفثه : أن ما خليته يجي ويركع لي ويقول اقبل فيك زوجتي ما اكون زينب
خاف ناصر منها : ولله تخوفين
زينب بضحكه سخريه وهي تشفط من السجاره : أي شي  يخصني صدقني لأولع الدنيا ولا أخليه يتهنى بحياته !!!
ناصر : ايه ، اقولك عرفت لك اخبار جديده ، فيه شخص يدور على البدر
زينب : وش يبي منه ؟
ناصر : ولله لسه ماعرفت بس راح احاول اجيب أكثر معلومات ..