أنتي ضـي القَمـر لو صَـار بينـا مَسَـافَـات

البارت 21

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°

كان الجوو ظلااام دامس ماتشوفي اصبعك فيه والدنيا
غيم بس ماهي غيم طبيعيه كل شي من حولها أسود
بأسود حاولت تمشي بهالمكان بدون توتر أو خوف بس
حست بأحد وراها يمشي لفت بسرعه من الخوف مالقت
حد حست بأحساس أن فيه حد بس ماهو موجود
صارت اتدور بمحلها تسمع صوت بجهه اليمين لفت
بسرعه صار الصوت يجي من اليسار لفت بعد ماشافت
شي حست بشي يتحرك من عند رجليها خافت كثيرر ولا
تجرأت انها تناظر لتحت عـ طول ركضت بدون ما تحس
وتسمع صوت ركض وراها خافت بشكل مو طبيعي !!!
ركضت بأسرع ما عندها بس كل مال الطريق يصير
صعب وتتعثر بأحجار حست بحد يمسك بلوزتها ومن
شده الخوف قامت تصرخ بدون ماتعرف من الي مسك
قامت من النوم وهي تصرخ حقيقي بالواقع تناظر تشوف
من فيه شافت كل شي طبيعي عندها : اهدي أعوذ بالله
من الشيطان الرجيم بسم الله الرحمن الرحيم هذا
كابوس
وصدرها من شده التنفس قام يطلع وينزل بخوف
حاولت تهدأ وتشرب مي ماتتدري وش الي قاعد يصير
لها صار لها فتره طويله تشوف كوابيس !!
-
عند جراح الي كان نفس الشي صحى من الكابوس حقه بخوف حاول يهدأ بس حس بوجع ببطنه وش صار وش الكوابيس صار يسأل نفسه
شرب مي ويحاول يهدأ وهو يتذكر ذيك الحرمه الي هرب منها وهو مراهق : مو وقته أتذكرك الله ياخذك
_______

بالصباح قامن البنات يجهزو نفسهم عشان يرجعوا بسبب
أن الريم تعبت فجاه بس تعب بسيط
قررو أنهم يرجعوا للديره وبعدين يطلعوا مره ثانيه
اخذت ترتب شنطتها وتحط اغراضها والبنات نفس الشي
سَمره راحت تزبط البنات وترتب مع عماتها وموده
زبطت الأغراض وهي تروح مع سَمره ضلو بالغرفه بس
نوف وديم والريم
ديم كانت تساعد الريم وتهمس لها : شفيك يروحي
الريم بنفس الهمس : بخير معليك بس شويه إرهاق
وراح اصير بخير
هزت راسها ديم وهي تشوف نوف جايه لجهتهم : خير
تتهامسو
الريم بحنيه : ابد يعيني بس تتطمن علي
وعطتها أبتسامه أما نوف الي حَز بخاطرها ليه يتهامسو
كذا كني غريبه لهدرجه صرت مو خويتكن
وديم راحت تلبس

دقايق وحطو أغراضهم ومشوا للديره ...
___________

عند البدر الي كان يهتم لجراح الي شافه تعبان سأله :
وش فيك كذا يا ساتر يارب
جراح بصوت دوبه ينسمع : ما ادري بس أن شاء الله
بصير بخير
قام البدر وهو يجيب شوربه العدس مع ليمون عشان
يصير بخير : يلا ودك تاكله كله
ضحك جراح عليه ..
_____________

مر أسبوع عليهم وجراح صار بخير بس الكوابيس
مازالت تجيه بشكل مو طبيعي لدرجه مايقدر ينام
كويس أما البدر حَس أنه طاح بحب الريم وقرر يعترف
لها بالوقت المناسب أما ماجد الي علاقته مع موده
مازالت هي نفسها
طلال الي كان يجهز نفسه عشان يسافر للمدينه دبر له
شقه حلوه وعلى قده هو وصاحبه عشان اول مايروح
على طول يحط اغراضه بالشقه وراح يدبر له شغل
عشان يبدأ يشتغل ماوده يصير عله على أبوه وده
يعتمد على نفسه
أما نجمه الي بس عرفت أن طلال راح يجي وهي
متوتره منه لأنه اخذ العلاقه بجديه تامه وقررت أنها
تبعد عنه " بس ماتعرف وش راح يجيها بالمستقبل "
أما ديم وهي تحس بأن جراح صدق تعبان وملاحظه
عليه تتمنى ولو تعتني فيه أو تقدر تكلمه وتسأله
الريم وهي تحس طول الاسبوع هذا تعبانه بشكل مو
طبيعي بس تحاول تقاوم الألم