أنتي ضـي القَمـر لو صَـار بينـا مَسَـافَـات

البارت 43

اللهم صل وسلم على نبينا محمد 🤍.
لايـك فضـلاً وليسَ أمراً
______________________
« المـاضـي »

كان يطقطق بالجوال وهو ماشي لقى بنت واقفه مع ولد تضحك وتسولف معه حس أنه يعرفها بس دقق الا وهي صدق هي نفسها راح لعندهم وده يعرف من هو !! وش يسوي بديرتهم لان واضح من شكله مو من الديره !
قرب لهم ودز الولد : هيي خير من انت
الولد : خير انت وش فيك ؟
لف أنظاره لموده الي كانت مرتعبه من الي صار : ماجد وش تسوي هنا
مسك ياقه الولد وعطاه بوكس عـ وجهه : من انت يكلب
صرخ عليها صراخ يخوف !! : اش تبي منها
لف عليها بسرعه ومسك كتفها : من ذا !! وش تسوين معاه
مقدرت ترد عليه من الخوف والتوتر الي صابها : ماجد تكفى وش فيك
دزها قدامه : حسابك معاي بعدين امششششييييييي
-
بعد الي صار معها صارت تتجنبه ماتتدري ليه هو حيا او خوف ماعاد تعرف له طريق وكيف تتعامل معاه
حست أنه تغير 180 درجه مو هو زياد الي تعرفه وتحبه كان طيب وش حليله ، معقوله كل هذا التغيير بسبب ريم اخ وش سويت أنا لو ضليت منطمه مو أفضل بدل ما اتهمه بالتحرش !
" اليوم ماراح أنزل للعشى أكيد هو موجود لا ما ودي
طيب يمكن مو هني "
طلعت من الغرفه وتحاول تسمع له صوت ماسمعت شي غير صوت ام ماجد وموده وأبو ماجد
" اوووه الحمدلله " رجعت للداخل عشان تلبس شالها وتنزل بس لفت انخرعت من وجوده شافته يضحك عليها : يعني تتهربي من شوفتي ؟ لوء لوء ماتوقعت نوف الي تحبني وتموت فيني الحين تتهرب من شوفتي ؟
نوف بضحكه بسيطه وبحيا نزلت راسها : ها لا بس ..
ماعرفت وش تقول أو تخترع كذبه ، قرب زياد شوي : ماعندك عذر هه
رفعت راسها بعدم فهم سمعته يُنطق : ودي ترضيني
عَقدت حاجبها بأستغراب : وش ليه شسويت ؟
زياد : كذبتي علي ؟ ثانياً ماودك تشوفيني ، ااه جرحتيني وااااجد
نوف بنفسها " وت شفيه قلب تغير حاله لسه كان متوحش صار لطيف الحين أحس فيـ .. " قطع حبل أفكارها وهو يشد خصرها له : ودي رضاوه
شتت عيونها بخوف من قربه وبتوتر نطقت : زياد تكفى أبعد
زياد وهو يلمس خصل شعرها : واذا ما بعدت ؟
ناظرته بنظره حِزن ودمعتها نزلت عـ خدها : لا تصير كذا لا تكسر قلبي بمعاملتك ، أنت ماتحبني
زياد ضحك بخبث : وانتي وش سويتي فيني ؟ قولي ناسيه أنك اتبليتي علي أني تحرشت فيك ؟ أذكرك يعني ؟ وناسيه أنك السبب بهروب البنت الي أحبها !! خليتيها تهرب بسهوله وأنك ..
سكت يوم شاف دعومها تنزل غصب عنها دزها عنه وهو يلف وده يطلع : لا تنسي أنك السبب ولازم تتحملي غلطك
تركها وقلبه وجعهه عليها ، أنهارت من البكى وهي تتحسف على الي سوته ..
___

______________________
وصلت بسرعه وخوف على خويتها وأختها ريم : تكفى جراح طمني
جراح : انزلي والحين تعرفي يلا
نزلوا بسرعه وفتح الباب بدر : جوا شوفيها بـ الله
سمعوا صوت صراخ وركضوا كلهم وقلوبهم طاحت بسبب صرختها الي تخوف شافوها تضرب بنفسها جت ديم وحطت شالها عليها : ريم اهدي بسم الله عليك وش فيك يروحي
ماترد بس تصرخ بقووووه : وش فيها يالبدر ؟
حكى له القصه وجراح أستغرب حس بوجع حاول يسيطر على نفسه بس ماتحمل قعد على ركبته بوجعه شافه البدر : وش فيك جراح
جراح وهو يعض شفته : اخ بطني توجعني
بنفس الوقت صرخوا اثنينهم انصدموا ديم والبدر وعلامات الأستفهام عليهم : وش فيييهم
صرخت ديم على البدر : ماني عارف ولله
البدر : جراح رد وش فيك
ماسمع رد منه بس يصرخ بقوووه : ااااااااااااااهههه
غمض عيونه بخوف وهو يتخيل شكل شخص : ااابعدددد
وعند ريم بدت تلين ملامحه وبدت تعرق : اهه يمه بطني أحسها تقطع تقطع اااه
حاولت تركز ديم ناظرت البدر : وش نسوي احس مخي راح يروح بسبب صراخهم الي مو طبيعي
فكر البدر لين خطرت بباله أنه يشغل قرآن راح بسرعه وشغل القرآن عـ سوره البقره بدأ الشيخ يتلوا الآيات ومن كل كلمه جراح يحس روحه يطلع وصراخ مو طبيعي عكس ريم الي هدت فجأه وبدت تستفرغ
ديم والبدر انصدموا : معقوله تأثرو !! وش فيهههمم
البدر بتوتر : مدري مدري هذا الشي مو طبيعي
____
خلال هالأيام كانت تفكر هل تقبل او ترفض لو قبلت ما تعرف وش راح يسوي فيها ؟ يمكن ماخذني على أنتقام بس انا وش سويت فيه !! أفكار صارت تجيها تحس راح تنفجر !!! طيب لو رفضت راح اروح فيها وانا اعرفه اذا حط شي بباله راح يسويه
دخل عليها ابوها وهو يبتسم : شلونك يبنتي
ابتسمت لأبوها ودلوعته الوحيده : هلابك يبى حياك
جلس جنبها وهو يقول : ها وش رايك ترا الرجال سألت عنه وما شاء الله عليه وفوق كذا حليوه " وغمز لها "
ضحكت نجمه بخجل : يبى شفيك ، ولله الرأي رأيك وش تقول سويه
سكت ابو حمود شوي وبعدها قال : الف مبروووك عليكم
فتحت عيونها : ها انت موافق ؟ جد
ابو حمود : هههههه شفيك خفتي ترا الزواج سنه الحياه وكلنا راح نتزوج ولا فيه خوف ولا شي وأن كان على المسؤوليه ترا كل شي بالحياه مسؤوليه وان كنت مع ربك ومسوي فروضك الدينيه ومريح بالك ونفسيتك كل أمورك محلوله بأذن ربي وأن ضقتي بيوم ألجي لربك أولاً تقربي لربك حاولي تفضفضي لربك
سكتت نجمه وهي تهز برأسها ، طلع عنها ابوها وهي جلست تفكر بِـ ناحيه جانبية ..