أنتي ضـي القَمـر لو صَـار بينـا مَسَـافَـات

البـارت 5

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
قاعد وهو يسب جراح بقلبه وش سوا فيه وليه شاوره يطلع معه !!
قام يتحسر شافه جراح ومسك الضحكه لا يضحك وياكل منه بهدله قام يسأله : علامك يرجال كنك حرمه منخرع لي جنب الزاويه
قامت الشله تضحك عليه وعـ شكله الي كان جنب السياره ولابس بوت ( شوز ) : اقول على شحم أنت وياه
وقام يشد الفروه على جسمه وهو يتنهد ويناظر القمر
قامو العيال شبو النار لأن الليل لِيل الي قام يجهز الشاي والي شب النار والي جاب العود يجهز نفسه يدق قام جراح وقعد جنب البدر : اقول يالبدر
نَطق البدر : لبيه يالغالي
أبتسم وهو يناظر القمر : تحبني
ضحك عـ كلامه : أهيم بك
سمعه واحد من العيال : اووووه قعده رومانسيه ههههههههههههههههههه
ضحكوا الجميع بينما قال جراح بجديه لـ البدر : تتدري أنك أخ عزيز علي ولا أبدلك بغيرك لو خيروني بين مين ومين
أبتسم البدر له وهو يربت على كتفه : كفو يالذيب
لفو على العيال وقام سامي يدق والكل قام يصفق : غني يالبدر
ماردهم أبد وقال : أبشرو
قام يتنحنح شوي عشان يجهز نفسه لـِ يغني وأبتسم
وهو يناظر القمر ويغرد بصوته العذب المميز :
عيني انا بعينها والقلوب بعاد
اخشى هدب عيني يلامس هدبها
ما اقوى الحكي حينها والقلب ما اعتاد
على لقى اللي حبها من عرفها
نظرت سواد عيونها هذا المنى والمراد
لهفت شفايف طولت في عنقها

صفقوا له العيال وكان صوته طالع رايق مع دقه العود يحبوا يجيبونه أكثر شي بسبب صوته العذب وقعدته المميزه
ضلو صباحي بين السوالف ودَقه العُود ..