أنتي ضـي القَمـر لو صَـار بينـا مَسَـافَـات

البـارت 4

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
نروح لبيت كان بيت وكبير بس بنفس الوقت فخم وله
طراز خاص فيه اللي كان عباره عن بيت شعر بالحوش
كان بقسم الرجال الي بعيد عن قسم الحريم بشوي
والقعده الزينه وشبه النار وريحه النار تأخذك لعالم ثاني
والدله الموجوده جنب النار والفناجيل قام ولده وصب
لأبوه فنجال وكان ميزته طقت الفنجال بالدله يوم
يصب ويعطيه ابوه : تفضل يالشيخ
الشيخ سالم : زاد فضلك يذيب
وراح بعدها صب للرجال للي عنده الي كانو جاين يحطو
حد لواحد من الديره الي تعدا على أملاكه : أشرب
قهوتك يبو طارق
ابو طارق الي اخذ الفنجال وحطها على الأرض الي كان
بحسب عادات البدو الي وده يطلب طلب مهما كانت
كان مايتقهوى يركد الفنجال على الأرض لين يقول وش
طلبه واذا وافق شربه وأن ما وافق بعضهم ما يشربو
وبعضهم يشربو تقديراً لهم : أنا يالشيخ جيت بطلب
منك طلب
شافه ماشرب وترك فنجاله : وش العلم يبو طارق

ابو طارق الي كان واصل حده : طالبك يالشيخ بأنك
تبعده عن طريقي لأنه ناويٍ علي بالشر وأنا جيتك لأجل
أكسر الشر وهذاني قلت لكم
كان يتكلم ويأشر للكل: والكل يشهد
تعالت الأصوات لين تكلم الشيخ سالم : أبد يبو طارق
قولي وش الحاصل ؟
تكلم ابو طارق وقال له بالتفصيل وش سوا فيه جاره
كان يقول بأن له مزرعه وكان حاط حدود لهن وقايسهن
قيس يومٍ جيت بعد فتره لقيته ماخذٍ 15 متر من
الحدود الي بينا وانا ما ارضى ولا انت ترضى يصير
فيك كذا !!
جيت له وقلت له العلم ولا رد ولا عطاني وجه ضليت
ساكت لين مره ثانيه سواها وقلت ما بسكت وقلت أجي
اشوف رأي شيخنا صاحب الحق وأكيد ماراح تظلمني
رد الشيخ سالم : لا ولله ابدً ما اظلمك ولا أظلمه وانا
بشوفه لك وأعصه لين يطلع لي الصدق منه وأعرف ليه
سوا كذا وأبشر بللي يرضيك يبو طارق
سكت ابو طارق وكلام الشيخ أرضاه : تقهوى يبو طارق
اخذ يشرب قهوته : جدد فنجال ابو طارق يولد
قام ولده وصب له فنجال ثاني ..