أنتي ضـي القَمـر لو صَـار بينـا مَسَـافَـات

البارت 17

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
جالسه مقهوره من كل شي يصير بسبب التوتر قامت
تطقطق أصابعها مسحت وجهها بسرعه رجليها بدت
ترجف بقوه توها الي تسمع بأنه راح توها !! كيف خبر
مثل كذا راح بدون ماحد يقول لها حتى أخته !! ماقالت
لي
أخته اخخ قسم لأوريك يـ نَجمه بدت تحط خطه لها
ودها تبلش فيها بالأول ..
_____

نَجمه وهي تتكلم مكالمه قامت تضحك على سوالفه
سكرت منه وهي تقول : أهبل من قال احبك اصلا ولله
مليت من سوالفك حتى
تأففتت وهي تقوم تزبط شعرها وتحط مرطب على
وجهها سمعت صوت رساله جتها مسحت يدها وأخذت
الجوال تشوف وهي تقرأ " أنتي تسوين كذا !! حتى
ماتعلميني عن روحته ولله يا نَجمه شكلك ناسيه
ماضيك !!! ولله ما أخليك تتهني " عَقدت حاجبها وهي
تقول من ذا وش هذ الي قاعد يصير طنشت الموضوع
وريحت راسها وبلكتها
_____
ديم وهي تقوم تزبط نفسها ببتطلع برا البيت تشم هوا
لقت امها وهي تروح لها : يمسيك بالخير يمه
كشرت أمها : اهلين ، وين رايحه
ديم وهي تبتسم : بطلع أشم هوا مع الريم
رفعت حاجب امها : اها ، زين لا تطولي
راحت من عندها وحرمه تخش دخلتها ديم وراحت
ام مطلق : السلام عليكم
ام ماجد : وعليكم السلام ياهلا ومسهلا
وهي تقعد شافت تمر وقهوه قامت تصب لها ضحكت ام
ماجد عليها وش ذا اللقافه : ها ام مطلق وش الأخبار
ام مطلق وهي تشرب بسرعه : شوفي يم ماجد اذا ودك
الخبر الزين الي يسر خاطرك " وسوت حركه بايدها
بمعنى فلوس "
فهمتها ام ماجد وهي تروح للغرفه وجت وهي تعطي
بدون نفس : اخلصي علي يم مطلق
اخذت الفلوس وهي والضحكه شاقه وجهك مو كنها الي
قبل شوي من شافت الفلوس : شوفي اول شي فيه خبر
بأن واحد جاي متقدم لبنتك
انبسطت ام ماجد وهي تقول : لنوف يحلاه الي يكبر
قطعت كلامها : لا ودهم ديم
كشرت أكثر : من زين وجهها الديم !! لا كنسلي
وكملت كلامها وهي تقول : اي كملي عطيني علوم
الحريم بالديره يم مطلق
قامت تحكي لها كل شي وش صار ببيت فلانه وكيف
طلقها زوجها وهذيك ضرتها هي السبب وووو
__
قاعده تمشي وهي مبسوطه وبنفس الوقت متوتره حيل راحت لمكان الأبل وهي تشوفه كيف يركب عليه ويضحك حست بكميه راحه بداخلها لا شعورياً أبتسمت يوم أبتسم ضحكت من ضحك اخذ عقلها وروحها وهي ما تحس
لمحها وهي واقفه تناظره استغرب وكشر من الوضع بنت وتلاحقه بعد وش قله الأدب وين عايشين
بس طنشها وهي شافته يناظرها استحت منه كثير وتذكرت كلامه لها قامت بسرعه تعطيه ظهرها وهي تطقطق بالجوال تلتهي فيه شوي وجت الريم وبدت تسولف معها وتلتهي وكانت كل وحده تاخذ لمحه للي بالهم
أخذ البدر نفسه وهو يبعد شوي عنهم وقريب من عندها ومعه الكاميرا عشان يتعلث أنه يصور
تكلمت ديم وهي تناظر الريم : شفيه يناظرك
توترت الريم : مدري
ديم : يبنت جد يناظرك !!
الريم بكذب : جد يناظرني طيب مو ملاحظه
طنشتها ديم وهي تروح له وصلت لعنده : أنت هي خير جالس هنا وتصور
رد البدر : شعليك انتي قاعد عـ قلبك
تنرفزت منه إلا عـ جيه جَراح : خير اش فيه
تكلمت ديم : وش قله الأدب هذي جاي عندنا ويصور بعد
رفع حاجب جَراح : ول ول بس عشان كذا ، ترا اعرف خوي ماهو كذا مايصور حد
تنرفزت منه ديم : وانت وش حشرك بينا !! تعرف من انا !!
جَراح وهو يمسك كتفها ويهمس : ناسيه نفسك كنتي تلاحقيني
صار وجهها احمر من الأحراج وتكلمت : تقلع يلعن شكلك
جَراح : لا تسبي
مشت وهي تركض وتقول : اقلب وجهكك يحيووان
جت لريم وهي تاخذ نفس : قله ادب
الريم : وش فيه