أنتي ضـي القَمـر لو صَـار بينـا مَسَـافَـات

البارت 34

اللهم صل وسلم على نبينا محمد 🤍.
لايـك فضـلاً وليسَ أمراً
              ______________________
نروح لمكَـان زمـان ما جيناه ..
-
مستمتع بالخبر الي سمعه وحَس أنه انبسط حيييلل ولأول مره يحس بشعور جميل له سنين ماحس براحه ولا فرحه ، دخلت عليه زوجته : وه وشبك كذا فرحان
قام وهو يغير ملابسه ويلبس بجامته : شعليك مهتمه
قربت له وهي تلمس كتوفه : وليه مو أنت زوجي وحبيبي
لف عليه وبعد أيديها : ومن متى صرت زوجك وحبيبك !
عَقدت حواجبها وهي تحاول قد ما تقدر تعرف سبب ابتسامته : وش فيك كذا شاق لي هالابتسامه
ضحك عشان يستفزها ويشعل فضولها ولا هو متاكد ما تحبه ولا تغار عليه كل همها فلوسه تشبع فيهن : هههههه ولله هذا شي ما يخصك ماشي ؟
وراح عنها يغير ملابسه دقايق وخرج لقاها لابسه قميص نوم فاصخ شوي ضحك على تفكيرها " تحسبيني بتغريني وتاخذي الي ودك إياه اكيد ماورا الشي هذا إلا المصلحه " حس بلمساتها على خدها : اقول حبيبي
ماسمعت رد : شف صحباتي
تأكد انها فقط مصلحجيه ولا عندها كرامه يوم يخص الفلوس مشى عنها تاركها منحرجه ..
_____________
برا بالحديقه ..
-
أخذ نفس من الي صار معه مو لهدرجه ماعندها كرامه أو ما تستحي منه أخذ يكمل شغله ويريح باله صار من كثر ما وده يحكي مع حد أو يخالط صار بس يشغل نفسه بالشغل ماوده يفكر كثيرر
شاف ضو فاتح من عند الشباك أبتسم لأنه يعرف أن ذا شباكها ابتسامته شقت وجهه ششقق وهو مو مصدق الي سمعه من جده وده يملك الليله قبل بكره
___

              ______________________
بالمطبخ "
-
نظفت المطبخ وخلصت وراحت تسوي الأكل مارضت تخلي عمتها تساعدها ودها تفش غلها بالشغل للحين ماجا وأعتذر لها لهدرجه أنا مالي قيمه عنده ؟  " ليش يكرهني طول السبع سنوات وأنا أحاول أرضيه وفوق كذي مو راضي عني ! تعبت وانا ألحق وراه وهو يذلني مو لهدرجه عاد ولله اني تعبت منه تعبت بس وش اسوي أحبه !! اخخ يَـ رب "
دخل عليها وشافها وهي منغمسه بالشغل تنحنح أنتبهت له بس طنشته جا لعندها : شفيك ما تردي ؟
طنشت ولا ردت مسفر : ردي !
تنرفز من أسلوبها الي تغير قرب وشد خصرها لين وجعها تألمت من شده الوجع بس ماردت عليه عَندت أكثر من أول : ردي
كملت تقطيع الخضرى وهي مطنشته والألم يوجعها حييلل : ماشي خلك كذا ولله لأدبك
طلع بعصبية منها حَس بشي غريب !! ليش زعلت ؟ وانا من الأول ماودي أعبرها بس لا أنا إذا ودي اكلمها ترد واذا ماودي تنقلع !! مو على كيفها تمشيني
____
تردد يدق متوتر وخايف شوي !! توه يدري أن ذي تكون حفيده عبداللّٰه أنقهر حيييلل !! ليش حبها وتعلق فيها ليش " ولله لو أدري أنها بنت فلان وحفيده فلان ماكان حبيتها وحكيت معها ولا تعلقت فيها ولا كان ودي اخطبها " بس حاول يقنع نفسه " فرصه وجتني وبس تكون ملكي وحرمتي راح اوريها الويل وأعذبه بحفيدته مثل ما أخذ منا أغلا شخص " صار عيونه حُمر بسبب العصبيه والذكريات الي بدت تجيه ..