أنتي ضـي القَمـر لو صَـار بينـا مَسَـافَـات

البارت 35

اللهم صل وسلم على نبينا محمد 🤍.
لايـك فضـلاً وليسَ أمراً
              ______________________
البَـدر ~ الـرِيـم
-
طق الباب وثواني فتحت الباب شافها لابسه وابتسم أنها سمعت كلامه : يلا مشينا
الريم بتساؤل : وين رايحين طيب قولي
كان بيمد يده ويمسكها بس تذكر انها مش محرم لها : يبنت أمشي
ابتسمت من حركته ومشت معاه ، ركبوا السياره وهي تفكر وين وده يوديها ؟ سمعته يشغل لخالد عبدالرحمن شافها تضحك قال بضحكه : شفيك ؟
حطت يدها عـ فمها : معليش هههههه بس أكتشفت أن بينا نُقطه مشتركه
سألها بأستغراب بدر : وش هو يا ترى ؟
ريم : تحب خالد عبدالرحمن ؟
أبتسم بدر : ايه احب اسمع أغانيه ودقات العود منه
شردت بخيالها الريم : حتى انا احب دقه عوده واغاني أحسه توحفه وشلون يتقن الدق بالطريقه المبهره هذي ياخي أحس دقاته حياه نغمه رائعه تعيش بعالم ثاني
البدر : اوه اوه البنت مغرمه فيه
ريم : هههههه
بدر بصوت منخفض شوي بي تقدر تسمعه : ليتك تغرمي فيني كذا وأزود
أستحت حيل منه وسوت نفسها ما سمعت
شويات ووصلوا للمول نزلوا مع بعض وهي مستغربه بس ماشيه معه اخذها لمحل ملابس : ودي منك تشتري الي يعجبك
حست انها تنهان ؟ وش ذا جايبني هني عشان اشتري : ماودي ؟ من طلب منك أصلاً مو محتاجه شي
البدر : ول شفيك هبيتي فيني ؟ - بصوت هادي - أنتي بأمانتي واذا ماعجبك تقدري تعتبريه دين وراح تتدفعيه بعدين
الريم : دين ؟
بغموض البدر : ايه دين  ، يلا امشي قدامي بس
اخذ يلف بالملابس وهي معاه تتفرج طلع لها بجامه أستحت منه صح بجامه عاديه ؟ بس أستحت أن شخص توها تعرفه يشتري معها ملابس ، حس بأحراج واستأذن منها : معليش جاني تلفون بروح ارد وأنتي خلصي امورك
وراح بسرعه ، وهي تضحك على الموقف الي أنحط فيه
__
أخذ نفس وهو يتصل مو عارف شلون يتقدم لها كذا بسهوله ؟ اول مره ولا هو عارف شلون وكيف يتقدم أو يخطب خايف من رده فعلهم أنهم يعرفوا من هو ولد مين !! ماحس نفسه إلا وهو يكتب الرقم ويدق : الوو
ابو حمود : هلا
طلال : السلام عليكم  ، شلونك يَـ عـمّ
ابو حمود بأستغراب من هو ذا ؟ : وعليكم السلام ، الحمدلله بخير شلونك انت
طلال : الحمدلله
ضل ساكت وماعرف وش يقول منحرج حيل من الي يسويه حس ابو حمود أنه طول : قولي يولدي علامك عسى ماشر ؟
طلال : اءء و لله يَـ عـمّ ودياك بموضوع مهم ضروري
استغرب ابو حمود بس تكلم عادي : ابشر بس عسى ماشر
طلال : و لله خير ، بس ودي أمر عليك ببيتك
استغرب أكثر وماقدر يقول لا : ابشر يبوي حياك تنورنا
وقفل ضل سرحان شوي ومستغرب سأله الجد عبداللّٰه : شفيك
ابو حمود : ولله يبوي مدري ، بس يقول وده ياني بموضوع والموضوع ضروري وده يمر علي هني بالبيت
الجد عبداللّٰه : اها حياه شف وش وده يمكن محتاج لا تقصر معاه
وقام عنه وتركه سرحان شوي
___
              ______________________
يفكر وذبحه التفكير والشك !!! معقوله هربت مع بدر معقوله ولله لو طلع صدق ماراح اخليهم يتهنوا
حس بوجع بقلبه بس يوم يتخيل أنها معاه وفضلته على أهلها وعلي أنا !!! ليش كذا يصير مسك رأسه بجنون قام من محله وضل يمشي مالقى حاله الا وهو عند نوف
ايه نوف !! ، شافته دخل عليها بدون استئذان خافت حست بخوف مو طبيعي بسبب تصرفاته وجنونه معها ماعمرها شافته كذا بس سوت نفسها عادي قعد على الأرض جنب السرير وسأل : ليش حياتي أنقلبت ليش
ضلت ساكته ومتألمه من الي صار كمل هو : وش سويت بدنيتي عشان يصير معاي كذا ؟؟
أخذ نفس طويل وهو يناظر بشتات وكانت نوف تناظره بحب وألم " وش سويت فيه أنا هذا وهو ما مر غير اسبوع وصار فيه كذا شلون ودي اعيش معه وهو قلبه متعلق فيها لذي الدرجه يحبها !! " دمعت عيونها وهي تشوف يده تمدد ليدها ومسكها وحطها على وجهه حست بأنفاسه الحاره عليها ..
_____
عند جراح ...
-
تعب من الألم الي يصير فيه كذا وش السبب يحاول يأخذ نفس بس كل مال الوجع يزداد مع كل نفس قام يشوف نفسه على المرايه رفع بلوزته من على جسمه وهو يناظر الشي الي بدأ يطلع على بطنه حس كنه حرق !! توه يطلع له من كثر الألم والوجع صار يطلع كذا مره عـ شكل حرق مره عـ شكل بقع خُضر بنفسجي أحمر سمع جواله يرن اخذه شاف أنها هي رد : الو
تجرأت وردت : السلام عليكم ، شلونك
جراح بأبتسامه : وعليكم السلام ، الحمدلله اخبارك
ابتسمت ديم : بخير الحمدلله
ترددت انها تقول ولا لا بس حست لازم يعرف ودها تشوف رده فعله : شسمه أنا هه اءء
جراح : قولي ؟ وش فيك عساك بخير
ديم بسرعه : لا لا بخير الحمدلله بس شسمه انا قررت شي وحبيت افرحك معاي
جراح : قولي يروحي
دق قلبها من كلمته وراحت بأحلام ماراح تصحى منها بسبب الكلمه : تتدري اني بكمل دراستي عندكم
فرح لها بحب أخوي : ولله صدق ؟ مبروك يروحي
ديم فهت : ها روحي ؟
ضحك جراح : اي شفيك ؟ ولله أني انبسطت لك يا الله اشوفك اكبر ناجحه ومتخرجه
ابتسمت ديم  ...