أنتي ضـي القَمـر لو صَـار بينـا مَسَـافَـات

البارت 13

بسـم الله الرحمن الرحيم ♥
اللهم صل وسلم على سيدنا محمد عليه افضل الصلاه والسلام 🤍.
لايـك فضـلاً وليسَ أمراً
°°°°°°°°°°°°°°°°°°°°°
^
^
'
كانت تركض من الخوف ووصلت للبيت وقفت عند
النخل تاخذ نفس وهي تتذكر وجه الرجال الي شافته
حست بحراره بجسمها من تذكرت وجهه وصوته !!
تذكرت كلامه لها « سهيت بذيك العيون وأثري عن
هواها مانيب تايب » حطت يدها على فمها بخجل
وغمضت عيونها ثواني وسمعت صوت رجال يدخلو
البيت تخبت ورا النخل وهي تشوف اثنين ماسكين
واحد ومسفؤ معهم دققت شوي فيه وفتحت عيونها
على كبرها وهي تقول : وش ذاا ، يويلي لايكون اخوي
شافني معه يمه !! يمه يمه
-
عنده كانو داخلين بالحوش لمح شي عند الشجر وجت
عينه بعيونها بس هي ما أنتبهت لف وجهه عشان ماحد
يشك وهو يبتسم ويقول بباله " اها شكلها بنته أو
زوجته وحده من الثنتين » توجع قلبه بس قال زوجته
تمنى تكون هي أخته لأن حس راحه بس شافها
-
شافتهم دخلو وهي عـ طول ركض لجوا وتمسك جوالها
تدق عـ ديم عشان تجيها هي ونوف من الخوف قامت
تتخيل اشياء تخاف يذبحوها يسوو لها شي !! وهي
كانت صدفه بدون قصد ..
-
عند موده الي كانت جالسه بالغرفه تعبت من الوضع الي
هي عايشتها صح عايشه ولا تسأل عنه أو تهتم له بس
احس ضغط طول السنين الس مرت عليها وأنها ماودها
تحمل منه
راحت اخذت حبه من حبوب منع الحمل قبل مايجي ..

_________

'
« جَراح ، دِيـم »

طاحت عـ الأرض ناظرته وهو يقرب لها خافت شوي بس
شافته يمد يده لها عشان تقوم مسكت طرف ثوبه
وتشده وقامت بدون ملامسه أيده وهذا الي عجبه أكثر
فيها عدلت نقابها وتكت لغبر من على هدومها -
ملابسها-
قالت بتلعثم من التوتر الي صابها وهي تشوفه قدامها :
ممـ.. شكور
رد عليها وهو مخلي وجهه حاد عشان تخاف أكثر ولا
تقرب له أو تناظره أبد : أنتي وش تسوي هنا ؟ ليه
لاحقتني ؟
انحرجت بقوه منه كانت بترد بس جاها أتصال اتصلت
عليها الـريـم بخوف تقول لها : تكفيين يـ ديم الحقيني
ولله خايفه اخوي يذبحه
فتحت عيونها بخوف وهي تقول : وش يالـريـم يلا يلا
جايك
سمعت صوته وهو يتكلم بعد وهو يقول : وش متى صار
هذا وكيف أخذوه عيال الكلب
سكر منه وهو يناظرها يقول : سلام
وهي تمشي قدامه بدون ماترد حست بحد وراها شافته
هو وراها خافت أكثر
وصارت تشد على رجلها أكثر
حست نفسها قربت للبيت لفت تتأكد اذا وراها الا صدق
وراها ولاحقها ردت عليه : انت ليه لاحقني !!
وقف جنبها : وعع هذا الناقص الحق وراك ؟
لف ناظر البيت : أنا رايح للناس ذولا الي ماخذين خويي
وانتي ؟
ردت عليه بتوتر : هذا اءء " نزلت عيونها " بيت عمي
استغرب بس ضحك : اها طيب تقلعي
انقهرت من كلامه لها جته ضربته بوكس على بطنه
وراحت دخلت البيت وهو ماسك بطنه بتوجع : بنت
الذينه اخخ