أنتي ضـي القَمـر لو صَـار بينـا مَسَـافَـات

البارت 22

بسـم الله الرحمن الرحيمالله
اللهم صل وسلم على نبينا محمد 🤍
°°°°°°°°°°°°°°°°°°°°°°°°°°°°°°
°
تجهز طلال وراح يكمل تجهيز شنطته دقايق وخلص كل شي وقف وهو يناظر أغراضه الي راح ياخذهن وحس أنه مبسوط من الشي الي قاعد يسويه ومتحمس للروحه
شال اغراض وزبط حاله وطلع برا غرفته
شاف أمه سلم عليها وعيونها مليانه دموع من فرقاه : يوليدي وش ودك بالجامعه ولله ماقوى بعدكم عني
أبتسم طلال وهو يهدي أمه الي بدت تبكي : يمه ولله كل عطله بجيك وفوق كذا يومياً راح ارن عليك صبح ومسا بس تكفين لا تبكين دموعك غاليه يا يمه
مسح دموعها وهو يضمها وراح سلم على أهله وركب سيارته وراح لحاله عيا يخلي اخوه مسفر يروح معه فـ تركه لحاله
____________

عند نجمه الي قررت تتطلع تغير جو اخذت شنطتها ولبست شالها وحطت النظاره عليها عبايه ماهي وسيعه كثير مزينه بالالوان لون الأبيض والرمادي خط من اسفل العبايه لعند خصرها وأطراف اكمامها بعد وشال اسود عليها لمعه وكعب عالي
ركبت السياره وهي توصفه المكان
دقايق ووصلت المول وراحت تتسوق وكان فيه شخص مراقبها من بعيد ومتابع خطواتها لحظه بلحظه
______________

جالسه بالغرفه وكانت الغرفه جداً مبعثره وقرف وبخور ريحته غريبه بس قرف !!
وموقد نار قبالها بزبط وقاعده تقطع رجل دجاج وتأخذ شعره على جنب وهي تضحك بجنون راحت أخذت السكينه وخرمشت حالها لين نزل الدم وبسرعه جنونيه اخذت القماش حطت النقط من دمها وحطت ريش الدجاج ولفته بالقماش وكتبت عليه كلام غير مفهوم وجهزته
وراحت جاب رجل الدجاج وحطته بالموقد حق النار وصار ريحته بأرجاء المكان وأخذت الرجل المحروقه وفايعه ريحته وبخرته بالقماش وهي تحط كل شي على الأرض وهي تضحك بجننووون غريب !! : نشوف نشوف نشوف
وصارت تردد الكلام هذا بشكل غريب ومو مفهوم المغزى منه
___
قاعده تحلم بكوابيس وزاد عن حده قامت مخروعه من الوضع الي تشوفه اخذت نفس عشان تهدأ بس ماتعرف وش الحل لها ايام تعبانه بس ماتعرف وش تسوي قررت تقوم تاخذ شاور وتقرأ قرآن
_____________

العصر السـ5ـاعه

ينتظرها على أحر من جمر وده يعترف بمشاعره وينهي كل شي يصير وده يعرف تحبه أو تقبل فيه
أنتظر دقايق وشافها وهو له اسبوع ماشافها سمع أنها تعبانه وقلبه وجعه عليها اسرع بخطواته جاهل الأنظار الي يناظره
قرب لها وقال : السلام عليكم
استغربت من وجوده بس ما تنكر حست براحه : وعليكم السلام
نزلت راسها بخجل وهو زاد إعجابه ودقات قلبه تتزايد مو عارف وش يقول فصار يضحك بتوتر الي استغربت منه الريم : ماعرف شقول بس شسمه
حك خشمه بتوتر وهي تحثه على الكلام : تكلم
البدر : الريم ودي اقولك شي بس قبل كل شي ودي انك تعرفي اني صادق وماقلت الا وانا جاد
زاد فضولها تعرف وش وده وهزت راسها وتكلم : الريم أنا احبك
فتحت عيونها بصدمه ماتوقعت يحصل كذا ؟!! دقات قلبها دق وابتسمت من تحت النقاب وبتوتر قامت تلعب بايدها حس منظره صار غبي بسبب ماتكلمت طولت : الريم ردي ، لو جيت وخطبتك توافقين
الريم بخجل : أنا شسمه
هز راسه البدر : كملي
الريم : مدري ههههه مدري شقول ترخبطت جيت فجاه وقلت كلام احس مرخبطه توترت
ضحك البدر : معليك شلون وضعي انا ازود منك ، بس انا جاد أن وافقتي علي الحين الليله خاطبك
رفعت عيونها بسرعه وفهاوه : الليله
أبتسم البدر : ايه الليله
ماحسو بالشخص الجاي الي مسك البدر ويقعد يضرب فيه شافته زياد : زيااد وش تسووويي ابعدد
زياد وهو معصب لدرجه مو معقوله :  يووواطييي
صار يضربه بكس على وجهه وبطنه قام البدر وهو حس الكون يقلب فيه تقدم له وعطاه بوكس على بطنه : من انتت ينذذل
زياد وهو يقرب بعد ويضربه : انت الي مين وش وقفك مع خطيبتي !!!
وقف البدر عن الضرب : وش !! خطيبتك
ناظر الريم الي تهز راسها بلا وسمعها تقول : زياد وش تسوي من متى خطيبتك انااا !!
لف عليها وهو مقهور من الي شافه : وقسم بالله ما اخليك له يبنت سالم
وأخذ الريم بقوه وهي تصرخ عليه : ابعدد ينذلل
تقدم البدر وهو ماتحمل الي يشوفه ودفه بعيد وهو يقول : يوم تكون على ذمتك وقتها خذها
ضحك زياد : راح تصير ووقتها اوريك
لفت عليه الريم : ولله يكذب مانيب خطيبته ولله
أبتسم لها : مصدقك
ناظرت عيونه : ولله حتى انا معجبه فيك من اول نظره بس مالي جرأه اني أبين شي
وراحت عنه ركض وهو حس أنه فرحان من الي سمعه