#مذكرات جندي مجهول
#للكاتب عبد الله محمود
شنو تريد تعرف عن حالتي هسة ؟
تريد اوصفلك يوم الالتحاق شنو ؟
ما راح تفهم كلامي ولا راح يوصلك الشعور مهما حجيت و مهما وصفت
تطلع من بيتكم و عيونك على الرصيف و الشارع
تركب الباص و الطريق كلة تباوع على ديالى و تباوع على الناس و همة يحيونك
توصل خانقين و دكات كلبك تزيد كلش
توصل للحدود و وية كل خطوة يصعد الخوف وياها
متعرف شنو وضع الجبهة ؟
تدخل على مركز القيادة بالقاطع مالتك و تروح باتجاه نصيبك
اول ما تتحرك السيارة الي تنقلك للكتيبة مالتك
تبدي تسمع
قذايف مال مدفعية تنفجر قريب عليك
صوت طلق بعيد
ريحة بارود و ريحة حرك تخنكك
الجكارة متفارك حلكك
لازم تسوي اي شي يبعد التوتر
تبدي تغني لو تدندن وية المسجل الي مشغل اغاني وطنية
تحاول تشجع نفسك و تنطي لنفسك قوة
تشوف دخان طالع من كتيبة المدفعية معناها اكو مدفع انضرب بقذيفة
_ لكيت جنود جديدين على الحرب كاعدين بصفي
لحضة صمت
محد يحجي بس تسمع اصوات
انفجارات
دبابات تتحرك
دخان
الصمت معروف سببة الخوف
الغناء و الدندنة معروف سببه و هو محاولة تقليل التوتر والقلق
أحد الجنود الجداد جسمة يرجف
يدور جكاير
صحتة و انطيتة جكارة و عيني ما فاركت ايدة
ايدة ترجف متكدر تلزم الجكارة
أنت تقرأ
مذكرات جندي مجهول
Historical Fictionقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
