#مذكرات جندي مجهول
#للكاتب عبد الله محمود
١٩٨١
الشهر الثامن
* وصلت للرعيل
الافواج منتشرة كدامي
سلمت على العريف بكر الي جان واصل قبلي و سألتة :
شكو ؟؟
جاوبني : سيدي ماكو شي هاي انتشار طبيعي لان المقدم سلطان كال ماريد الافواج كلهة تتجمع على جبل خلي ينتشرون أحسن
" اي الحمد لله المهم هسة شنو صار بالاسبوع الراح ؟
بكر : صادق تصوب سيدي
" شلوون ؟
بكر : وكعت بصفة قذيفة
" شنو إصابتة ؟
بكر : لا مو فدشي ثكيل سيدي بس شضيتين بضهرة
" خوما بالعامود الفقري ؟ يكدر يمشي ؟
بكر : اي سيدي يكدر كلشي مابي
" لعد منو هسة رئيس عرفاء ؟
بكر : سيدي واحد اسمة محمود
كلت يلا خلي نشوف محمود
_ انتبهت ان الهاونات بعدهة معناها القوات الايرانية استقرو بالقرى و ممفكرين بالهجوم لان استعادة السيطرة على غيلان غرب صارت اصعب بهواية مادام اغلب الجبال صارت تحت سيطرتنا
اول ما دخلت للملجأ اسمع واحد كلما توكع قذيفة هاون يكول :
انا اخووووك
انا اخوووك والله جابهة بصفنة
انا اخووك هاي قريبة والله
كلت للجنود : هذا منو ؟ وينة ؟؟
الجنود جاوبو : سيدي هذا رئيس عرفاء الجديد اسمة محمود
صفنت علية !!
هذا شديسوي !! اذا كل قذيفة انا اخووك !!
هاي شنو ؟
رحتلة و حجيت ويا :
" محمود شلونك ؟
محمود : كل الهلا بيك سيدي
" محمود انتة دتصرف ( انا اخوك ) هواية شنو الموضوع ؟
محمود : لا سيدي اني بالمعركة عد عيناك الله وكيلك اشككهم
" بيهة الخير مبين عليك ذيب امعط يمعود على كيفك وياهم !!؟
محمود : شوف سيدي ... (وكع هاون )... انا اخوووك هاي القذيفة جتي عدل بينة
أنت تقرأ
مذكرات جندي مجهول
Ficção Históricaقصة واقعية بكل تفاصيلها ،، كل احداثها و حواراتها واقعية ما عدا اسم بطل القصة و اسماء عائلته و كذلك ارقام الوحدات العسكرية ساتجنب ذكرها على حقيقتها حفاضا على خصوصية بطل القصة و تلبية لرغبته ، تركز القصة على ما مر به بطل القصة في الحرب العراقية الايرا...
